ପ୍ରମୁଖ ଖବର
  • ପାଲଲହଡ଼ା ଯାଉଥିଲା ରାଧାମାଧବ, ଅଧାରସ୍ତାରେ ଓଲଟିଲା ବସ୍‌
  • ||
  • କୋରାପୁଟ: ନାଲକୋ ଦାମନଯୋଡ଼ିରେ ରଡ଼ ପଶି ଦୁଇ ଶ୍ରମିକ ମୃତ, ଜଣେ ଗୁରୁତର
  • ||
  • ଗଗନ ଯାନ ମିଶନ ପାଇଁ ୪ ମହାକଶଚାରୀଙ୍କ ନାଁ ଘୋଷଣା କଲା ଇସ୍ରୋ, ପ୍ରଧାନମନ୍ତ୍ରୀଙ୍କ ଉପସ୍ଥିତିରେ ନାଁ ଘୋଷଣା ହୋଇଛି
  • ||
  • ମିଶନ ଶକ୍ତି ବଜାର ଶୁଭାରମ୍ଭ, ଉଦ୍‌ଘାଟନ କଲେ ମୁଖ୍ୟମନ୍ତ୍ରୀ
  • ||
  • ଆଜି ଓୟୁଟିଆର୍‌ରେ ପ୍ରଥମ ସମାବର୍ତ୍ତନ ଉତ୍ସବ, ସଭାପତିତ୍ୱ କରିବେ ରାଜ୍ୟପାଳ
  • ||
  • ମଙ୍ଗଳବାର ୟୁପି ରାଜ୍ୟସଭା ନିର୍ବାଚନ, ବିଜେପିକୁ ସମର୍ଥନ କରିବେ ରାଜା ଭୈୟା
  • ||
  • ବିନିକାରୁ ଅପହୃତ ବ୍ୟବସାୟୀ ବୁର୍ଲାରୁ ଉଦ୍ଧାର, ପୁଲିସର ବ୍ଲକିଂ ଦେଖି ଗୋଲଗୁଣ୍ଡା ପାଖରେ ଛାଡ଼ି ଅପହର୍ତ୍ତା ଫେରାର
  • ||
  • ୨୯ରେ ଶ୍ରୀମନ୍ଦିର ପରିଚାଳନା କମିଟି ବୈଠକ, ଉପସ୍ଥାପିତ ହେବ ରତ୍ନଭଣ୍ଡାର ଲେଜର ସ୍କାନିଂ ରିପୋର୍ଟ
  • ||
  • WPL-2024: ଦିଲ୍ଲୀ କ୍ୟାପିଟାଲ୍ସ ୯ ଓ୍ବିକେଟ୍ ବିଜୟୀ, ୟୁପି ୱାରିୟର୍ସର ଦ୍ୱିତୀୟ ପରାଜୟ
  • ||
  • ବୁଧବାରଠୁ ୪ ଦିନିଆ ଓଡ଼ିଶା ଗସ୍ତରେ ଆସୁଛନ୍ତି ରାଷ୍ଟ୍ରପତି, ଆଜି କାର୍‌କେଡ୍‌ ରିହର୍ସାଲ କରିବ ଓଡ଼ିଶା ପୁଲିସ୍‌
  • ||
  • ଶନିବାର ବାରବାଟୀ ଷ୍ଟାଡିୟମ୍‌ ପ୍ରକଳ୍ପର ଶିଳାନ୍ୟାସ କରିବେ ମୁଖ୍ୟମନ୍ତ୍ରୀ, ୪୧ଟି କ୍ରିକେଟ୍‌ ଏକାଡେମୀ ହେବ ଲୋକାର୍ପଣ
  • ||
  • ଆସନ୍ତା ୩ ତାରିଖ ଯାଏ ବର୍ଷା ସମ୍ଭାବନା, ବିଭିନ୍ନ ଜିଲ୍ଲାକୁ ଆଲର୍ଟ ଜାରି
  • ||

ସଚେତନତା ସତ୍ତ୍ଵେ ବଢ଼ୁଛି ଏଡ୍‌ସ ରୋଗୀ ସଂଖ୍ୟା : ଦୁଇ ଦଶନ୍ଧିରେ ୧୯୫୬

ବାଲେଶ୍ୱର, ୦୧/୧୨ : ସମ୍ପ୍ରତି ସମାଜରେ ଏଚ୍‌ଆଇଭି କାୟା ବଢ଼ାଇ ଚାଲିଛି । ଦାବାଗ୍ନି ଭଳି ମାଡ଼ି ଯାଉଛି ଏଡସ୍‌ । ଆବାଳ ବୃଦ୍ଧ ବନିତା କେହି ବି ଏଥିରୁ ବାଦ୍‌ ପଡ଼ୁନାହାନ୍ତି । ରାଜ୍ୟରେ ଏହାର ସ୍ଥିତି ଗମ୍ଭୀର ଥିବାବେଳେ ବାଲେଶ୍ୱର ଜିଲ୍ଲା ମଧ୍ୟ ବାଦ୍‌ ପଡ଼ିନି । ବାରମ୍ବାର ସଚେତନତା ସତ୍ତ୍ଵେ ଯୁବଗୋଷ୍ଠୀ ଏଥିରେ ଅଧିକ ଶିକାର ହେଉଛନ୍ତି । ମୁଖ୍ୟତଃ ପୁରୁଷଙ୍କ କ୍ଷେତ୍ରରେ ଏହା ଅଧିକ ଦେଖା ଦେଉଛି । 

