ପ୍ରମୁଖ ଖବର
  • ବରଗଡ଼ : ଗୋଡଭଗା ରେଳ ଷ୍ଟେସନ ନିକଟରେ ପୁରୁଣା କୋଠାଘର ଭାଙ୍ଗି ଜଣେ ମୃତ, ୩ ଗୁରୁତର
  • ||
  • ବିଜେପିର ମିଶ୍ରଣ ପର୍ବ: ପଦ୍ମ ଧରିଲେ ମୁକୁଦ ସୋଡ଼ି
  • ||
  • ବିଷାକ୍ତ ଖାଦ୍ୟ ଖାଇ ୨୦ରୁ ଅଧିକ ଅସୁସ୍ଥ, ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି
  • ||
  • ବିଜେପିରେ ମିଶିଲେ ଜୟଦେବ ବିଧାୟକ ଅରବିନ୍ଦ ଢାଲି, ଗତକାଲି ବିଜେଡିରୁ ଇସ୍ତଫା ଦେଇଥିଲେ
  • ||
  • ବାପାକୁ ପିଟି ପିଟି ହତ୍ୟା! ଅଭିଯୁକ୍ତ ପୁଅ ଫେରାର୍‌
  • ||
  • DRDO କ୍ୟାମ୍ପରେ ଅଘଟଣ, ନିଜକୁ ଗୁଳି କରି ଯବାନଙ୍କ ଆତ୍ମହତ୍ୟା
  • ||
  • ରାଜଧାନୀରୁ ରହସ୍ୟଜନକ ଭାବେ ଡାକ୍ତର, ଇଞ୍ଜିନିୟର ନିଖୋଜ; ରେଳଷ୍ଟେସନ ସିସିଟିଭି ଅଣ୍ଡାଳୁଛି ପୁଲିସ
  • ||
  • ନୂଆଦିଲ୍ଲୀରେ ମୋଦି ସରକାରଙ୍କ ଶେଷ ମନ୍ତ୍ରୀ ପରିଷଦ ବୈଠକ, ରବିବାର ବିଭିନ୍ନ କାର୍ଯ୍ୟପନ୍ଥା ଉପରେ ଆଲୋଚନା
  • ||
  • ମାର୍ଚ୍ଚ ୬ରୁ ହାତୀ ଛୁଆଙ୍କ ପାଠପଢ଼ା ଆରମ୍ଭ, ୪ ଓଡ଼ିଆଙ୍କ ସମେତ ଆସାମରୁ ଆସିଛନ୍ତି ୨ ଦକ୍ଷ ଟ୍ରେନର୍
  • ||
  • WPL 2024: ବିଜୟକୁ ଫେରିଲା ମୁମ୍ବାଇ ଇଣ୍ଡିଆନ୍‌, ଆରସିବିକୁ ୭ ୱିକେଟ୍‌ରେ ହରାଇଲା
  • ||
  • ରବିବାର ୭ ଜିଲ୍ଲାରେ ବର୍ଷା, ଘଡ଼ଘଡ ସମ୍ଭାବନା: ଦିନରେ ତାତି ଆହୁରି ବଢ଼ିପାରେ
  • ||

