ସମ୍ୱଲପୁର, ୧୧।୨: ସମ୍ୱଲପୁରରେ 5T ତଥା ନବୀନ ଓଡ଼ିଶା ଅଧ୍ୟକ୍ଷ ଭି.କେ ପାଣ୍ଡିଆନ୍ । ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ କ୍ରମେ ସମ୍ୱଲପୁର ଜିଲ୍ଲା ପରିଦର୍ଶନ କରିଛନ୍ତି ପାଣ୍ଡିଆନ୍ । ବିଭିନ୍ନ ଉନ୍ନୟନ ମୂଳକ କାର୍ଯ୍ୟକ୍ରମ ପାଇଁ ୧୦୦୦ କୋଟି ଟଙ୍କା ମଞ୍ଜୁର ହୋଇଥିବା ବେଳେ ଭିମସାରରେ ବରିଷ୍ଠ ଡାକ୍ତର ଓ ଅନ୍ୟ କର୍ମଚାରୀଙ୍କ ସହ ଆଲୋଚନା କରିଛନ୍ତି । ସମ୍ୱଲପୁରର ଭିଏସ୍‌ଏସ୍‌ ଫୁଟବଲ ଷ୍ଟାଡିୟମ୍‌ ପରିଦର୍ଶନ କରି କ୍ରିକେଟ୍ ଷ୍ଟାଡିୟମ୍‌ର ବିକାଶ ସମୁଦାୟ ୩୫୦ କୋଟି ମଞ୍ଜୁର ହୋଇଛି । ଖିନ୍ଦାଠାରେ ବୀର ସୁରେନ୍ଦ୍ର ସାଏଙ୍କ ଜନ୍ମସ୍ଥାନର ବିକାଶ ପାଇଁ ପ୍ରକଳ୍ପର ସମୀକ୍ଷା କରିବା ସହ କାର୍ଯ୍ୟକୁ ତ୍ୱରାନ୍ୱିତ କରିବାକୁ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଛନ୍ତି । 

ମା' ସମଲେଶ୍ୱରୀ ମନ୍ଦିର ପରିଦର୍ଶନ କରି ନୂତନ ସୁବିଧା ଉପରେ ମନ୍ଦିର ପରିଚାଳନା କମିଟି ସହ ଆଲୋଚନା କରିଥିଲେ । ସକାଳ ୬ଟାରେ ସମ୍ୱଲପୁରଠାରେ ଆୟୋଜିତ ହୋଇଥିବା ମାରାଥନର ପତାକା ଉତ୍ତୋଳନ କରିଥିଲେ । ଏହି ମାରାଥନ୍‌ରେ ୪ ହଜାରରୁ ଉର୍ଦ୍ଧ୍ୱ ପ୍ରତିଯୋଗୀ ଅଂଶ ଗ୍ରହଣ କରିଥିଲେ । ସମ୍ୱଲପୁରରେ ଭଲ କ୍ରୀଡ଼ା, ସଂସ୍କୃତି ରହିଛି ଏବଂ ପ୍ରତିଭାକୁ ଆହୁରି ବିକାଶ କରିବା ପାଇଁ ସର୍ବୋତ୍ତମ ସୁବିଧା ଯୋଗାଇଦେବାକୁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଥିବା କହିଛନ୍ତି ପାଣ୍ଡିଆନ୍ ।