ନୂଆଦିଲ୍ଲୀ, ୦୯/୦୯: ଦିଲ୍ଲୀରେ ଜି୨୦ ବୈଠକ ଆରମ୍ଭ ହୋଇଥିବା ବେଳେ ସଂଗଠନର ସଦସ୍ୟ ହୋଇଛି ଆଫ୍ରିକାନ୍ ୟୁନିଅନ୍ । ଜି୨୦ରେ ପ୍ରିଧାନମନ୍ତ୍ରୀ ମୋଦୀ ସଦସ୍ୟ ଦେଶ ଓ ଅତିଥିଙ୍କୁ ସମ୍ବୋଧନ କରିବା ବେଳେ ତାଙ୍କ ଟେବୁଲ୍ ଉପରେ ଏକ ନେମପ୍ଲେଟ୍ ରହିଥିଲା । ଯାହା ଏବେ ପୁଣି ଚର୍ଚ୍ଚାକୁ ଖୋରାକ୍ ଯୋଗାଇଛି । ବିଶ୍ୱର କୌଣସି ବୈଠକରେ ଦେଶର ପ୍ରତିନିଧିତ୍ୱ ପାଇଁ ସାଧାରଣତଃ ଇଣ୍ଡିଆ ଲେଖା ଯାଉଥିବା ବେଳେ ଏବେ ଭାରତ ଲେଖା ଯାଇଛି ।

ଏହା ପୂର୍ବରୁ ଜି୨୦ କାର୍ଯ୍ୟକ୍ରମ ଡିନର ଲାଗି ରାଷ୍ଟ୍ରପତିଙ୍କ ନିମନ୍ତ୍ରଣ ପତ୍ରରେ ଦି ପ୍ରେସିଡେଣ୍ଟ ଅଫ୍ ଭାରତ ଲେଖା ଯାଇଥିଲା । ନିମନ୍ତ୍ରଣରେ ଛପା ଯାଇଥିବା ଭାରତ ଶବ୍ଦକୁ ନେଇ ଦେଶରେ ରାଜନୀତି ଆରମ୍ଭ ହୋଇଛି । ରାଜନୈତିକ ଦଳର କହିବା ଅନୁସାରେ, ବିଜେପି ସରକାର ଦେଶର ନାଁ ବଦଳାଇ ପାରନ୍ତି ।

‘ବିଶ୍ୱରେ ବିଶ୍ୱାସ ସଂକଟ’ କଥା କହି G20ରୁ ‘ସବକା ସାଥ୍, ସବକା ବିକାଶ’ର ମନ୍ତ୍ର ଦେଲେ ପିଏମ୍ ମୋଦୀ

ଏବେ ପୁଣି ଜି୨୦ରେ ଭାରତ ଲେଖାଯିବାକୁ ନେଇ ଦେଶର ନାଁ ପରିବର୍ତ୍ତନ ଚର୍ଚ୍ଚା ଜୋର୍ ଧରିଛନ୍ତି । ଆସନ୍ତା ୧୮ରୁ ସଂସଦର ବିଶେଷ ଅଧିବେଶନ ଆରମ୍ଭ ହେଉଥିବା ବେଳେ ଏଥିରେ ନାଁ ବଦଳାଇ ଭାରତ କରିବା ପ୍ରୟାସକୁ ଔପଚାରିକ ରୂପ ଦିଆଯାଇପାରେ ବୋଲି କୁହାଯାଉଛି ।

ବିଦେଶୀ ପ୍ରତିନିଧିଙ୍କୁ ଦିଆଯାଇଥିବା ଜି୨୦ ପୁସ୍ତିକାରେ ମଧ୍ୟ ଭାରତ ଲେଖା ଯାଇଛି । ଯାହାର ଶୀର୍ଷକ ରହିଛି, ‘ଭାରତ, ଦି ମଦର୍ ଅଫ୍ ଡେମୋକ୍ରାସି’ । ଉକ୍ତ ପୁସ୍ତିକାରେ ଲେଖାଯାଇଛି, ଭାରତ ହେଉଛି ଦେଶର ଅଧିକାରୀକ ନାମ । ଏହାର ଉଲ୍ଲେଖ ସମ୍ବିଧାନ ଓ ୧୯୪୬-୪୮ ଚର୍ଚ୍ଚାରେ ହୋଇଛି । 

ଜି-୨୦ରେ ସାମିଲ ହେଲା ଆଫ୍ରିକାନ୍ ୟୁନିୟନ୍, ଆଲିଙ୍ଗନ କରି ପ୍ରଧାନମନ୍ତ୍ରୀ ମୋଦି କଲେ ସ୍ବାଗତ