ରେଢ଼ାଖୋଲ,୨୧/୧୧ : ରେଢ଼ାଖୋଲରେ ହାତୀ ଉପଦ୍ରବରେ ଚାଷୀ ଅତିଷ୍ଠ ହୋଇପଡ଼ିଛନ୍ତି । ଗତ ୫ଦିନ ହେବ ରେଢ଼ାଖୋଲ ବନଖଣ୍ଡର ବଡ଼ବହାଲ ରେଞ୍ଜର କୁକୁଡ଼ାବହାଳି, ଖଜୁରୀଝରଣ, ଝିଙ୍କି ଦଦାର, ଶିଶୁ ପର୍ଣ୍ଣ ହେମାମୁରା ସମେତ ବିଭିନ୍ନ ଗାଁରେ ୫୨ ପଲ ଓ ୨୨ପଲ ହାତୀଥିବା ଦୁଇ ହାତୀପଲ ଉପଦ୍ରବ କରିଛନ୍ତି । ବହୁ ଅମଳ ଯୋଗ୍ୟ ଧାନ ଫସଲ ଖାଇବା ସହ ମାଡ଼ି ଦଳି ନଷ୍ଟ କରି ଦେଉଛନ୍ତି । ଗ୍ରାମବାସୀ ରାତି ସାରା ଅନିଦ୍ରା ରହି ହାତୀପଲଙ୍କୁ ଘଉଡ଼ାଇବା ପାଇଁ ଚେଷ୍ଟା କରୁଥିଲେ ମଧ୍ୟ ହାତୀପଲ ଆଦୌ ଖାତିର ନ କରି ଉପଦ୍ରବ କରୁଛନ୍ତି । ବନ ବିଭାଗକୁ ଖବର ଦେଲେ ମଧ୍ୟ ବନ କର୍ମଚାରୀ ଆସୁ ନ ଥିବାରୁ ଚାଷୀଙ୍କ ମଧ୍ୟରେ ତୀବ୍ର ଅସନ୍ତୋଷ ଦେଖା ଦେଇଛି ।