ଶ୍ରମିକ-କୃଷକ ବିରୋଧୀ ନୀତି ବିରୋଧ: ଫେବୃଆରୀ ୧୬ରେ ଦେଶ ବ୍ୟାପୀ ଧର୍ମଘଟ ଡାକରା

ଭୁବନେଶ୍ୱର,୧୨/୦୨: କେନ୍ଦ୍ର ସରକାରଙ୍କ ଶ୍ରମିକ-କୃଷକ ବିରୋଧୀ ନୀତି ବିରୋଧରେ ଫେବୃଆରୀ ୧୬ତାରିଖରେ ଦେଶ ବ୍ୟାପୀ ହରତାଳ/ଶିଳ୍ପ ଧର୍ମଘଟ  କରାଯିବ । ଦେଶର ସମସ୍ତ ଗଣତାନ୍ତ୍ରିକ ଶ୍ରମିକ, କୃଷକ ଏବଂ କର୍ମଚାରୀ ସଂଗଠନ  ମାନଙ୍କ ତରଫରୁ ଏହି ଡାକରା ଦିଆଯାଇଛି । ଭୁବନେଶ୍ୱରରେ ଅନୁଷ୍ଠିତ  ସାମ୍ବାଦିକ ସମ୍ମିଳନୀରେ ଶ୍ରମିକ-କୃଷକ ଏବଂ କର୍ମଚାରୀ ସଂଗଠନ ମାନଙ୍କର  ରାଜ୍ୟ ନେତୃବୃନ୍ଦ କହିଛନ୍ତି ଯେ ମୋଦି ସରକାର ଦେଶର ଦୁଇ ଉତ୍ପାଦନକାରୀ  ପ୍ରମୁଖ ଶ୍ରେଣୀ ଶ୍ରମିକ-କୃଷକ ମାନଙ୍କ ଉପରେ ଆକ୍ରମଣ ଜାରି ରଖିଛନ୍ତି  । ୨୯ଟି ଶ୍ରମ କଲ୍ୟାଣ ଆଇନକୁ ରଦ୍ଦ କରି ଚାରୋଟି ଶ୍ରମିକ ବିରୋଧୀ କୋଡ୍‌  ଆଣିଛନ୍ତି । ଶ୍ରମିକ ମାନଙ୍କ ଉପରେ କାମର ଅତ୍ୟଧିକ ବୋଝ ସାଙ୍ଗକୁ ଅସ୍ଥିର  ଏବଂ ଅନିୟମିତ ନିଯୁକ୍ତି, ଅତି କମ ମଜୁରୀ ଧାର୍ଯ୍ୟ କରି ଶ୍ରମ ଶକ୍ତିକୁ ନିର୍ମମ  ଭାବେ ଶୋଷଣ କରାଯାଉଛି।  

ଓଡ଼ିଶାରେ ଏହି ଆନ୍ଦୋଳନକୁ ସଫଳ କରିବା ପାଇଁ ସାରା ରାଜ୍ୟରେ ବ୍ୟାପକ  ପ୍ରସ୍ତୁତି ଚାଲିଛି । ରାଜ୍ୟବାସୀ, ରାଜ୍ୟର ମହିଳା, ଛାତ୍ର, ଯୁବ, ଆଦିବାସୀ, ଦଳିତ  ଇତ୍ୟାଦି ଗଣତାନ୍ତ୍ରିକ ସଂଗଠନ ଏବଂ ବିଜେପିର ନିତୀକୁ ବିରୋଧ କରୁଥିବା ସମସ୍ତ  ରାଜନୈତିକ ଦଳ ମାନେ ଫେବୃଆରୀ ୧୬ ଆନ୍ଦୋଳନକୁ ସମର୍ଥନ ଦେଇ ସଫଳ  କରିବା ନିମନ୍ତେ ଶ୍ରମିକ, କୃଷକ ଏବଂ କର୍ମଚାରୀ ସଂଗଠନ ମାନଙ୍କର ରାଜ୍ୟ ନେତୃବୃନ୍ଦ ଆଜିର ସାମ୍ବାଦିକ ସମ୍ମିଳନୀରେ ପ୍ରକାଶ କରିଥିବା ପ୍ରେସ ବିଜ୍ଞପ୍ତି ଜରିଆରେ  ନିବେଦନ କରିଛନ୍ତି  । ରବିବାର ସାମ୍ବାଦିକ ସମ୍ମିଳନୀରେ ସୁରେଶ ପାଣିଗ୍ରାହୀ, ବିଜୟ  ଜେନା, ଦୁଷ୍ମନ୍ତ ଦାସ,ଶ୍ୟାମସୁନ୍ଦର ମହାପାତ୍ର, ମହେନ୍ଦ୍ର ପରିଡା, ଜ୍ୟୋତି ରଞ୍ଜନ  ମହାପାତ୍ର, ପୁଷ୍ପା ଦାଶ, ସତ୍ୟବ୍ରତ ନାୟକ, ନିରଞ୍ଜନ ମହାନ୍ତି, ନରେନ୍ଦ୍ର ମହାନ୍ତି,  ବିଚିତ୍ର ପାତ୍ର ପ୍ରମୁଖ ସଂଯୁକ୍ତ କିଷାନ ମୋର୍ଚ୍ଚା, କେନ୍ଦ୍ରୀୟ ଟ୍ରେଡ୍‌ ୟୁନିୟନ ମାନଙ୍କର  ମିଳିତ ମଞ୍ଚ ସ୍ୱାଧୀନ ଫେଡେରେସନ ସମୂହ, ଓଡିଶାର ନେତୃବୃନ୍ଦ ଉପସ୍ଥିତ ଥିଲେ ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.