ବାଲିପାଟଣା,୧୨।୫ :  ପୁଣି ଲୁଟିଲେ ସାଇବର ଲୁଟେରା । ରାଜଧାନୀ ଉପକଣ୍ଠ ବାଲିପାଟଣା ଥାନା ଖଇରିପୁର ଗ୍ରାମର ଜଣେ ଯୁବକଙ୍କ ଏସବିଆଇ କ୍ରେଡିଟ୍ କାର୍ଡ଼ ରୁ ୩୯ ହଜାର ୬ ଶହ ଟଙ୍କା ଲୁଟିନେଲେ ସାଇବର ଠକ । ଏ ନେଇ ଲୁଟ୍ ର ଶିକାର ହୋଇଥିବା ସନ୍ତୋଷ ବେହେରା ସାଇବର ଥାନାରେ ଅଭିଯୋଗ କରିଛନ୍ତି ।

 କ୍ରେଡିଟ କାର୍ଡ ରୁ ଇନ୍ସୁରାନସ ପାଇଁ ୩ ହଜାର ୫ଶହ ଟଙ୍କା କଟିଥିବା ସାଇବର ଠକ ଜଣକ ଫୋନ୍ ଯୋଗେ ସନ୍ତୋଷଙ୍କୁ କହିଥିଲେ । ଏହାକୁ ବନ୍ଦ କରିବା ପାଇଁ ଏକ ଲିଙ୍କ ପଠାଇ ଥିଲା ଠକ । ଲିଙ୍କ ରେ କ୍ଳିକ୍ କରିବା ସହ କିଛି ବ୍ୟକ୍ତିଗତ ତଥ୍ୟ ଦେଇଥିଲେ ସନ୍ତୋଷ । ଏହା ପରେ ପରବର୍ତ୍ତି ସମୟରେ ତାଙ୍କ ଫୋନ୍ ହ୍ୟାଙ୍ଗ ହୋଇଯାଇଥିଲା । ବିଭିନ୍ନ କିସ୍ତିରେ ତାଙ୍କ ଏସବିଆଇ କ୍ରେଡିଟ୍ କାର୍ଡ଼ରୁ ୩୯ ହଜାର ୬ ଶହ ଟଙ୍କା କଟିଯାଇଥିଲା । ସାଇବର ଠକ ଜଣକ ଫୋନ୍ କୁ ହ୍ୟାକ କରି ଟଙ୍କା ଲୁଟି ଥିବା ସନ୍ତୋଷ ଅଭିଯୋଗ କରିଛନ୍ତି ।