ପ୍ରମୁଖ ଖବର
  • ଭୁବନେଶ୍ଵର : ଲୁମ୍ବିନୀ ବିହାର ମା' ମଙ୍ଗଳା ବସ୍ତିରେ ବିଲ୍ ଗେଟ୍‌ସ, ଲୋକମାନଙ୍କୁ ଭେଟି ବିଭିନ୍ନ ମୌଳିକ ସୁବିଧା ସମ୍ପର୍କରେ ପଚାରି ବୁଝିଲେ
  • ||
  • ଭୁବନେଶ୍ଵର : ଓଡ଼ିଶା ଆସୁଛନ୍ତି ମହାମହିମ, ମା' କିଚକେଶ୍ଵରୀଙ୍କ ଦର୍ଶନ ସହ ବିଭିନ୍ନ କାର୍ଯ୍ୟକ୍ରମରେ ଦେବେ ଯୋଗ
  • ||

୨୦୨୪ ଲୋକସଭା ନିର୍ବାଚନରେ ଭୋଟ୍‌ ଦେବାକୁ ପ୍ରାୟ ୯୭ କୋଟି ଭୋଟର ଯୋଗ୍ୟ: ଇଲେକ୍ସନ୍‌ କମିଶନ୍‌

ନୂଆଦିଲ୍ଲୀ: ଚଳିତ ବର୍ଷ ଲୋକସଭା ନିର୍ବାଚନରେ ମତଦାନ କରିବାକୁ ୯୭ କୋଟି ଯୋଗ୍ୟ ଭୋଟର ରହିଥିବା ନେଇ ଆଜି ନିର୍ବାଚନ ଆୟୋଗ ସୂଚନା ଦେଇଛନ୍ତି । ଏହା ସହ ୨ କୋଟିରୁ ଅଧିକ ୧୮-୨୯ ବର୍ଷୀୟ ଭୋଟରଙ୍କୁ ଚଳିତ ବର୍ଷ ମତଦାତା ତାଲିକାରେ ସାମିଲ କରାଯାଇଛି । ଗତ ଲୋକସଭା ନିର୍ବାଚନ ୨୦୧୯ ଅପେକ୍ଷା ଏଥର ପଞ୍ଜିକୃତ ମତଦାତାଙ୍କ ସଂଖ୍ୟା ୬ ପ୍ରତିଶତ ବୃଦ୍ଧି ପାଇଛି ।

ବିଶ୍ବରେ ସବୁଠାରୁ ଅଧିକ ମତଦାତା ଭାରତରେ ଅଛନ୍ତି ବୋଲି ନିର୍ବାଚନ କମିଶନ କହିଥିବା ବେଳେ ୨୦୨୪ ଲୋକସଭା ନିର୍ବାଚନ ଲାଗି ୯୬.୮୮ କୋଟି ଲୋକ ମତଦାନ କରିବାକୁ ପଞ୍ଜିକରଣ କରିଛନ୍ତି । ସେହିଭଳି ପୋଲ ପ୍ୟାନେଲଙ୍କ କହିବା ଅନୁସାରେ, ୨୦୨୩ରେ ଲିଙ୍ଗ ଅନୁପାତ ୯୪୦ରୁ ବଢ଼ି ୨୦୨୪ରେ ୯୪୮ରେ ପହଞ୍ଚି ଯାଇଛି । ସେପଟେ ଇଲେକ୍ସନ କମିଶନଙ୍କ ପକ୍ଷରୁ ୧ କୋଟି ୬୫ ଲକ୍ଷ ୭୬ ହଜାର ଭୋଟରଙ୍କୁ ତାଲିକାରୁ ବାଦ ଦିଆଯାଇଛି । 

 ଏହା ମଧ୍ୟରେ ୬୭ ଲକ୍ଷ ୮୨ ହଜାର ୬୪୨ ମୃତକ ଥିବା ବେଳେ ୭୫ ଲକ୍ଷ ୧୧ ହଜାର ୧୨୮ ଅନୁପସ୍ଥିତ ଭୋଟର୍ସ ଏବଂ ୨୨,୫,୬୮୫ ନକଲି ମତଦାତା ସାମିଲ ଅଛନ୍ତି । ସେହିଭଳି ୨ କୋଟି ୬୩ ଲକ୍ଷ ନୂଆ ଭୋଟରଙ୍କୁ ସାମିଲ କରାଯାଇଛି । ଯେଉଁଥିରେ ପ୍ରାୟ ୧ କୋଟି ୪୧ ଲକ୍ଷ ମହିଳା ଭୋଟର ରହିଛନ୍ତି । ଭୋଟର ଡାଟା ବେସ୍‌ରେ ୮୮ ଲକ୍ଷ ୩୫ ହଜାର ଦିବ୍ୟାଙ୍ଗ ମତଦାତାଙ୍କୁ ସାମିଲ କରାଯାଇଛି । ଅନ୍ୟପଟେ ୧୭ ବର୍ଷରୁ ଅଧିକ ୧୦ ଲକ୍ଷ ୫୪ ହଜାର ଯୁବକ-ଯୁବତୀ ମତଦାତା ତାଲିକାରେ ପଞ୍ଜିକରଣ ପାଇଁ ଆବେଦନ କରିଥିଲେ । ଏମାନେ ଏପ୍ରିଲ ୧, ଜୁଲାଇ ୧ ଏବଂ ଅକ୍ଟୋବର ୧ ତାରିଖ ସୁଦ୍ଧା ୧୮ ବର୍ଷରେ ପଦାର୍ପଣ କରିବେ ।

  • Lok Sabha Election
  • General Election 2024
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.