ପ୍ରମୁଖ ଖବର
  • ଆଉ ୫ଟି ଲୋକସଭା ଆସନ ଲାଗି ଆପ୍‌ର ପ୍ରାର୍ଥୀ ଘୋଷଣା
  • ||
  • ବଲାଙ୍ଗିର ଭୀମଭୋଇ ମେଡିକାଲରେ ମୃତ ଶବ ଛାଡି ଫେରାର ସମ୍ପର୍କୀୟ,ଟାଉନ ଥାନା ପୋଲିସର ତଦନ୍ତ ଆଇମ୍ଭ
  • ||
  • ମିଶନ ଶକ୍ତି ମହିଳାଙ୍କ ଆକାଉଣ୍ଟକୁ ଗଲା ଟଙ୍କା,୭୩୦ କୋଟିର ସହାୟତା ପ୍ରଦାନ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||
  • ସୁନ୍ଦରଗଡ଼: ବାଇକ ଚାଳକ ଙ୍କ ଉପରେ ଚଢ଼ିଗଲା ପାଉଁଶ ବୋଝେଇ ଟ୍ରକ,ବାଇକ ଚାଳକର ମୃତ୍ୟୁ
  • ||
  • ପାଲଲହଡ଼ା ଯାଉଥିଲା ରାଧାମାଧବ, ଅଧାରସ୍ତାରେ ଓଲଟିଲା ବସ୍‌
  • ||
  • କୋରାପୁଟ: ନାଲକୋ ଦାମନଯୋଡ଼ିରେ ରଡ଼ ପଶି ଦୁଇ ଶ୍ରମିକ ମୃତ, ଜଣେ ଗୁରୁତର
  • ||
  • ଗଗନ ଯାନ ମିଶନ ପାଇଁ ୪ ମହାକଶଚାରୀଙ୍କ ନାଁ ଘୋଷଣା କଲା ଇସ୍ରୋ, ପ୍ରଧାନମନ୍ତ୍ରୀଙ୍କ ଉପସ୍ଥିତିରେ ନାଁ ଘୋଷଣା ହୋଇଛି
  • ||
  • ମିଶନ ଶକ୍ତି ବଜାର ଶୁଭାରମ୍ଭ, ଉଦ୍‌ଘାଟନ କଲେ ମୁଖ୍ୟମନ୍ତ୍ରୀ
  • ||
  • ବିନିକାରୁ ଅପହୃତ ବ୍ୟବସାୟୀ ବୁର୍ଲାରୁ ଉଦ୍ଧାର, ପୁଲିସର ବ୍ଲକିଂ ଦେଖି ଗୋଲଗୁଣ୍ଡା ପାଖରେ ଛାଡ଼ି ଅପହର୍ତ୍ତା ଫେରାର
  • ||

ଭୁବନେଶ୍ୱର ଏମ୍‌ସର ସଫଳତା, ବିନା ଅସ୍ତ୍ରୋପଚାରରେ ଫୁସଫୁସ୍‌ରୁ ବାହାରିଲା ଛୁଞ୍ଚି

ଭୁବନେଶ୍ୱର,୧୦/୦୨: ଏମ୍‌ସ, ଭୁବନେଶ୍ୱରକୁ ସଫଳତା ।  ଜଣେ ୯ ବର୍ଷୀୟ ବାଳକ ଅସାବଧାନତାବଶତଃ ଗିଳିଦେଇଥିବା ଏକ ସିଲେଇ ଛୁଞ୍ଚିଟି ତାର ଫୁସଫୁସ୍‌ର ବାମପାଶ୍ୱର୍ରେ ଲାଗିଯାଇଥିଲା । ଫଳରେ ଗୁରୁତର ଅବସ୍ଥାରେ ତାକୁ ଏମ୍‌ସରେ ଭର୍ତ୍ତି କରାଯଇଥିଲା । ଶିଶୁ ବିଭାଗର ଚିକିତ୍ସକମାନେ ବିନା ଅସ୍ତ୍ରୋପଚାରରେ ବ୍ରୋଙ୍କୋସ୍କୋପିକ ମାଧ୍ୟମରେ ଉକ୍ତ ଛୁଞ୍ଚିକୁ ବାହାର କରିଛନ୍ତି । ଯାହା ଏମ୍‌ସ ଇତିହାସରେ ଏକ ବିରଳ ରେକର୍ଡ ପାଲଟିଛି । 

