ନୂଆଦିଲ୍ଲୀ, ୨୭/୦୧: ଦିଲ୍ଲୀରେ କ୍ଷମତାସୀନ ଆମ୍ ଆଦମୀ ପାର୍ଟି ବିଜେପିକୁ ଟାର୍ଗେଟ୍ କରିଛି । କହିଛି, ବିଜେପି ତାର ୭ ଜଣ ବିଧାୟକଙ୍କ ସହ ସମ୍ପର୍କ କରିଛି । ଗୁଜବ କରି କହିଛି ଦିଲ୍ଲୀ ଅବକାରୀ ନୀତି ମାମଲାରେ ଗିରଫ ହୋଇ ପାରନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ୍ ।
ତେବେ ଆପ୍ ବିଜେପି ବିରୋଧରେ ଦିଲ୍ଲୀରେ ଅପରେସନ୍ ଲୋଟସ୍ ଅଭିଯୋଗ ନୂଆ ନୁହେଁ । ଏହା ପୂର୍ବରୁ ବିଜେପି ବିରୋଧରେ ୨୦୨୨ ଅଗଷ୍ଟରେ ସମାନ ଅଭିଯୋଗ ଆଣିଥିଲା କେଜ୍ରିୱାଲଙ୍କ ଆପ୍ । ତେବେ ଶନିବାର ଖୋଦ୍ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ୍ ବିଜେପିକୁ ସୋସିଆଲ୍ ମିଡିଆରେ ସମାଲୋଚନା କରି ପୋଷ୍ଟ କରିଛନ୍ତି ।
पिछले दिनों इन्होंने हमारे दिल्ली के 7 MLAs को संपर्क कर कहा है - “कुछ दिन बाद केजरीवाल को गिरफ़्तार कर लेंगे। उसके बाद MLAs को तोड़ेंगे। 21 MLAs से बात हो गयी है। औरों से भी बात कर रहे हैं। उसके बाद दिल्ली में आम आदमी पार्टी की सरकार गिरा देंगे। आप भी आ जाओ। 25 करोड़ रुपये देंगे…
— Arvind Kejriwal (@ArvindKejriwal) January 27, 2024
କେଜ୍ରିୱାଲ୍ ଲେଖିଛନ୍ତି, ଦିଲ୍ଲୀରେ ବିଜେପି, ଆପ୍ ବିଧାୟକଙ୍କୁ ଭାଙ୍ଗିବାକୁ ଚେଷ୍ଟା କରୁଛି । ବିଗତ ଦିନରେ ବିଜେପି ଆପର ୭ ବିଧାୟକଙ୍କୁ ଯୋଗାଯୋଗ କରି କହିଥିଲା କିଛିଦିନ ଭିତରେ ଗିରଫ ହେବେ କେଜ୍ରିୱାଲ୍ । ଏହା ପରେ ବିଧାୟକଙ୍କୁ ଅଲଗା କରି ଦିଆଯିବ । ୨୧ ଜଣ ବିଧାୟକଙ୍କ ସହ ଆଲୋଚନା ସରିଛି । ଅନ୍ୟ ବିଧାୟକଙ୍କ ସହ ମଧ୍ୟ ଆଲୋଚନା ଚାଲିଛି ।
ଦିଲ୍ଲୀରେ ବିଜେପି ସରକାର ପାଇଁ ଆପ୍ ବିଧାୟକଙ୍କୁ ୨୫ କୋଟି ଲେଖାଏଁ ଦେବାକୁ ଅଫର୍ ଦେଇଥିଲା । ଏପରିକି ବିଜେପି ଟିକେଟରେ ନିର୍ବାଚନ ଲଢ଼ିବା ଲାଗି ଅଫର୍ ଦିଆ ଯାଇଥିବା ଅଭିଯୋଗ ଆଣିଛନ୍ତି କେଜ୍ରିୱାଲ୍ । ଦିଲ୍ଲୀ ମୁଖ୍ୟମନ୍ତ୍ରୀ କହିଛନ୍ତି, ଆମକୁ ମିଳିଥିବା ସୂଚନା ଅନୁସାରେ, ବିଜେପି ଆପର ୭ ବିଧାୟକଙ୍କୁ ସମ୍ପର୍କ କରିଛି । ସମସ୍ତ ବିଧାୟକ ବିଜେପିର ଅଫରକୁ ପ୍ରତ୍ୟାଖ୍ୟାନ କରିଛନ୍ତି ।
କେଜ୍ରିୱାଲ୍ ଲେଖିଛନ୍ତି, ଏହାର ଅର୍ଥ ମୋତେ କୌଣସି ମଦ ଦୁର୍ନୀତି ମାମଲାରେ ଗିରଫ କରାଯିବ ନାହିଁ ବରଂ ଦିଲ୍ଲୀରେ ଆମ୍ ଆଦମୀ ପାର୍ଟିର ସରକାର ଭାଙ୍ଗିବାକୁ ଷଡ଼ଯନ୍ତ୍ର ରଚା ଯାଇଛି । ଗତବର୍ଷ ମଧ୍ୟ ଆମ ସରକାର ଭାଙ୍ଗିବାକୁ ବିଜେପି ଅନେକ ଥର ଷଡ଼ଯନ୍ତ୍ର କରିଥିବା ବେଳେ ପ୍ରୟାସ ବିଫଳ ହୋଇଥିଲା । ଭଗବାନ ଓ ଜନତା ସବୁବେଳେ ଆମ ସାଥିରେ ଅଛନ୍ତି । ଏଥର ବି ବିଜେପିର ପ୍ରୟାସ ବିଫଳ ହେବ ।
