କେନ୍ଦୁଝର,୧/୩ : କେନ୍ଦୁଝରରେ ନାବାଳିକା ଦୁଷ୍କର୍ମକାରୀ ବାପା ଓ ପୁଅକୁ ଜେଲ୍ । ବାପାକୁ ୨୦ବର୍ଷ ସଶ୍ରମ କାରାଦଣ୍ଡାଦେଶ ସହ ୧୦ହଜାର ଓ ପୁଅକୁ ୨୫ବର୍ଷ ସଶ୍ରମ କାରାଦଣ୍ଡାଦେଶ ସହ ୨୦ହଜାର ଟଙ୍କା ଜରିମାନା ଶୁଣାଇଲେ ସ୍ଵତନ୍ତ୍ର ପୋକ୍ସୋ  କୋର୍ଟ । ଏହାସହ   ପୀଡ଼ିତାକୁ ୬ଲକ୍ଷ ଟଙ୍କାର ଅନୁକମ୍ପା ରାଶି ପ୍ରଦାନ କରିବାକୁ ଆଦେଶ ଦେଲେ କୋର୍ଟ । ଏହା ୨୦୨୨ମସିହାରେ ସଦର ଥାନା ଅଞ୍ଚଳର ଘଟଣା ହୋଇଥିବାବେଳେ ୧୮ ଜଣ ସକ୍ଷୀଙ୍କ ବୟାନକୁ ଭିତ୍ତି କରି କୋର୍ଟ ଏହି ଦଣ୍ଡ ଶୁଣାଇଛନ୍ତ । 

ପ୍ରକାଶ ଯେ, ଗତ ୨୦୨୧ ମସିହା ଅକ୍ଟୋବର ୨୬ତାରିଖରେ ବାଂଶପାଳ ବଜାରରୁ ନାବାଳିକା ଜଣଙ୍କ ଫେରୁଥିଲେ । ଏହି ସମୟରେ ବୁବୁଲୁ ସେଠି ତା ସାଙ୍ଗମାନଙ୍କ ସହ ଏକ ବୋଲେରୋରେ ଉଠାଇ ନେଇଥିଲା । ପରେ ନାବାଳିକାଟିକୁ କିଛି ଥାର୍ଡ଼ ଜେଣ୍ଡର ଆସି ତାକୁ ସେଠାରୁ ଉଦ୍ଧାର କରିଥିଲେ । ହେଲେ କିଛିଦିନ ପରେ ବୁବୁଲର ପରିବାର ଲୋକେ ପୁଣି ଯାଇ ନାବାଳିକାକୁ ତା ଘରୁ ଉଠାଇ ଆଣିଥିଲେ । ତାକୁ ବିଭିନ୍ନ ସ୍ଥାନରେ ରଖିବା ସହ ବୁବୁଲ ତା’ସହ ଜୋର ଜବରଦସ୍ତ ଶାରିରୀକ ସମ୍ପର୍କ ରଖିଥିଲା । ଏପରିକି ତା ବାପା ମଧ୍ୟ ନାବାଳିକା ସହ ଶାରୀରିକ ସମ୍ପର୍କ ରଖିଥିଲେ ବୋଲି ସରକାରୀ ଓକିଲ ସୂଚନା ଦେଇଛନ୍ତି ।