ଗତ ସପ୍ତାହରେ ପଶ୍ଚିମବଙ୍ଗରୁ ଆସିଥିବା ଏହି ନାବାଳକଜଣଙ୍କ ପ୍ରାୟ ୪ସେମି ଲମ୍ବର ସିଲେଇ ଛୁଞ୍ଚିକୁ ଗିଳିଦେଇଥିଲା । ଯାହାକି ତାର ଫୁସଫୁସ୍‌ର ନିମ୍ନଭାଗରେ ଅଟକିରହିଥିଲା । ଛୁଞ୍ଚି ଗିଳିବାର ଦୁଇଦିନ ପରେ ତାକୁ ଏମ୍‌ସକୁ ଅଣାଯାଇଥିଲା । ଶିଶୁ ବିଭାଗରେ ଗୁରୁତର ନାବାଳକକୁ ଭର୍ତ୍ତି କରାଯାଇଥିବା ବେଳେ ତାର ଜଟିଳ ଅବସ୍ଥା ଦେଖି ବିନା ଅସ୍ତ୍ରୋପଚାରରେ ଛୁଞ୍ଚି ବାହାର କରିବା ପାଇଁ ଡାକ୍ତରମାନେ ନିଷ୍ପତ୍ତି ନେଇଥିଲେ । 

କାରଣ ଫୁସଫୁସ୍‌ରେ ଛୁଞ୍ଚିର ଅବସ୍ଥିତି ଯେପରି ଥିଲା, ଏପରିସ୍ଥଳେ ଜଟିଳ ଅସ୍ତ୍ରୋପଚାରର ସାହାଯ୍ୟ ଜରୁରୀ ଥିଲା । ସ୍ଥଳ ବିଶେଷରେ ଫୁସଫୁସର କିଛି ଅଂଶକୁ ମଧ୍ୟ କଢାଯିବାର ଆଶଙ୍କା ରହିଥିଲା । ତେଣୁ ଶିଶୁ ବିଶେଷଜ୍ଞ ଡା. ରଶ୍ମିରଞ୍ଜନ  ଦାସ, ଡ. କ୍ରିଷ୍ଣ ଏମ ଗୁଲ୍ଲା, ଡ. କେତନ ଏବଂ ଡା. ରାମକୃଷ୍ଣଙ୍କୁ ନେଇ ଗଠିତ ଏକ ଟିମ୍‌ ବ୍ରୋଙ୍କୋସ୍କୋପିକ ପଦ୍ଧତିରେ ଛୁଞ୍ଚିକୁ ବାହାର କରିଥିଲେ । ଏଥିପାଇଁ ତାଙ୍କୁ ୧ ଘଣ୍ଟା ସମୟ ଲାଗିଥିଲା । ଏହି ସଫଳତା ପରେ ଏମ୍‌ସ କାର୍ଯ୍ୟନିର୍ବାହୀ ନିର୍ଦ୍ଦେଶକ ଡା. ଆଶୁତୋଷ ବିଶ୍ୱାସ ଡାକ୍ତରୀଟିମ୍‌କୁ ଶୁଭେଚ୍ଛା ଜଣାଇଛନ୍ତି । ଅସ୍ତ୍ରୋପଚାରର ଚାରିଦିନ ପରେ ଶିଶୁକୁ ଡିସଚାର୍ଜ କରାଯାଇଛି । ଏବେ ସେ ସୁସ୍ଥ ଅଛି ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.