ପୁରୀ, ୮/୧୦ : ପୁରୀର ଐତିହ୍ୟ ଓ ଭିତ୍ତିଭୂମି ଉନ୍ନୟନ ଲକ୍ଷ୍ୟରେ ଓଡ଼ିଶା ସରକାରଙ୍କ ଅବଢ଼ା ଯୋଜନାରେ ସାମଙ୍ଗ ଗ୍ରାମ ଠାରେ ଚାଲିଛି ପାର୍କିଂ ନିର୍ମାଣ। ୪୫.୧୨ ଏକର ଜମିରେ ୭୪.୯୧ କୋଟି ବ୍ୟୟ ବରାଦରେ ଏକ ପାର୍କିଂ କ୍ଷେତ୍ରର ନିର୍ମାଣ ଜାରି ରହିଛି ।
ପୁରୀ ସହର ଏବଂ ଏନଏଚ୍କୁ ସଂଯୋଗ କରୁଥିବା ରାସ୍ତାରେ ଅବସ୍ଥିତ ଏହି ପାର୍କିଂ କ୍ଷେତ୍ରରେ ଶୌଚାଳୟ, ଜଳ ନିଷ୍କାସନ ଓ ବର୍ଷାଜଳ ସଂଗ୍ରହର ସୁବିଧା ଉପଲବ୍ଧ ରହିବ। ରଥଯାତ୍ରା ସମୟରେ ପୁରୀରେ ବିପୁଳ ମାତ୍ରାରେ ଜନସମାଙ୍ଗମ ହୁଏ। ଲୋକମାନେ ଗାଡି ପାର୍କିଂ କରିବାକୁ ଅସୁବିଧାରେ ପଡ଼ନ୍ତି। ଏହି ସମୟରେ ପାର୍କିଂ ସମସ୍ୟା ଦୂର କରିବାରେ ଏହା ସହାୟକ ହେବ।