ପାଟନା, ୧୨/୦୯: ବିଦ୍ୟାଳୟରେ କୌଣସି ସୁବିଧା ନାହିଁ । ଶିକ୍ଷକଙ୍କ ପାଖରୁ ଅନ୍ୟ ଶିକ୍ଷା ଅଧିକାରୀଙ୍କୁ ବାରମ୍ବାର ଅଭିଯୋଗ ପରେ ବି ଫଳ ଶୂନ । ଶେଷରେ ଚରମ ନିଷ୍ପତ୍ତି ନେଇଛନ୍ତି ଛାତ୍ରୀ । ଛାତ୍ରୀମାନେ ବ୍ଲକ୍ ଶିକ୍ଷା ଅଧିକାରୀ(ବିଇଓ)ଙ୍କ ଗାଡ଼ିକୁ ଭାଙ୍ଗିରୁଜି ପକାଇଛନ୍ତି । ବିହାରର ବୈଶାଳୀ ଜିଲ୍ଲାରେ ବିଇଓଙ୍କ ଗାଡ଼ିକୁ ଛାତ୍ରୀମାନେ ଭାଙ୍ଗିରୁଜି ଦେଇଥିବା ନେଇ ଭିଡିଓ ସାମ୍ନାକୁ ଆସିଛି । ଘଟଣାସ୍ଥଳରେ ଉପସ୍ଥିତ ଥିବା ଜଣେ ମହିଳା ପୋଲିସ ଅଧିକାରୀ ଏ ସଂପର୍କରେ ଗଣମାଧ୍ୟମକୁ ସୂଚନା ଦେଇଛନ୍ତି ।
ବାହା ହେବାକୁ ଜିଦ୍ ଧରିବାରୁ ପ୍ରେମିକାକୁ ହତ୍ୟା କଲା ପ୍ରେମିକ, ବିବାହିତ ସେନା ଅଧିକାରୀଙ୍କୁ ବାନ୍ଧିଲା ପୋଲିସ
ବୈଶାଳୀ ଜିଲ୍ଲାର ମହନାର ଗାଁରେ ରହିଛି ଏକ ମହିଳା ଉଚ୍ଚବିଦ୍ୟାଳୟ । ଏହି ସ୍କୁଲରେ ଛାତ୍ରୀ ବସିବା ଲାଗି ଟେବୁଲ , ଚେୟାର ବି ନାହିଁ ବୋଲି ଅଭିଯୋଗ ହୋଇଛି । ଏନେଇ ବାରମ୍ବାର ଅଭିଯୋଗ କରିବା ପରେ ଶେଷରେ ରାସ୍ତାକୁ ଓହ୍ଲାଇଥିଲେ ଛାତ୍ରୀ । ଏହି ସମୟରେ ମହନାର ବିଇଓ ଅହିଲ୍ୟା କୁମାରଙ୍କ ଗାଡ଼ିକୁ ଛାତ୍ରୀମାନେ ଘେରି ଯାଇ ଢ଼େଲା ପଥର ମାଡ଼ କରିଥିଲେ । ଏହି ସମୟରେ ରାସ୍ତା ଜାମ ଦ୍ବାରା ପ୍ରଭାବିତ ହୋଇଥିଲେ ସାଧାରଣ ଲୋକେ ।
ସେପଟେ ଘଟଣାରେ ପ୍ରତିକ୍ରିୟା ଦେଇ ଏସଡିଓ ନୀରଜ କୁମାର କହିଛନ୍ତି, ଗତବର୍ଷ ଅପେକ୍ଷା ଚଳିତବର୍ଷ ସ୍କୁଲରେ ଅଧିକ ଆଡମିଶନ୍ ହୋଇଛି । ଯେଉଁ ଛାତ୍ରୀମାନେ ବସିବା ପାଇଁ ଟେବୁଲ, ଚେୟାର ପାଇନାହାନ୍ତି ସେମାନେ ରାସ୍ତାରେ ବିକ୍ଷୋଭ କରିଛନ୍ତି । ପରିସ୍ଥିତି ସଂପର୍କରେ ଅଧିକ ତଥ୍ୟ ପାଇଁ ଟିମ୍ ପଠାଯାଇଥିବା ନେଇ ନୀରଜ କୁମାର କହିଛନ୍ତି ।
ଅନ୍ୟପକ୍ଷରେ, ଛାତ୍ରୀମାନେ କୌଣସି ମତେ ବୁଝାମଣା କରିବାକୁ ରାଜି ନଥିବା ପୋଲିସ କହିଛି । ସେମାନଙ୍କ ଦାବି ପୂରଣ ଲାଗି ସହମତି ହୋଇଥିଲେ ହେଁ ସେମାନେ ବସି ଆଲୋଚନା କରିବାକୁ ରାଜି ନାହାନ୍ତି । ତେଣୁ ଏହି ଘଟଣାକୁ ନେଇ ଶିକ୍ଷା ବିଭାଗକୁ ସୂଚନା ଦିଆଯାଇଛି ବୋଲି ଥାନାଧିକାରୀ ପୁଷ୍ପା କୁମାରୀ କହିଛନ୍ତି । ସେପଟେ ଛାତ୍ରୀମାନେ ଅଭିଯୋଗ କରିଛନ୍ତି ଯେ ସେମାନେ ଶାନ୍ତିପୂର୍ଣ୍ଣ ଉପାୟରେ ଆନ୍ଦୋଳନ କରୁଥିବା ବେଳେ ପୋଲିସ ତାଙ୍କ ଉପରେ ହାତ ଉଠାଇଥିଲା । ଫଳରେ ସେମାନେ ବିଇଓଙ୍କ ଗାଡ଼ି ଉପରେ ଆକ୍ରମଣ କରିଛନ୍ତି ।
You can also read: କୁକି ଓ ମୈତେଇ ଯୁବକ ଏକାଠି ରଚିଲେ ସଫଳତା , ଫୁଟବଲରେ ଚାମ୍ପିୟନ ହୋଇ ଦେଶକୁ କଲେ ଗୌରବାନ୍ୱିତ
