ହରଭଙ୍ଗା ,୧୭।୯   ହୀରାକୁଦ ଜଳ ଭଣ୍ଡାର ରୁ ୨୬ଟି ଗେଟ ଦେଇ ମହାନଦୀର ଜଳ ନିଷ୍କାସନ ହେଉଛି! ଫଳରେ ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ର ନଦୀ କୁଳିଆ ଅଂଚଳ ଚାଷ ଜମି ଗୁଡିକ ତିନି ଦିନ ଧରି ଜଳ ମଗ୍ନ ହେବା ସହିତ ଜଗନ୍ନାଥ ସଡ଼କ ଯାତାୟତ ବାଧାପ୍ରାପ୍ତ ହୋଇଛି। 

 ମହାନଦୀ ର ଚଳିତ ବର୍ଷ ର ଦ୍ୱିତୀୟ ବନ୍ୟା ଜଳ ପ୍ରଭାବ ରେ  ହରଭଙ୍ଗା ବ୍ଳକ ର କୃଷ୍ଣମହୋନପୁର ବଲlଟ ସେତୁ ଉପରେ ୪ଫୁଟ ଅଧିକ  ବନ୍ୟlଜଳ ପ୍ରବାହିତ ସହିତ  କରଡ଼ି, ହାଟଗାଁ,ମଙ୍ଗଳପୁର,ଝରାସାହି,ରାମଗଡ଼,ସାମ୍ପୋଚ, ଉଆଁଳ, କଂକଲା,ଧଳପୁର, ବୁଢୀକଣ, ସାକୁସିଙ୍ଗା,ଖଣ୍ଡି ଧଳପୁର,ପାଣିଘରା, ରାଉତପଡା, ହରଭଙ୍ଗା, କୁମାରୀ, ଅଟଲସରା,କୋଡାସିଙ୍ଗ, ତୀରଡ଼,ମାରଡ଼ା ଆଦି ଗ୍ରାମର ଚାଷ ଜମି ଗୁଡିକ ଜଳ ମଗ୍ନ ହୋଇଛି l ଉକ୍ତ ଅଂଚଳ ଗୁଡିକ ତିନି ଦିନ ଧରି ଚାଷ ଜମି ଜଳ ମଗ୍ନ ରେ ଥିବା ବେଳେ ରାଜସ୍ବ ବିଭାଗ ପକ୍ଷରୁ କୋଣସି ପଦକ୍ଷେପ ନିଆଯାଇନଥିବାରୁ ଚାଷୀକୁଳ ଅସନ୍ତୋଷ ପ୍ରକାଶ କରିଛନ୍ତି। 

ଆହୁରି ପଢନ୍ତୁ : ଫୁଟବଲ ମ୍ୟାଚ ଦେଖୁଥିବା ବେଳେ ବଜ୍ରପାତରେ ୩ ମୃତ, ୪ ଗୁରୁତର

ହୀରାକୁଦ ଜଳ ଭଣ୍ଡାରରୁ ୨୬ ଟି ଗେଟ ଦେଇ ବନ୍ୟା ଜଳ ନିଷ୍କାସନ ହେଉଥିବାରୁ ରବିବାର ଅପରାହ୍ନ ରେ ହରଭଙ୍ଗା ବ୍ଲକ ନଦୀକୁଳିଆ ଅଂଚଳ ରେ ପୁଣି ମହାନଦୀର ବନ୍ୟା ପାଣି ଧୀରେ ଧୀରେ ବୃଦ୍ଧି ହେବାକୁ ଲାଗିଛି! ଦୁଇ ପଟେ ବନ୍ୟା ଜଳ ପ୍ରଭାବିତ ହେଉଥିବାରୁ ଏବେ ବି ହରଭଙ୍ଗା ଧଳପୁର ଯୋଗା ଯୋଗ ବିଚ୍ଛିନ୍ନ ହୋଇ ପଡ଼ିଛି।