ନୂଆଦିଲ୍ଲୀ : ଅଯୋଧ୍ୟାର ରାମ ମନ୍ଦିରରେ ରାମଲଲାଙ୍କ ପ୍ରାଣ ପ୍ରତିଷ୍ଠା ପରେ ଚାରିଆଡ଼େ ଏହାକୁ ନେଇ ଚର୍ଚ୍ଚା । ରାମଲଲାଙ୍କ ମୂର୍ତ୍ତିର ଖୁବ୍ ପ୍ରଶଂସା କରାଯାଉଛି। ବିଶେଷକରି ରାମଲଲାଙ୍କ ମୂର୍ତ୍ତିର ଆଖି ଲୋକଙ୍କ ମନକୁ ମୋହିତ କରିଛି। ତାଙ୍କର ସେହି ପଥର ଆଖି ଯେମିତି କଥା କହୁଛି । ରାମଲଲାଙ୍କ ମୂର୍ତ୍ତି ତିଆରି କରିଥିବା ମୂର୍ତ୍ତିଶିଳ୍ପୀ ଅରୁଣ ଯୋଗୀରାଜ ସେହି ରୁପାର ହାତୁଡ଼ି ଓ ସୁନାର ନିହଣର ଫଟୋ ସେୟାର କରିଛନ୍ତି , ଯାହା ମାଧ୍ୟମରେ ସେ ରାମଲଲାଙ୍କ ମୂର୍ତ୍ତିର ଆଖିକୁ ଖୁବ୍ ଆକର୍ଷଣୀୟ କରିଛନ୍ତି।
ଯୋଗୀରାଜ ଫଟୋ ପୋଷ୍ଟ କରି ଲେଖିଛନ୍ତି –ଏହି ରୁପାର ହାତୁଡ଼ି ଓ ସୁନାର ନିହାଣର ଫଟୋ ସେୟାର କରିବା ବିଷୟରେ ଭାବୁଥିଲି , ଯାହାର ବ୍ୟବହାର କରି ମୁଁ ଅଯୋଧ୍ୟାର ରାମଲଲାଙ୍କ ଦିବ୍ୟ ଆଖି ତିଆରି କରିଥିଲି। ଯୋଗୀରାଜଙ୍କ ଦ୍ୱାରା ସେୟାର କରାଯାଇ ଥିବା ଫଟୋରେ ଜଣେ ବ୍ୟକ୍ତିଙ୍କ ହାତରେ ଏକ ରୁପାର ହାତୁଡ଼ି ରଖାଯାଇ ଥିବାର ଦେଖାଯାଉଛି ଏବଂ ଏହାର ପାଖରେ ଏକ ପତଳା ସୁନାର ନିହାଣ ମଧ୍ୟ ନଜର ଆସୁଛି।
ଅରୁଣ ଯୋଗୀରାଜଙ୍କ ଦ୍ୱାରା ଏହି ପୋଷ୍ଟ ଖବର ଲେଖା ଯିବାର ପାଖାପାଖି ୪ଘଣ୍ଟା ପୂର୍ବରୁ ସେୟାର କରାଯାଇଛି। ସେବେ ଠାରୁ ଏହି ପୋଷ୍ଟରେ ୪୦,୦୦୦ରୁ ଅଧିକ ଲାଇକ୍ସ ମିଳି ସାରିଛି। ଅରୁଣ ଯୋଗୀରାଜଙ୍କ ଏହି ପୋଷ୍ଟରେ ଲୋକଙ୍କ ପ୍ରତିକ୍ରିୟା ମଧ୍ୟ ସାମନାକୁ ଆସୁଛି।ଜଣେ ଇନଷ୍ଟାଗ୍ରାମ୍ ୟୁଜର ଲେଖିଛନ୍ତି , ପ୍ରତିଭାର ପ୍ରତୀକ ! ୱାହା ଅଦ୍ଭୁତ। ସେୟାର କରିବା ପାଇଁ ଧନ୍ୟବାଦ ସାର୍ , ଅନ୍ୟ ଜଣେ ୟୁଜର କହିଛନ୍ତି , ଏହା ଅବିଶ୍ୱସନୀୟ। ଅନେକ ଲୋକ କମେଣ୍ଟ କରି ହାତ ଯୋଡ଼ିବାର ଇମୋଜିକୁ କମେଣ୍ଟ ବକ୍ସରେ ପୋଷ୍ଟ କରିଛନ୍ତି ।
