ଅଯୋଧ୍ୟା : ଅଯୋଧ୍ୟାର ରାମ ମନ୍ଦିରରେ ରାମଲଲାଙ୍କ ବିରାଜମାନକୁ ୧୧ ଦିନ ହୋଇଛି। ଏହି ୧୧ ଦିନରେ ୨୫ ଲକ୍ଷ ଶ୍ରଦ୍ଧାଳୁ ରାମଲଲାଙ୍କ ଦର୍ଶନ କରି ସାରିଛନ୍ତି। ଏହା ବ୍ୟତୀତ ପ୍ରତିଦିନ ହାରାହାରି କୋଟିଏ ଟଙ୍କା ରାମଲଲାଙ୍କୁ ଦାନ ରୂପେ ମିଳୁଛି। ଏହି ୧୧ଦିନରେ ରାମଲଲାଙ୍କୁ ଯେଉଁ ଦାନ ପ୍ରଦାନ କରାଯାଉଛି ଏହାର ମୂଲ୍ୟ ୧୧କୋଟି ଟଙ୍କା ରହିଛି। ରାମ ଜନ୍ମଭୂମିର ତୀର୍ଥ କ୍ଷେତ୍ର ମୁତାବିକ , ଗତ ୧୦ ଦିନରେ ହୁଣ୍ଡିରେ ପାଖାପାଖି ୮ କୋଟି ଟଙ୍କା ଜମା ହୋଇଛି ଏବଂ ପାଖାପାଖି ୩.୫୦ କୋଟି ଟଙ୍କା ଅନଲାଇନ୍‌ ପ୍ରାପ୍ତ ହୋଇଛି। 

ଟ୍ରଷ୍ଟର କାର୍ଯ୍ୟାଳୟ ପ୍ରଭାରୀ ପ୍ରକାଶ ଗୁପ୍ତାଙ୍କ ମୁତାବିକ, ଗର୍ଭଗୃହ ସାମନାରେ ଦର୍ଶନ ପଥ ପାଖରେ ୪ଟି ବଡ଼ ବଡ଼ ଆକାରର ଦାନ ପେଟି ରଖାଯାଇଛି, ଯେଉଁଥିରେ ଶ୍ରଦ୍ଧାଳୁ ଦାନ କରୁଛନ୍ତି। ଏହା ବ୍ୟତୀତ ୧୦ଟି କମ୍ପ୍ୟୁଟରୀକରଣ କାଉଁଟର ଉପରେ ମଧ୍ୟ ଲୋକେ ଦାନ କରୁଛନ୍ତି। ଏହି ଦାନ କାଉଁଣ୍ଟର ଉପରେ ମନ୍ଦିର ଟ୍ରଷ୍ଟର କର୍ମଚାରୀଙ୍କୁ ନିଯୁକ୍ତ କରାଯାଇ ଯାଇଛି, ଯିଏ ସନ୍ଧ୍ୟାକୁ କାଉଣ୍ଟର ବନ୍ଦ ହେବା ପରେ ପ୍ରାପ୍ତ ଦାନ ରାଶିର ହିସାବ ଟ୍ରଷ୍ଟ କାର୍ଯ୍ୟାଳୟରେ ଜମା କରିଥାନ୍ତି। 

ଉଲ୍ଲେଖନୀୟ ଯେ , ୧୪ ଜଣ କର୍ମଚାରୀଙ୍କୁ ନେଇ ଏକ ଟିମ୍‌ ୪ଟି ଦାନ ପେଟିରେ ଆସିଥିବା ଅର୍ଥ ରାଶିକୁ ଗଣତି କରିଥାନ୍ତି , ଯେଉଁଥିରେ ୧୧ଟି ବ୍ୟାଙ୍କ୍‌ କର୍ମଚାରୀ ଓ ୩ଟି ମନ୍ଦିର ଟ୍ରଷ୍ଟର କର୍ମଚାରୀ ସାମିଲ ଅଛନ୍ତି। ଗୁପ୍ତା କହିଛନ୍ତି କି, ଦାନ ରାଶି ଗଣତି ଠାରୁ ନେଇ ଜମା କରିବା ଯାଏ ସବୁ କାମ ସିସିଟିଭି କ୍ୟାମେରା ଆଗରେ କରାଯାଏ।

ସୂଚନା ଯେ, ଏହି ସମୟରେ ଉତ୍ତର ପ୍ରଦେଶରେ ଥଣ୍ଡା ଖୁବ୍‌ ଜୋରରେ ପଡ଼ୁଛି। ହେଲେ , ଶ୍ରଦ୍ଧାଳୁଙ୍କ ସଂଖ୍ୟାରେ କୌଣସି ହ୍ରାସ ଘଟି ନାହିଁ। ପାଣିପାଗ ବିଭାଗର ପୂର୍ବାନୁମାନ ମୁତାବିକ, ଆଗାମୀ ବୁଧବାର ଯାଏ ଉତ୍ତର ପ୍ରଦେଶର ବଡ଼ ଅଞ୍ଚଳରେ ଘନ କୁହୁଡ଼ିରେ ଢାଙ୍କି ହୋଇ ରହିବ।