ପ୍ରମୁଖ ଖବର
  • ପାରାଦୀପ ବନ୍ଦରରୁ କଂଟେନର୍ ଏକ୍‌ଜିମ୍‌ ସେବା ଆରମ୍ଭ, ପଣ୍ୟ ପରିବହନ କ୍ଷେତ୍ରରେ ଯୁଗାନ୍ତକାରୀ ପଦକ୍ଷେପ
  • ||
  • କେନ୍ଦୁଝର ପାଟଣା ଗଣିତ ପ୍ରଶ୍ନପତ୍ର ଲିକ୍ ଅଭିଯୋଗ, ସୋସିଆଲ ମିଡିଆ​‌ରେ ଭାଇରାଲ
  • ||
  • କପି ଚେକିଂ ଆଳରେ ଅସଦାଚରଣ ଅଭିଯୋଗ, ଥାନାରେ ମାଟ୍ରିକ ପରୀକ୍ଷାର୍ଥୀ
  • ||
  • ଲୋକସେବା ଭବନ ଘେରିବ କଂଗ୍ରେସ, ବିଶାଳ ଶୋଭାଯାତ୍ରାରେ ସାମିଲ ହେବେ ହଜାର ହଜାର କଂଗ୍ରେସ କର୍ମୀ
  • ||
  • ଆଜି ଓଡ଼ିଶାର ୨୧ ଅମୃତ ଭାରତ ରେଳ ଷ୍ଟେସନର ଶିଳାନ୍ୟାସ କରିବେ ପ୍ରଧାନମନ୍ତ୍ରୀ
  • ||
  • ଗର୍ଭବତୀଙ୍କ ପେଟକୁ ନର୍ସ ଖୁନ୍ଦା ମାରିଥିବା ଅଭିଯୋଗ, ଚାଲିଗଲା ମା ଓ ଛୁଆଙ୍କ ଜୀବନ
  • ||
  • ଓଡ଼ିଶା ଗଞ୍ଜେଇ ଚକୋଲେଟ୍‌ରେ ଝୁମୁଛି ହାଇଦ୍ରାବାଦ: ବାଲେଶ୍ୱରରେ ତିଆରି, ଦାଦନଙ୍କ ମାଧ୍ୟମରେ ହେଉଛି ଚାଲାଣ
  • ||
  • ଓସ୍ତପୁର ହଳଦିଢ଼ିଅ ନିକଟ ଗଛକୁ ପିଟିଲା ବୋଲେରୋ: ୩ ମୃତ, ୪ ଗୁରୁତର
  • ||
  • ଆଜି ୫-ଟି ଅଧ୍ୟକ୍ଷଙ୍କ ଅନୁଗୁଳ ଗସ୍ତ, ଛାତ୍ରବୃତ୍ତି ପ୍ରମାଣପତ୍ର ବଣ୍ଟନ କାର୍ଯ୍ୟକ୍ରମରେ ଯୋଗଦେବେ
  • ||
  • ରାଜ୍ୟରେ ଆହୁରି ତିନି ଦିନ ବର୍ଷା: ଉପକୂଳରେ ଅଧିକ ବର୍ଷିବା ସମ୍ଭାବନା, ୨୮ ଯାଏ କୋହଲା ପାଗ
  • ||

ବଢ଼ିପାରେ ବାଲିଯାତ୍ରା ଅବଧି, ସମ୍ଭାବ୍ୟ ବାତ୍ୟା ଓ ବର୍ଷା ପାଇଁ ଘାରୁଛି ଭୟ

କଟକ ୦୩/୧୨: : ଲୋକଙ୍କ ଆଗ୍ରହ, ଉତ୍ସାହକୁ ଦେଖି ବାଲିଯାତ୍ରାର ଅବଧି ବଢାଇବାକୁ ପ୍ରଶାସନର ଇଛା ରହିଛି । କିନ୍ତୁ ଡରାଉଛି ସମ୍ଭାବ୍ୟ ବାତ୍ୟା ଓ ତଦ୍‌ଜନିତ ବର୍ଷା ଆଶଙ୍କା । ଯାହାଫଳରେ ବାଲିଯାତ୍ରାର ଅବଧି ଆଉ ବଢିବ କି ନାହିଁ ତାକୁ ନେଇ ଦ୍ୱନ୍ଦ୍ୱ ଉପୁଜିଛି । ତଥାପି ଜିଲ୍ଲା ପ୍ରଶାସନ ପକ୍ଷରୁ ବାଲିଯାତ୍ରା ଆଉ ଅନ୍ତତଃପକ୍ଷେ ଦିନେ କିମ୍ବା ଦୁଇ ଦିନ ବଢାଇବାକୁ ରାଜ୍ୟ ସରକାରଙ୍କୁ ପ୍ରସ୍ତାବ ଦିଆଯାଇଥିବା  ସୂଚନା ମିଳିଛି । କିନ୍ତୁ ଏ ଦିଗରେ ଏବେ ଯାଏ କୌଣସି ନିଷ୍ପତ୍ତି ହୋଇନଥିବା  ବେଳେ ରବିବାର ସୁଦ୍ଧା ସ୍ଥିତି ସ୍ପଷ୍ଟ ହେବ ବୋଲି ଜଣାପଡିଛି ।  

