ଭୋପାଳ ୧୧/୦୨: ଉଚିତ୍‌ ପ୍ରକ୍ରିୟା ପାଳନ ବିନା କାହାର ଘର ଭାଙ୍ଗିବା ସ୍ଥାନୀୟ ପ୍ରଶାସନ ଓ ନଗରନିଗମ ପାଇଁ ଏବେ  ‘ଫ୍ୟାଶନ୍‌’ ହୋଇଗଲାଣି । ଜଣେ ମହିଳା ରାଧା ଲାଙ୍ଗରିଙ୍କ ଅଭିଯୋଗ  ସଂପର୍କରେ ଶୁଣାଣି କରି ମଧ୍ୟପ୍ରଦେଶ ହାଇକୋର୍ଟର ଇନ୍ଦୋର ବେଞ୍ଚ  ଏଭଳି ମନ୍ତବ୍ୟ ଦେଇଛନ୍ତି ।  

ଲାଙ୍ଗରି ଉଜ୍ଜୟିନୀ ନଗର  ନିଗମ ପକ୍ଷରୁ ବେଆଇନ୍‌  ଭାବେ ତାଙ୍କର ଘର ଭଙ୍ଗାଯାଇଥିବା ନେଇ ଅଭିଯୋଗ କରିଥିଲେ ।  କୋର୍ଟ ଏହି ମାମଲାର ଶୁଣାଣି କରି ପୀଡିତାଙ୍କ ସପକ୍ଷରେ ରାୟ  ଦେଇଛନ୍ତି । ତାଙ୍କୁ ୧ ଲକ୍ଷ ଟଙ୍କାର କ୍ଷତିପୂରଣ ଦିଆଯିବାକୁ ମଧ୍ୟ  କହିଛନ୍ତି । ଏହି ସମୟରେ ଜଷ୍ଟିସ୍‌ ବିବେକ ରୁସିଆଙ୍କ ଖଣ୍ଡପୀଠ  କହିଛନ୍ତି, ‘ବିଧ୍ୱଂସ’ ଅନ୍ତିମ ବିକଳ୍ପ ହେବା ଆବଶ୍ୟକ । ଅବଶ୍ୟ  ଅ।।ବଶ୍ୟକୀୟ ଅନୁମତି ବିନା କିମ୍ବା ନିୟମ ପାଳନ ନକରି କାହାରିକୁ  ଘର ବନାଇବାର ଅଧିକାର ନାହିଁ ବୋଲି କୋର୍ଟ ପ୍ରକାଶ କରିଛନ୍ତି ।