ବଲାଙ୍ଗିର,୦୧/୦୩: ପୂର୍ବତନ ମନ୍ତ୍ରୀ ତଥା ବରିଷ୍ଠ କଂଗ୍ରେସ ନେତା ସୁରେନ୍ଦ୍ର ସିଂଭୋଇ ବିଜେଡିରେ ମିଶିବେ ବୋଲି ଚର୍ଚ୍ଚା ଜୋର ଧରିଛି । ଅବଶ୍ୟ ଏଭଳି ଦଳବଦଳ ଚର୍ଚ୍ଚାକୁ ଶ୍ରୀ ସିଂଭୋଇ  ଅସ୍ୱୀକାର କରିଥିଲେ । କିନ୍ତୁ ଆଜି ସଇଁନ୍ତଳାରେ ସେ ଅନୁପସ୍ଥିତ ଥିବା ବେଳେ ଭୁବନେଶ୍ୱରରେ ଏନେଇ ପ୍ରସ୍ତୁତି ଚଳାଇଥିବା ବିଭିନ୍ନ ମହଲରେ  ଆଲୋଚନା ହେଉଛି । ଯଦି ସତରେ ସମୀକରଣ  ବଦଳେ ଓ ସୁରେନ୍ଦ୍ର ଶଙ୍ଖ ଧରନ୍ତି, ତାହେଲେ  ବିଜେଡି ପାଇଁ ଏହା ସୁବର୍ଣ୍ଣ ସୁଯୋଗ ହେବ ।  

ଅପରପକ୍ଷେ, ସୁରେନ୍ଦ୍ରଙ୍କ ବିଜେଡିରେ ଯୋଗଦାନ  ଶରତ ପଟ୍ଟନାୟକଙ୍କ ନେତୃତ୍ୱାଧୀନ ପିସିସି ପାଇଁ  ଶକ୍ତ ଧକ୍କା ହେବ । କାରଣ ଶରତ ପଟ୍ଟନାୟକ  ପିସିସି ସଭାପତି ହେବା ପରେ ପୁରୁଣା କଂଗ୍ରେସକୁ  ସଂଗଠିତ କରିବା ପାଇଁ ଅଣ୍ଟା ଭିଡ଼ିଥିଲେ । ଫେବୃଆରୀ ମାସରେ ବିଭିନ୍ନ ଜିଲ୍ଲା ପାଇଁ ନିଜର  ନୂଆ ଟିମ୍‌ ଗଢ଼ିଥିଲେ । ଉକ୍ତ ନୂଆ ଟିମରେ  ବଲାଙ୍ଗିର ଜିଲ୍ଲା କଂଗ୍ରେସ ସଭାପତି ଭାବରେ  ସୁରେନ୍ଦ୍ରସିଂ ଭୋଇଙ୍କୁ ଦାୟିତ୍ୱ ଦେଇଥିଲେ । ଦାୟିତ୍ୱ  ନେବାର ମାସେ ନପୁରୁଣୁ ଶ୍ରୀ ସିଂଭୋଇ ଶରତଙ୍କ ହାତ ଛାଡ଼ିଦେବା ନେଇ ଚର୍ଚ୍ଚା ଉଠିଛି।