ୱାଶିଂଟନ : ବିଶ୍ୱର ପ୍ରଥମ ଦିବ୍ୟାଙ୍ଗ ମହାକାଶ ଯାତ୍ରୀ ଭାବେ ପରିଚିତ ଜନ୍ ମ୍ୟାକ୍ଫଲ୍ ନିଜର କୃତ୍ରିମ ଗୋଡ଼ର କରିବେ ପରୀକ୍ଷଣ। କାରଣ ଏହା ମହାକାଶ ଷ୍ଟେସନ ଭିତରର ବାୟୁକୁ ବିଷାକ୍ତ କରିପାରେ। ଏହି ପୂର୍ବତନ ବ୍ରିଟିଶ ପାରାଲିମ୍ପିୟନ ଜନ୍ ମ୍ୟାକଫଲ୍ଙ୍କ ଗୋଡ଼କୁ ୟୁରୋପୀୟ ମହାକାଶ ଏଜେନ୍ସି (ଇଏସଏ) ଦ୍ୱାରା ପରୀକ୍ଷଣ କରାଯିବ ଏବଂ ଏହା ସ୍ପଷ୍ଟ କରାଯିବ କି, ଏହା ସ୍ପେସ୍ ଷ୍ଟେସନରେ ବିପଜ୍ଜନକ ବିଷାକ୍ତ ଗ୍ୟାସ୍ ନିର୍ଗତ କରୁଛି ନା ନାହିଁ।
ଦ ଡେଲି ଟେଲିଗ୍ରାଫକୁ ଜନ ମ୍ୟାକଫଲ କହିଛନ୍ତି କି , ତାଙ୍କର ଏହି କୃତ୍ରିମ ଗୋଡ଼ କାର୍ବନ ଫାଇବରରେ ତିଆରି ଏବଂ ଏହା ଭିତରେ ଏକ ଉଚ୍ଚ ଘନତ୍ୱର ଫୋମ୍ ରହିଛି ,ଯାହା ସିଲ୍ ହୋଇଥିବା ସ୍ପେସ୍ ଷ୍ଟେସନରେ ଗ୍ୟାସକୁ ବାହାରକୁ ରିଲିଜ୍ କରିପାରେ।
ଉଲ୍ଲେଖନୀୟ ଯେ, ମ୍ୟାକଫଲ୍ ନଭେମ୍ୱର ୨୦୨୨ରେ ଇଏସଏରେ ସାମିଲ ହେବାକୁ ଚୟନ ହୋଇଥିଲେ ଏବଂ ସେ ଅନ୍ତରାଷ୍ଟ୍ରୀୟ ମହାକାଶ ଷ୍ଟେସନ (ଆଇଏସଏସ)ରେ ଚଢ଼ିବା ଦୃଷ୍ଟିରୁ ମହାକାଶ ଯାତ୍ରୀ ପ୍ରଶିକ୍ଷଣ ଓ ଏକ ବ୍ୟବହାର୍ଯ୍ୟ ପ୍ରକଳ୍ପ ଆରମ୍ଭ କରୁଛନ୍ତି। ଯେବେ ମ୍ୟାକଫଲ୍ ୧୯ ବର୍ଷର ଥିଲେ, ସେତେବେଳେ ଏକ ମୋଟର ସାଇକେଲ ଦୁର୍ଘଟଣାରେ ତାଙ୍କର ଡାହାଣ ଗୋଡ଼ ହରାଇ ବସିଥିଲେ, କିନ୍ତୁ ୨୦୦୮ରେ ବେଜିଂ ପାରା-ଅଲିମ୍ପିକ ଖେଳରେ କାଂସ୍ୟ ପଦକ ଜିତି ସେ ଜଣେ ପେଶାଦାର ଟ୍ରାକ୍ ଓ ଫିଲଲ୍ଡ୍ ଆଥେଲଟ୍ ହୋଇଗଲେ।
ଜନ୍ ମ୍ୟାକଫଲ୍ ମହାକାଶରେ କୌଣସି ମିଶନରେ ଉଡ଼ାଣ ଭରିବେ କି ନାହିଁ , ଏହା ଉପରେ ନିର୍ଣ୍ଣୟ ସମ୍ଭବତଃ ୨୦୨୫ରେ ପରୀକ୍ଷଣ ସମାପ୍ତ ପରେ କରାଯିବ।
