ଝାରସୁଗୁଡ଼ା, ୦୭/୧୨ : ଡକାୟତି ଉଦ୍ୟମ ପଣ୍ଡ। ଝାରସୁଗୁଡ଼ା କନକତୋରା ଗାଁରେ ଡକାୟତି ଉଦ୍ୟମ କରି ବାପ-ପୁଅଙ୍କୁ ମରଣାନ୍ତକ ଆକ୍ରମଣ। ଗୁରୁତର ଅବସ୍ଥାରେ ବାପ-ପୁଅଙ୍କୁ ରାୟଗଡ଼ର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଛି। ଘଟଣା ସ୍ଥଳରେ ରେଙ୍ଗାଲି ପୋଲିସ ପହଞ୍ଚି ଛାନଭିନ୍ କରୁଛି।

ସୂଚନାନୁଯାୟୀ, ବୁଧବାର ରାତିରେ କନକତୋରା ଗାଁର ହୃଦାନନ୍ଦ ବିଶ୍ବାଳଙ୍କ ଘରକୁ ୫ ରୁ ୬ ଜଣ ମୁଖା ପିନ୍ଧା ଦୁର୍ବୃତ୍ତ ପଶି ଡକାୟତି ଉଦ୍ୟମ କରିଥିଲେ। ସେମାନଙ୍କୁ ବିରୋଧ କରିବାରୁ ଦୁର୍ବୃତ୍ତମାନେ ହୃଦାନନ୍ଦଙ୍କୁ ଛୁରାମାଡ଼ କରିଥିଲେ। ବାପାଙ୍କୁ ବଞ୍ଚାଇବାକୁ ଯାଇ ପୁଅ ଆତିଶ ବିଶ୍ଵାଳ ଆହତ ହୋଇଥିଲେ। ଏହି ସମୟରେ ମୋବାଇଲ୍ ରିଙ୍ଗ୍ ହେବାରୁ ପୋଲିସ ଆସୁଥିବା ସନ୍ଦେହ କରି ଡକାୟତମାନେ ଫେରାର୍ ହୋଇଯାଇଥିଲେ। ଖବର ପାଇ ରେଙ୍ଗାଲି ପୋଲିସ ଘଟଣାସ୍ଥଳରେ ପହଞ୍ଚି ଛାନଭିନ୍ କରୁଛି। ଉଭୟ ବାପା-ପୁଅଙ୍କୁ ରାୟଗଡ଼ର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଛି।