ନୂଆଦିଲ୍ଲୀ, ୧୩/୦୯: ବିଭିନ୍ନ ଦେଶ ସେମାନଙ୍କ ଭିନ୍ନ ଭିନ୍ନ ପରମ୍ପରା, ସଂସ୍କୃତି ଓ ନିୟମକୁ ନେଇ ପରିଚିତ ହୋଇଥାଆନ୍ତି । ଭାରତ ଭଳି ଜନବହୁଳ ରାଷ୍ଟ୍ରରେ ଦିନକୁ ଦିନ ଯାନବାହନ ସଂଖ୍ୟା ବଢ଼ୁଥିବା ବେଳେ ଟ୍ରାଫିକ୍ ସମସ୍ୟା ଗୁରୁତର ରୂପ ନେବାରେ ଲାଗିଛି । ଯାନବାହନ ସଂଖ୍ୟାରେ ଅହେତୁକ ବୃଦ୍ଧି ସଡ଼କରେ ଲୋକଙ୍କୁ ନାକେଦମ୍ କରୁଥିବା ବେଳେ ବୃଦ୍ଧି ପାଉଛି ପ୍ରଦୂଷଣ ।
କିନ୍ତୁ ଦୁନିଆରେ ଏଭଳି ଏକ ଦେଶ ରହିଛି ଯେଉଁଠି ଗୋଟିଏ ବି ଟ୍ରାଫିକ୍ ସିଗନାଲ୍ ନାହିଁ । ଆପଣ ଭାବୁଥିବେ ଏହା କେମିତି ସମ୍ଭବ ? ଟ୍ରାଫିକ୍ ସିଗନାଲ୍ ନଥିବାରୁ ହୁଏତ ଅଧିକ ଦୁର୍ଘଟଣା ହେଉଥିବ । ଆସନ୍ତୁ ଜାଣିବା କେଉଁ ଦେଶରେ ନାହିଁ ଗୋଟିଏ ବି ଟ୍ରାଫିକ୍ ସିଗନାଲ୍, ତଥାପି ସଡ଼କରେ ହୁଏନ ଗାଡ଼ି ଜାମ୍ ।
ଅନନ୍ତନାଗରେ ସେନା-ଆତଙ୍କବାଦୀଙ୍କ ମଧ୍ୟରେ ଗୁଳିବିନିମୟ, କର୍ଣ୍ଣେଲଙ୍କ ସମେତ ୩ ଅଧିକାରୀ ସହିଦ
ଗୋଟିଏ ବି ଟ୍ରାଫିକ୍ ସିଗନାଲ୍ ନଥିବା ନିଆରା ଦେଶ ହେଉଛି ଭୁଟାନ୍ । ଭାରତର ସୀମାକୁ ଲାଗି ରହିଥିବା ଭୁଟାନରେ ରହିଛି ଛୋଟ ବଡ଼ କରି ପ୍ରାୟ ୧୦୨ଟି ସହର । ଭୁଟାନର ଜନସଂଖ୍ୟା ପ୍ରାୟ ୮ ଲକ୍ଷ ହୋଇଥିବା ବେଳେ ଦେଶରେ ୨୦୨୨ ଜୁନ୍ ସୁଦ୍ଧା ୧ ଲକ୍ଷ ୨୨ ହଜାର ୮୬୫ଟି ଗାଡ଼ି ପଞ୍ଜିକୃତ ହୋଇଛି । ବର୍ଷକୁ ଏଠାରେ ହାରାହାରି ସଡ଼କ ଦୁର୍ଘଟଣାରେ ଶହେ ଜଣଙ୍କ ଜୀବନ ଯାଉଥିବା ବେଳେ ୬ ଶହ ଲୋକ ଆହତ ହୋଇଥାନ୍ତି ।
ହିମାଳୟର ପାଦ ଦେଶରେ ରହିଛି ଭୁଟାନ୍ । ଭାରତୀୟ ରାଜ୍ୟ ପଶ୍ଚିମବଙ୍ଗ, ଆସାମ, ଅରୁଣାଚଳପ୍ରଦେଶ ଓ ସିକ୍କିମକୁ ଭୁଟାନ୍ ସୀମା ଲାଗି ରହିଛି । ଭୁଟାନ୍ ହେଉଛି ଦୁନିଆର ଅନ୍ୟତମ ହାପିଏଷ୍ଟ କଣ୍ଟ୍ରି ବା ସୁଖୀ ଦେଶ । ଏଠାରେ ଶିଳ୍ପ ଓ ଯାନବାହାନ ସଂଖ୍ୟା ବହୁତ କମ୍ । ଏଠାରେ ପ୍ରଦୂଷଣ ମାତ୍ରା କମ୍ ଥିବାରୁ ଆକାଶ ସଫା ରହିଥାଏ । ଭୁଟାନରେ ଯେତିକି ଅଙ୍ଗାରାକାମ୍ଳ ନିର୍ଗତ ହୁଏ ତାଠାରୁ ଅଧିକ ଅମ୍ଳଜାନ ଉତ୍ପନ୍ନ ହୋଇଥାଏ ।
ତାଲିବାନକୁ ମିଳିଲା ଚୀନ୍ର ସହଯୋଗ, କାବୁଲରେ ପୂର୍ଣ୍ଣକାଳୀନ ରାଜଦୂତ ନିଯୁକ୍ତି କରିବାରେ ହେଲା ପ୍ରଥମ ଦେଶ...
ଦେଶରେ ନାହିଁ ଟ୍ରାଫିକ୍ ଲାଇଟ୍
ଭୂଟାନରେ ଗୋଟିଏ ବି ଟ୍ରାଫିକ୍ ଲାଇଟ୍ ନାହିଁ । ଦେଶରେ ଗୋଟିଏ ବି ଟ୍ରାଫିକ୍ ସିଗନାଲ୍ ନ ଲାଗିବା ପଛରେ କାରଣ ରହିଛି । ପ୍ରଥମ ହେଉଛି ପରିବେଶ ସୁରକ୍ଷା । ଯେଉଁଥି ପାଇଁ ଏଠାରେ ଯାନବାହାନ ସଂଖ୍ୟାକୁ ସୀମିତ ରଖା ଯାଇଛି । ଦ୍ୱିତୀୟରେ ଭୁଟାନର ସଡ଼କ ଏଭଳି ଭାବେ ନିର୍ମିତ, ଯାତ୍ରା ବେଳେ ଆପଣଙ୍କୁ କୌଣସି ଛକରେ ଅଟକିବାକୁ ପଡ଼ିବ ନାହିଁ ।
ଏହାଛଡ଼ା ଭୁଟାନବାସୀ ପଶୁ ପ୍ରେମୀ । ଏଠାକାର ସଡ଼କରେ ଆପଣ ମଣିଷଙ୍କ ସହ ପଶୁଙ୍କୁ ବୁଲୁଥିବାର ଦେଖିବାକୁ ପାଇବେ । ଗାଈ, ମଇଁଷି ଓ ଛେଳିପଲ ରାସ୍ତାରେ ବୁଲୁଥିବାରୁ ଗାଡ଼ିର ଗତି ଧିର ରହିଥାଏ । ଭୁଟାନର ଛକମାନଙ୍କରେ ଟ୍ରାଫିକ୍ ଲାଇଟ୍ ନଥିବା ବେଳେ ଛିଡ଼ା ହୋଇଥାନ୍ତି ପୋଲିସ । ତେଣୁ ଲୋକ ନିୟମ ଉଲ୍ଲଂଘନ କରନ୍ତି ନାହିଁ ।
