ବାସୁଦେବପୁର, ୨୫।୩: ବାସୁଦେବପୁର ମୁନିସିପାଲଟି ପାରା ଗ୍ରାମରେ ଏକ ପୋଖରୀରେ ବିଷ ପକାଇ କେହି ଦୁର୍ବୃତ୍ତ ମାଛ ମାରିଦେଇଥିବା ଥାନାରେ ଅଭିଯୋଗ ହୋଇଛି । ଏହି ମାଛ ଖାଇ ୩ ଜଣ ଅସୁସ୍ଥ ହୋଇ ବାସୁଦେବପୁର ଡାକ୍ତରଖାନା ଭର୍ତ୍ତି ହୋଇ ଚିକିତ୍ସିତ ହେଉଥିବା ସୂଚନା । ପାରା ଗ୍ରାମର ଅକ୍ଷୟ କୁମାର ମଲ୍ଲିକଙ୍କର ଚତର ପୋଖରୀରେ ଗତକାଲି ବୁର ବାହାର କରାଯାଇଥିଲା । ଏହା ପରେ କେହି ଦୁର୍ବୃତ୍ତ ପୋଖରୀରେ ବିଷ ପକାଇ ଦେଇଥିଲା । ସେହି ପୋଖରୀରୁ ମାଛ ଧରାଳି ମାଛ ଧରି କିଛି ବିକ୍ରି କରିବା ସହିତ କିଛି ଅକ୍ଷୟଙ୍କ ପରିବାରକୁ ଖାଇବାକୁ ଦେଇଥିଲେ । ସେହି ମାଛ ଖାଇ ଅକ୍ଷୟଙ୍କ ସହିତ ତାଙ୍କ ଝିଅ ଓ ପଡ଼ୋଶୀ ଲୋକେ ଖାଇଥିଲେ । ଖାଇବାର ୧ ଘଣ୍ଟା ପରେ ମୁଣ୍ଡ ବୁଲାଇବା ସହିତ ବାନ୍ତି କରିଥିଲେ । ପରେ ସମସ୍ତଙ୍କୁ ତୁରନ୍ତ ବାସୁଦେବପୁର ଡାକ୍ତରଖାନା ନିଆଯାଇ ସେଠାରେ ଚିକିତ୍ସିତ ହୋଇଥିଲେ । ଏନେଇ ଅକ୍ଷୟଙ୍କ ପୁଅ ଜୟପ୍ରକାଶ ବାସୁଦେବପୁର ଥାନାରେ ଅଭିଯୋଗ କରିଛନ୍ତି ।
କିଏ ନେବ ରାଜ୍ୟ କଂଗ୍ରେସ ନେତୃତ୍ୱ ? ଦିଲ୍ଲୀ ଦରବାରରେ...