ସରକାରୀ ସୂଚନା ଅନୁଯାୟୀ ୨୧ ବର୍ଷ ମଧ୍ୟରେ ଜିଲ୍ଲାରେ ଏଡ୍‌ସ କାରଣରୁ ୪୪୫ଜଣଙ୍କ ମୃତ୍ୟୁ ହୋଇଛି । ବାଲେଶ୍ୱର ଜିଲ୍ଲାର ସମସ୍ତ ବ୍ଲକରେ ଏଚ୍‌ଆଇଭି ଆକ୍ରାନ୍ତ ରୋଗୀ ଅଛନ୍ତି । ମିଳିଥିବା ତଥ୍ୟ ମୁତାବକ ୨୦୦୩ରୁ ଚଳିତ ବର୍ଷ ଅକ୍ଟୋବର ପର୍ଯ୍ୟନ୍ତ ଜିଲ୍ଲାରେ ମୋଟ୍‌ ୧୦ଲକ୍ଷ ୩୮ ହଜାର ୮୯୧ ଜଣଙ୍କୁ ଏଚ୍‌ଆଇଭି ପରୀକ୍ଷା ପାଇଁ କାଉନସେଲିଂ କରାଯାଇଥିଲା । ସେମାନଙ୍କ ମଧ୍ୟରୁ ୯ଲକ୍ଷ ୯୦ ହଜାର ୯୧୦ଜଣ ଏଚ୍‌ଆଇଭି ପରୀକ୍ଷା କରିବାକୁ ସମ୍ମତି ପ୍ରକାଶ କରିଥିଲେ । ପରୀକ୍ଷା କରିଥିବା ରୋଗୀଙ୍କ ମଧ୍ୟରୁ ୧ ହଜାର ୯୫୬ଜଣଙ୍କଠାରେ ଏଚ୍‌ଆଇଭି ପଜିଟିଭ୍‌ ବାହାରିଛି । ସେମାନଙ୍କ ମଧ୍ୟରୁ ପୁରୁଷ ୧୦୫୦, ମହିଳା ୬୫୫, ୧୧୯ଜଣ ଶିଶୁ ଓ ୧୩୨ ଜଣ ଗର୍ଭବତୀ ମହିଳା ଅଛନ୍ତି । ଏହାଛଡ଼ା ୨୧ ବର୍ଷ ମଧ୍ୟରେ ୪୪୫ ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ଜିଲ୍ଲା ମୁଖ୍ୟ ଚିକିତ୍ସାଳୟରୁ ମିଳିଥିବା ତଥ୍ୟ ମୁତାବକ³ ୨୦୦୩ରେ ଜିଲ୍ଲାରେ ୧୯ ଜଣ ଲୋକ ଏହି ରୋଗରେ ଆକ୍ରାନ୍ତ ଥିବାବେଳେ ୨୦୦୪ରେ ଏହି ସଂଖ୍ୟା ବଢ଼ି ୨୮ ହୋଇଯାଇଥିଲା । କ୍ରମଶଃ ଏହାର କାୟା ବଢ଼ିବା ସହିତ ସଂଖ୍ୟା ମଧ୍ୟ ବଢ଼ି ଚାଲିଲା । 

୨୦୦୫ରେ ୪୭, ୨୦୦୬ରେ ୫୬, ୨୦୦୭ରେ ୮୬ ଚିହ୍ନଟ ହେବା ପରେ ୨୦୦୮ରେ ୬୨କୁ ଖସି ଆସିଥିଲା । ଏହା ପରେ ୨୦୦୯ରେ ବଢ଼ି ୧୩୬ ହୋଇଥିଲା । ୨୦୧୦ରେ ୧୩୭, ୨୦୧୧ରେ ୧୪୧, ୨୦୧୨ରେ ୧୬୩ ହୋଇ ହୁ ହୁ ଭାବରେ ଏଚ୍‌ଆଇଭି ସଂକ୍ରମିତ ବଢ଼ିବା ପରେ ସଚେତନତା ଯୋଗୁଁ ଏହା କମିବାରେ ଲାଗିଛି । ୨୦୧୩ରେ ୧୨୪, ୨୦୧୪ରେ ୧୨୫, ୨୦୧୫ରେ ୧୦୧, ୨୦୧୬ରେ ୯୯, ୨୦୧୭ରେ ୯୫, ୨୦୧୮ରେ ୯୭, ୨୦୧୯ରେ ୧୧୪, ୨୦୨୦ରେ ୬୭, ୨୦୨୧ରେ ୭୧, ୨୦୨୨ରେ ୮୯, ୨୦୨୩ ଅକ୍ଟୋବର ସୁଦ୍ଧା ୯୯ ଜଣ ପଜିଟିଭ୍‌ ଜଣାପଡିଛି । ଚିକିତ୍ସା ଅବହେଳା ଯୋଗୁଁ ଏହି ରୋଗରେ ଯେପରି କେହି ମୃତ୍ୟୁବରଣ ନ କରନ୍ତି³ ସେଥିପ୍ରତି ଜିଲ୍ଲା ସ୍ୱାସ୍ଥ୍ୟ ବିଭାଗ ପକ୍ଷରୁ ଗୁରୁତ୍ୱ ଦିଆଯାଇଛି । 

