ମ.ରାମପୁର, ୧୪/୦୯: ରାଜ୍ୟର ବିଭିନ୍ନ ସ୍ଥାନରେ ବର୍ଷା ଲାଗି ରହିଛି । କଳାହାଣ୍ଡି ଜିଲ୍ଲା ଅନ୍ତର୍ଗତ ମ.ରାମପୁର ଥାନା ରିଶିଡ଼ା ପୂର୍ତ୍ତ ବିଭାଗ ରାସ୍ତାର ପାଜିବାହାଲି ରାସ୍ତାରେ ଜଣେ ବାଇକ୍ ଆରୋହୀ ଗଛରେ ଚାପି ହୋଇ ଯାଇଛନ୍ତି । ଏକ ବିରାଟକାୟ ତେନ୍ତୁଳି ଗଛ ତଳେ ଚାପି ହୋଇ ରହିଯାଇଥିଲେ ଜଣେ ବାଇକ୍ ଆରୋହୀ ।

ଆନ୍ଦୋଳନରତ ଶିକ୍ଷକଙ୍କୁ ନାଲି ଆଖି ଦେଖାଇଲେ ସରକାର, କାର୍ଯ୍ୟରେ ଯୋଗ ଦେବାକୁ ନିର୍ଦ୍ଦେଶ

ଅନ୍ୟ ପଥଚାରୀ ଏହା ଦେଖିବା ପରେ ଅଗ୍ନିଶମ ବିଭାଗକୁ ଖବର ଦେଇଥିଲେ । ବାଇକ୍ ଆରୋହୀଙ୍କୁ ଗଛ ତଳୁ ଉଦ୍ଧାର କରାଯାଇଛି। ଯୁବକ ଜଣକ କେଶବ ସାହୁ ହୋଇଥିବା ବେଳେ ଘର କର୍ଲାମୁଣ୍ଡା ବ୍ଲକ୍ ଗଜବାହାଲ ଗାଁରେ ବୋଲି ଜଣାପଡ଼ିଛି ।

କେଶବଙ୍କୁ ମ.ରାମପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରା ଯାଇଛି । ସେ ଏକ ଲାଲ୍ ରଙ୍ଗର ବାଇକ୍ ନେଇ କୌଣସି କାମରେ ଯାଉଥିବା ବେଳେ ରାସ୍ତାରେ ଥିବା ଗଛ ତାଙ୍କ ଉପରେ ମାଡ଼ି ବସିଥିଲା । ଉକ୍ତ ରାସ୍ତାରେ ଏଭଳି ଅନେକ ପୂରାତନ ତଥା ବିପଦପୂର୍ଣ୍ଣ ଗଛ ରହିଛି । ସେ ସବୁକୁ ଯଥା ଶୀଘ୍ର ଚିହ୍ନଟ କରି କାଟି ଦେବାକୁ ବିଭିନ୍ନ ମହଲରେ ଦାବି ହେଉଛି ।

୩୦ ସ୍କୁଲ୍ ଛୁଆଙ୍କୁ ନଦୀ ପାର୍ କଲା ବେଳେ ବୁଡ଼ିଗଲା ଡଙ୍ଗା; ୨୦ ଉଦ୍ଧାର, ୧୦ ନିଖୋଜ