ବାଲିଯାତ୍ରା ସାଧାରଣତଃ ସାତ କିମ୍ବା ଆଠ ଦିନ ହୁଏ । ଆଗରୁ ପରମ୍ପରା  ଥିଲା, ଉଦ୍‌ଘାଟନୀ ଉତ୍ସବର ମଞ୍ଚରେ ମୁଖ୍ୟ ଅତିଥି ଘୋଷଣା କରିବା ପରେ  ଦିନଟିଏ ବାଲିଯାତ୍ରା ବଢେ । ଗତବର୍ଷ ୮ ଦିନ ବାଲିଯାତ୍ରା ନେଇ ପୂର୍ବରୁ  ଘୋଷଣା ହୋଇଥିଲା । କିନ୍ତୁ ପ୍ରଶାସନ ପକ୍ଷରୁ ପ୍ରସ୍ତାବ ଦିଆଯାଇ ବାଲିଯାତ୍ରାକୁ  ଆଉ ୨ ଦିନ ବଢ଼ା ଯାଇଥିଲା । ଫଳରେ ଉଭୟ ବ୍ୟବସାୟୀ ଓ ସାଧାରଣ  ଲୋକଙ୍କ ମଧ୍ୟରେ ଖୁସି ଦେଖିବାକୁ ମିଳିଥିଲା । ଅତିରିକ୍ତ ଦୁଇ ଦିନ  ବ୍ୟବସାୟ ହେବା ଦ୍ୱାରା ବାଲିଯାତ୍ରାରେ ପ୍ରାୟ ୨ ଶହ କୋଟିରୁ ଅଧିକ ଟଙ୍କାର  କାରବାର ହୋଇଥିବା ଜିଲ୍ଲା ପ୍ରଶାସନ ପକ୍ଷରୁ ଆକଳନ କରାଯାଇଥିଲା ।  ତେଣୁ ସବୁ ଥର ଭଳି ଏଥର ବାଲିଯାତ୍ରା ମଧ୍ୟ ପୂର୍ବ ନିଷ୍ପତ୍ତି  ମୁତାବକ ଆଠ ଦିନ ହେବାକୁ ଘୋଷଣା କରାଯାଇଥିଲା । ତଦନୁସାରେ  ପ୍ଲଟ୍‌ ପଞ୍ଜିକରଣ ଓ ଆବଣ୍ଟନ, ବିଦ୍ୟୁତ ଓ ଲାଇସେନ୍ସ ଆଦି ଲାଗି ଦେୟ  ଆଦାୟ କରାଯାଇଛି ।

 ଆଶା କରାଯାଉଥିଲା, ଉଦ୍‌ଘାଟନୀ ଉତ୍ସବରେ  ଅର୍ଥ ମନ୍ତ୍ରୀ ବିକ୍ରମ କେଶରୀ ଆରୁଖ ବାଲିଯାତ୍ରାର ଅବଧି ବଢିବା ନେଇ  ଘୋଷଣା କରିବେ । କିନ୍ତୁ ମନ୍ତ୍ରୀ କୌଣସି ଘୋଷଣା ନ କରିବା ଦ୍ୱାରା  ମେଳା ଆରମ୍ଭରୁ ଆଜି ପର୍ଯ୍ୟନ୍ତ ବାଲିଯାତ୍ରା ବଢିବା, ନ ବଢିବା ନେଇ ଦ୍ୱନ୍ଦ୍ୱ  ଲାଗିରହିଛି । ଏହା ଭିତରେ ସମ୍ଭାବ୍ୟ ବାତ୍ୟା ନେଇ ଭୟ ସୃଷ୍ଟି ହେଲାଣି ।  ବାତ୍ୟା ଗତିପଥ ଅନୁସାରେ ଯଦିଓ ଓଡ଼ିଶା ଉପରେ ଏତେଟା ପ୍ରଭାବ  ନାହିଁ କିନ୍ତୁ ୫ତାରିଖରୁ ଜୋର୍‌ ବର୍ଷା ହେବା ନେଇ ଆଞ୍ଚଳିକ ପାଣିପାଗ  ସଂସ୍ଥା ପକ୍ଷରୁ ପୂର୍ବାନୁମାନ କରାଯାଇଛି । ତେଣୁ ବାଲିଯାତ୍ରା ବଢିବା / ନ  ବଢିବା ଏବେ ପ୍ରଶ୍ନରେ । ଜିଲ୍ଲା ପ୍ରଶାସନ ପକ୍ଷରୁ ଯାତ୍ରାର ଅବଧି ଦିନେ ବା  ଦୁଇଦିନ ବଢ଼ାଇବାକୁ ରାଜ୍ୟ ସରକାରଙ୍କୁ ପ୍ରସ୍ତାବ ଦିଆଯାଇ ପ୍ରଚେଷ୍ଟା ଜାରି  ରହିଥିଲେ ହେଁ ଏ ବାବଦରେ କେହି କିଛି କହିବାକୁ ରାଜି ହୋଇନାହାନ୍ତି ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.