ବେଜିଂ, ୧୪/୦୯: ବିଶ୍ବର ଦ୍ବିତୀୟ ବଡ଼ ଅର୍ଥନୀତି ଚୀନ୍ର ଅବସ୍ଥା ଶୋଚନୀୟ ହେବାରେ ଲାଗିଛି । ଚୀନ୍ରେ ଆର୍ଥିକ ମାନ୍ଦାବସ୍ଥା ବିଶ୍ବର ଅର୍ଥବ୍ୟବସ୍ଥାକୁ ପ୍ରଭାବିତ କରିଛି । ଏନେଇ ବିଭିନ୍ନ ରିପୋର୍ଟ ପ୍ରକାଶ ପାଉଥିବା ବେଳେ ଚୀନ୍ର ଅର୍ଥବ୍ୟବସ୍ଥାକୁ ନେଇ ଚିନ୍ତା ବୃଦ୍ଧି ପାଇଛି । ଦେଶରେ ବିଶେଷ ଭାବେ ରିୟଲ ଇଷ୍ଟେଟ୍ ବଜାରରେ ମାନ୍ଦାବସ୍ଥା ଚରମରେ ପହଞ୍ଚିଛି ।
ଅକ୍ଟୋବରରୁ ବଦଳି ଯିବ ନିୟମ, ସବୁଥିପାଇଁ ଦରକାର ହେବ ଜନ୍ମ ପ୍ରମାଣପତ୍ର
ଲୋକମାନେ ଘର କିଣିବାକୁ ରାଜି ହେଉନାହାନ୍ତି । ଦେଶର ଅର୍ଥନୀତିରେ ହାଉସିଂ ସେକ୍ଟରର ଭାଗିଦାରୀ ୧୨ ପ୍ରତିଶତ ରହିଛି । ସେପଟେ ଘର କିଣୁଥିବା ଗ୍ରାହକଙ୍କ ସଂଖ୍ୟା ଆହୁରି ୨୦ ପ୍ରତିଶତ କମିପାରେ ବୋଲି ଆକଳନ କରିଛି ଗ୍ଲୋବାଲ ରେଟିଂ ଏଜେନ୍ସି ଫିଚ୍ (Fitch) । ଚୀନର ରପ୍ତାନୀ ମାତ୍ରା ହ୍ରାସ ପାଉଛି । ଏସବୁ ଭିତରେ ଲୋକେ ଖର୍ଚ୍ଚ କରିବା ଠାରୁ ଅଧିକ ସଂଚୟ କରିବାରେ ଲାଗିଛନ୍ତି ।
ଚଳିତବର୍ଷ ବିଶ୍ବ ଇକୋନୋମିରେ ବୃଦ୍ଧି ଆସିବ ବୋଲି ଫିଚ୍ ଅନୁମାନ କରିଛି । ହେଲେ ଚୀନ୍ର ରିୟଲ ଇଷ୍ଟେଟ୍ର କ୍ଷତି ଗ୍ଲୋବାଲ ଇକୋନୋମିକୁ ବିଶେଷ ପ୍ରଭାବିତ କରିବ ବୋଲି ମଧ୍ୟ ସଂସ୍ଥା ପକ୍ଷରୁ ସତର୍କ କରାଇଦିଆଯାଇଛି । ସେପଟେ ସ୍ଥିତିର ସୁଧାର ଆଣିବା ଲାଗି ଚୀନ ଯେଉଁ ସବୁ ନୀତି ଆପଣାଉଛି ତାହା କାମ ଦେଉନାହିଁ ବୋଲି ଦାବି ହୋଇଛି ।ଅନ୍ୟପକ୍ଷରେ ଭାରତର ଅର୍ଥବ୍ୟବସ୍ଥା ସୁଦୃଢ଼ ଥିବା ନେଇ ଫିଚ୍ ସୂଚନା ଦେଇଛି । କିନ୍ତୁ ଏଲ୍ନିନୋର ବିପଦ ଭରତୀୟ ଅର୍ଥନୀତିକୁ ପ୍ରଭାବିତ କରିପାରେ ।
