ଭଦ୍ରକ, ୦୪/୦୩ : ଘରକୁ ସାଲାଇନ ନେବା ପାଇଁ ମାଗିଲେ। ନ ଦେବାରୁ ଫାର୍ମାସିଷ୍ଟଙ୍କୁ ନିସ୍ତୁକ ମାଡ଼ ମାରିଲେ ଯୁବକ। ଭଦ୍ରକ ଜିଲ୍ଲା ଆଗରପଡା ଥାନା ଅଧିନ ଆଗରପଡା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଘଟିଛି ଏଭଳି ଘଟଣା ।
ସୂଚନା ଅନୁଯାୟୀ, ଆଗରପଡା ଥାନା ଅଧିନ ବିଟିପୁର ଗାଁର ଦୁଇ ଜଣ ଯୁବକ ମେଡିକାଲକୁ ଆସିଥିଲେ । ଫାର୍ମାସିଷ୍ଟ ମହେଶ୍ଵର ଦାସ ରୋଗୀ ଦେଖୁଥିବା ବେଳେ ଯୁବକମାନେ ସାଲାଇନ ମାଗିଥିଲେ । ସାଲାଇନ ଘରକୁ ନେବା ପାଇଁ ମାଗିବାରୁ ଫାର୍ମାସିଷ୍ଟ ସାଲାଇନ ଦେବାକୁ ମନା କରିଥିଲେ । ପରେ ଦୁଇ ଯୁବକ ତାଙ୍କ ଉପରକୁ ଅତର୍କିତ ଆକ୍ରମଣ କରିଥିଲେ । ଘଟଣାକୁ ନେଇ ଆଗରପଡା ଥାନାରେ ଏତଲା ଦିଆଯାଇଛି । ପୋଲିସ ଜଣକୁ ଅଟକ ରଖିଥିବା ସୂଚନା ମିଳିଛି ।