ନୂଆଦିଲ୍ଲୀ,୧୦/୦୨: ବିମାନ ଯାତ୍ରା କରୁଥିବା ଲୋକେ ସାଧାରଣତଃ ନିଜ ନିଜ ବ୍ୟାଗ୍ର ଓଜନ ଉପରେ ଧ୍ୟାନ ଦିଅନ୍ତି । କିନ୍ତୁ ଏକ ଏୟାରଲାଇନ୍ ଜିନିଷପତ୍ର ସହିତ ଯାତ୍ରୀଙ୍କୁ ମଧ୍ୟ ଓଜନ କରିବା ଆରମ୍ଭ କରିଦେଇଛି । ୟୁରୋପିଆନ୍ ଏୟାରଲାଇନ୍ ଫିନ୍ଏୟର୍ ଘୋଷଣା କରିଛି, ଏଣିକି ପ୍ରତ୍ୟେକ ଉଡ଼ାଣ ପୂର୍ବରୁ ଏହା ଯାତ୍ରୀଙ୍କ ଓଜନ ମାପିବ ।
ଫିନ୍ଏୟର୍ର ପ୍ରବକ୍ତା କୈସା ଟିକ୍କାନେନ୍ କହିଛନ୍ତି, ଚଳିତ ସପ୍ତାହ ଆରମ୍ଭରେ ବିମାନର ମୋଟ୍ ଓଜନ ମାପ କରାଗଲା । ଏଥିରେ ଇନ୍ଧନ, ଚେକ୍ ହୋଇଥିବା ଜିନିଷ, କାର୍ଗୋ, ଜାହାଜରେ ଖାଦ୍ୟପେୟ, ପାଣି ଟାଙ୍କି ଓ ଗ୍ରାହକଙ୍କ ଓଜନ ସାମିଲ । ସୁରକ୍ଷିତ ଯାତ୍ରା ନିମନ୍ତେ ଏହା ଜରୁରୀ ବୋଲି ସେ ସ୍ପଷ୍ଟ କହିଛନ୍ତି । ଫିନଏୟର୍ର ପ୍ରମୁଖ କହିଛନ୍ତି, ଯାତ୍ରୀଙ୍କ ଓଜନ କେବଳ ସ୍କେଲ୍ ଚଳାଉଥିବା ବ୍ୟକ୍ତିଙ୍କୁ ହିଁ ଦିଶିବ । ଅନ୍ୟମାନେ ଦେଖିପାରିବେ ନାହିଁ । ବିମାନର ସୁରକ୍ଷିତ ସଂଚାଳନା ଲାଗି କିଛି ଗଣନା କରିବାକୁ ପଡ଼େ ।