ନୂଆଦିଲ୍ଲୀ, ୧୦/୦୯: ରବିବାର ଦିଲ୍ଲୀରୁ ଉଡ଼ାଣ ଭରିବା ବେଳେ କାନାଡା ପ୍ରଧାନମନ୍ତ୍ରୀ ଜଷ୍ଟିନ୍ ଟ୍ରୁଡୋଙ୍କ ବିମାନରେ ଯାନ୍ତ୍ରିକ ତ୍ରୁଟି ଦେଖାଦେଇଛି । ଜ-୨୦ ସମ୍ମିଳନୀରେ ଯୋଗ ଦେବାକୁ କାନାଡାରୁ ପ୍ରଧାନମନ୍ତ୍ରୀ ଏବଂ ଅନ୍ୟ ଅଧିକାରୀଙ୍କୁ ନେଇ ଆସିଥିବା ବିମାନରେ ତ୍ରୁଟି ଦେଖାଦେଇଛି । ଫଳରେ ଦିଲ୍ଲୀରେ ଅଟକିଛି ଟ୍ରୁଡୋଙ୍କ ବିମାନ । ଇଞ୍ଜିନିୟରିଂ ଟିମ୍ ବିମାନରେ ଥିବା ତ୍ରୁଟିକୁ ସୁଧାରିବା ପର୍ଯ୍ୟନ୍ତ ଦିଲ୍ଲୀ ଏୟାରୋର୍ଟରେ ବିମାନଟି ରହିବ ବୋଲି ଜଣାପଡ଼ିଛି ।
‘ମେକ୍ ଇନ ଇଣ୍ଡିଆ’ର ମୁଁ ଜଣେ ଆଦର୍ଶ ଉଦାହରଣ: ବିଶ୍ବ ବ୍ୟାଙ୍କ ମୁଖ୍ୟ
ସେପଟେ ଆଜି ଜଷ୍ଟିନ୍ ଟ୍ରୁଡୋ ପ୍ରଧାମନ୍ତ୍ରୀ ମୋଦୀଙ୍କୁ ସାକ୍ଷାତ କରିଥିଲେ । ଏହି ଅବସରରେ କାନାଡାରେ ଖଲିସ୍ତାନୀ ବିଦ୍ରୋହୀଙ୍କ ଉପଦ୍ରବ ସଂପର୍କରେ ଆଲୋଚନା ହୋଇଥିଲା । କାନାଡାରେ ହେଉଥିବା ଭାରତ ବିରୋଧୀ ଗତିବିଧିକୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ଟ୍ରୁଡୋଙ୍କୁ ଅବଗତ କରାଇଥିବା ନେଇ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ସୂଚନା ଦିଆଯାଇଛି ।
କାନାଡା ପ୍ରଧାନମନ୍ତ୍ରୀ କହିଛନ୍ତି ଯେ, ସମସ୍ତ ପ୍ରକାର ବିଶୃଙ୍ଖଳାକୁ ଦମନ କରିବା ଲାଗି ଆମେ ଭାରତ ସହ ଅଛୁ । ଏହା ସହ କାନାଡା ସର୍ବଦା ବାକ୍ ସ୍ବାଧୀନତା ଏବଂ ଶାନ୍ତିପୂର୍ଣ୍ଣ ଆନ୍ଦୋଳନକୁ ସମର୍ଥନ କରିଆସିଛି ବୋଲି ଟ୍ରୁଡୋ କହିଛନ୍ତି । କାନାଡାର ଭାରତ ଗୁରୁତ୍ବପୂର୍ଣ୍ଣ ବନ୍ଧୁ ବୋଲି କହିଛନ୍ତି କାନାଡା ପ୍ରଧାନମନ୍ତ୍ରୀ । ଏହା ସହ ଅନେକ କାର୍ଯ୍ୟ କରିବାକୁ ହେବ ଏବଂ ଆମେ ମିଶି ସବୁ କାର୍ଯ୍ୟ କରିବୁ ବୋଲି ଜଷ୍ଟିନ୍ ଟ୍ରଡୋ କହିଛନ୍ତି ।
You can also read: ଚନ୍ଦ୍ରବାବୁ ନାଇଡୁଙ୍କୁ ୧୪ ଦିନିଆ ରିମାଣ୍ଡରେ ପଠାଇଲେ କୋର୍ଟ, ଟିଡିପି ମୁଖ୍ୟଙ୍କୁ ହୋଇପାରେ ୧୦ ବର୍ଷ ଜେଲ୍ !