ବାଲେଶ୍ୱର ଜିଲ୍ଲା ସୋର ବ୍ଲକରେ ସର୍ବାଧିକ ଏଚ୍‌ଆଇଭି ପଜିଟିଭ୍‌ ଚିହ୍ନଟ ହୋଇଛନ୍ତି । ବାହାନଗାରେ ୧୦୯, ବାଲିଆପାଳରେ ୭୪, ବସ୍ତାରେ ୧୦୬, ଭୋଗରାଇରେ ୧୫୫, ଜଲେଶ୍ୱରରେ ୧୯୩, ଖଇରାରେ ୨୩୪, ନୀଳଗିରିରେ ୭୪, ଔପଦାରେ ୬୩, ରେମୁଣାରେ ୧୨୭, ବାଲେଶ୍ୱର ସଦରରେ ୨୩୫, ସିମୁଳିଆରେ ୮୭, ସର୍ବାଧିକ ସୋରରେ ୨୪୦ ଥିବା ଜଣାପଡିଛି । ବାଲେଶ୍ୱରରେ ମୋଟ ୧୬୯୭ ଜଣ ଏଚଆଇଭି ଆକ୍ରାନ୍ତ ହୋଇଥିବା ବେଳେ ବାଲେଶ୍ୱରରେ ଥିବା ବାହାର ଜିଲ୍ଲାରୁ ୨୦୨ ଜଣ ଓ ବାହାର ରାଜ୍ୟରୁ ୫୭ ଜଣ ଚିହ୍ନଟ ହୋଇଛନ୍ତି । ମୋଟ ଉପରେ ବାଲେଶ୍ୱର ମୁଖ୍ୟ ଚିକିତ୍ସାଳୟରେ ୧୯୫୬ ଜଣ ଚିହ୍ନଟ ହୋଇଛନ୍ତି । ଏହି ରୋଗ କେବଳ ଅସୁରକ୍ଷିତ ଯୌନ ସମ୍ପର୍କ ନୁହେଁ ଅନେକ କାରଣ ଦ୍ୱାରା ବ୍ୟପିଥାଏ । ଏଚ୍‌ଆଇଭି ଆକ୍ରାନ୍ତ ମା’ଠୁ ଜନ୍ମ ହୋଇଥିବା ଶିଶୁ, ଏଚ୍‌ଆଇଭି ସଂକ୍ରମିତଠୁ ରକ୍ତ ଗ୍ରହଣ କରିବା, ଆକ୍ରାନ୍ତ ଲୋକଙ୍କ ଛୁଞ୍ଚି, ବ୍ଲେଡ୍‌କୁ ସୁସ୍ଥ ଲୋକ ବ୍ୟବହାର କରିବା ଦ୍ୱାରା ଏହି ରୋଗ ବ୍ୟାପିବାର ସମ୍ଭାବନା ଥାଏ । 

ରୋଗର ମୁଖ୍ୟ ନିରାକରଣ ହେଉଛି ସଚେତନତା । ସରକାରଙ୍କ ତରଫରୁ ପ୍ରତ୍ୟେକ ବର୍ଷ ଡିସେମ୍ବର ୧ ତାରିଖ ବିଶ୍ୱ ଏଡ୍‌ସ ଦିବସ ପାଳନ କରାଯାଉଛି । ଏତେ ମାତ୍ରାରେ ସଚେତନତା ସତ୍ତେ୍ୱ ହୁ ହୁ ହୋଇ ରୋଗୀ ସଂଖ୍ୟା ବଢ଼ିବା ସହିତ ମୃତ୍ୟୁ ମଧ୍ୟ ବଢ଼ୁଛି । କିଛି ଲୋକ ଲଜ୍ଜା କାରଣରୁ ନିଜ ହକ୍‌ ହାସଲ ପାଇଁ ଆଗଭର ହେଉ ନାହାନ୍ତି । ଯନ୍ତ୍ରଣାରେ ଛଟପଟ ହୋଇ ମରିବାକୁ ଶ୍ରେୟ ମଣୁଛନ୍ତି ପଛେ ଔଷଧ ଖାଉନାହାନ୍ତି ।

Also Read:-

ଢେଙ୍କାନାଳ ଜିଲ୍ଲାରେ କମୁନି ଏଡ୍‌ସ, ୫ ବର୍ଷରେ ୧୫୪ ଆକ୍ରାନ୍ତ, ଗଲାଣି ୧୬ ଜୀବନ

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.