ପ୍ରମୂଖ ଖବର
  • ଆସୁଛି ଲଘୁଚାପ: ରବିବାରଠାରୁ ରାଜ୍ୟରେ ପ୍ରବଳ ବର୍ଷା, ୧୫ରୁ ୨୧ ଯାଏଁ ଉପକୂଳ ଏବଂ ଦକ୍ଷିଣ ଓଡ଼ିଶାରେ ବର୍ଷିବ
  • ||

ଆଧାର ଅପ୍‌ଡେଟ ପାଇଁ ଡେଡ୍‌ଲାଇନ୍‌ରେ ବୃଦ୍ଧି, ସେପ୍ଟେମ୍ବର ୧୪ ଯାଏଁ କରିପାରିବେ ଅପଡେଟ୍

ନୂଆଦିଲ୍ଲୀ,୦୯/୦୯: ଆଧାର ଅପ୍‌ଡେଟ କରାଇବା ଲାଗି ସମୟ ଅବଧିକୁ ୟୁନିକ୍‌ ଆଇଡେଣ୍ଟିଫିକେସନ ଅଥରିଟି  ଅଫ୍‌ ଇଣ୍ଡିଆ (ୟୁଆଇଡିଏଆଇ) ୩ ମାସ ବୃଦ୍ଧି କରିଛି ।  ଫଳରେ ଡିସେମ୍ବର ୧୪ ଯାଏ ଲୋକମାନେ ମାଗଣାରେ ଆଧାର ଅପ୍‌ଡେଟ୍‌ କରିପାରିବେ । ଏଥିପାଇଁ କୌଣସି ଚାର୍ଜ ଦେବାକୁ ପଡ଼ିବନି । ଏହି ସମୟ ଅବଧି ପରେ ଆଧାର ଅପଡେଟ କରାଇବା ଉପରେ ଦେୟ ଭରିବାକୁ  ପଡ଼ିବ । ପ୍ରଥମେ ଏହି ସୀମା ଜୁନ ୧୪ ଯାଏ ଥିଲା । ଏହାକୁ  ସେପ୍ଟେମ୍ବର ୧୪ ଯାଏ ବୃଦ୍ଧି କରାଯାଇଥିଲା । ପୁଣି ଥରେ ଏହି ଡେଡ୍‌ଲାଇନ୍‌ରେ ବୃଦ୍ଧି କରାଯାଇଛି । 

୧୦ ବର୍ଷ ପୂର୍ବରୁ ଆଧାର ନେଇଥିଲେ ଏହାକୁ ଅପଡେଟ୍‌ କରାଇ ନ ଥିବା ଲୋକମାନେ ଏହା ଦ୍ୱାରା ଉପକୃତ ହେବେ । ଆଧାର ଅପ୍‌ଡେଟ୍‌ କରାଇବା ଲାଗି ୟୁଜର୍‌ଙ୍କୁ ୟୁଆଇଡିଏଆଇ ଅଫିସିଆଲ ୱେବସାଇଟର ମାଇଁ ଆଧାରକୁ ଯାଇ ନିଜର ତଥ୍ୟ ପ୍ରଦାନ କରି ଅପଡେଟ କରାଇବାକୁ ପଡ଼ିବ । ଡେମୋଗ୍ରାଫିକ ଡାଟାର ଅନ୍‌ଲାଇନ ଅପଡେଟ ହୋଇପାରିବ । ନିଜେ ଆଧାର ଅପଡେଟ  କରାଇ ନ ପାରିଲେ ନିକଟସ୍ଥ ଆଧାର ସେଣ୍ଟର ଯାଇ ଏହା  କରାଇପାରିବେ । ମାତ୍ର ଡେମୋଗ୍ରାଫିକ ଅପଡେଟ ପାଇଁ  ଗ୍ରାହକଙ୍କୁ ୫୦ ଟଙ୍କା ଦେବାକୁ ପଡ଼ିବ । ଅନଲାଇନ ଆଧାର  ଅପଡେଟ କରାଇବା ଲାଗି ମୋବାଇଲ ନମ୍ବର ଅପ୍‌ଡେଟ୍‌  ହୋଇଥିବା ଆବଶ୍ୟକ । ମୋବାଇଲ ନମ୍ବରକୁ ଆଧାର  ସେଣ୍ଟରରେ ଅପ୍‌ଡେଟ୍‌ କରାଯାଇପାରିବ

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.