ନୂଆଦିଲ୍ଲୀ: ଚୀନ୍‌ର ଚାଲାକି ଆଉ କାହାକୁ ଅଛପା ନାହିଁ । ନିଜର ବିସ୍ତାରବାଦୀ ନୀତି ଯୋଗୁ ଚୀନ୍‌ ବଦନାମ ଥିବା ବେଳେ ଏବେ ପଡ଼ୋଶୀ ଭୁଟାନ ଉପରେ ଲୋଲୁପ ଦୃଷ୍ଟି ପକାଇଥିବା ଖବର ସାମ୍ନାକୁ ଆସିଛି । ଭୁଟାନ ସୀମାରେ ଚୀନ୍‌ କବଜା କରୁଥିବା ନେଇ ବିଭିନ୍ନ ସମୟରେ ଚାଞ୍ଚଲ୍ୟକର ଖୁଲସା ହୋଇଛି । ଆଉ ଏବେ ଭୁଟାନ ସୀମାରେ ଚୀନ୍‌ ୨୦୦ରୁ ଅଧିକ ଘର ଥିବା ଏକ ଗାଁ ସ୍ଥାପନ କରିଛି ।

ସାଟେଲାଇଟ ଇମେଜରୁ ଚୀନର ଏହି ଚାଲ୍‌ ସଂପର୍କରେ ଜଣାପଡ଼ିଛି । ସାଉଥ ଚାଇନା ମର୍ଣ୍ଣିଂ ପୋଷ୍ଟରେ ପ୍ରକାଶିତ ଖବର ଅନୁସାରେ, ଭୁଟାନ ସୀମାରେ ଚୀନ୍ ନିଜର ସାମ୍ରାଜ୍ୟ ବୃଦ୍ଧି କରିବାରେ ଲାଗିଛି । ଭୁଟାନ ସୀମାରେ ବିବାଦୀୟ ସ୍ଥାନରେ ଚୀନ୍‌ ଗାଁ ନିର୍ମାଣ କରିଛି ।

 ଏହି ଗାଁରେ ତିବ୍ବତର ଲୋକମାନଙ୍କୁ ଘର ଦେଉଛି ଚୀନ୍‌ । ପ୍ରଥମେ ୨୮ ଡିସେମ୍ବର ୨୦୩ରେ ଚୀନ୍‌ ୧୮ ଜଣ ତିବ୍ବତୀୟଙ୍କୁ ସେଠାରେ ବସବାସ କରିବାକୁ ଅନୁମତି ଦେଇଥିଲେ ଜିନପିଙ୍ଗ ସରକାର । ପ୍ରଥମ ପର୍ଯ୍ୟାୟରେ ୭୦ଟି ଘରେ ୨୦୦ ଜଣ ଲୋକ ରହୁଥିଲେ । ଏବେ ସେଠାରେ ୨୦୦ ଘର ନିର୍ମାଣ କରିସାରିଛି ଚୀନ୍ । 

ଗରିବୀ ନିରାକରଣ କାର୍ଯ୍ୟକ୍ରମ ଜରିଆରେ ଚୀନ୍ ବିବାଦୀୟ ସ୍ଥାନରେ ଘର ନିର୍ମାଣ କରିଆସୁଛି । ଏହାକୁ ଧିରେ ଧିରେ ଚୀନ୍‌ ନିଜର ପ୍ରତିରକ୍ଷା କ୍ଷେତ୍ରରେ ମହତ ଯୋଜନା ବୋଲି ଦାବି କରୁଛି । ମକ୍ସର ଟେକନୋଲୋଜି ଦ୍ବାରା ଉତ୍ତୋଳିତ ଇମେଜରେ ୩ଟି ଚୀନ୍‌ ଗାଁ ସଂପର୍କରେ ଜଣାପଡ଼ିଛି । ଗ୍ୟାଲଫୁଗ ଏବଂ ତମାଲୁଙ୍ଗ ଏହି ଦୁଇଟି ସ୍ଥାନରେ ଚୀନ୍‌ ନିଜର ଗାଁ ଯୋଜନା ଚଳାଇଛି । ଗ୍ୟାଲଫୁଗ ଓ ତମାଲୁଙ୍ଗରେ ଚୀନ୍ ଗାଁ ନିର୍ମାଣ କାର୍ଯ୍ୟ ତ୍ବରାନ୍ବିତ କରିଛି ।