ନୂଆଦିଲ୍ଲୀ/ଭୁବନେଶ୍ୱର,୦୫/୧୨: ବିବାହ ଋତୁଜନିତ ଚାହିଦା ସୁନାର ଚମକକୁ ଆହୁରି ବଢ଼ାଇଦେଇଛି । ଆଜି ଏହା ୬୪,୦୦୦ ଟଙ୍କା ପାର୍ କରିଯାଇଛି । ଭୁବନେଶ୍ୱରରେ ୧୦ ଗ୍ରାମ ପିଛା ୨୪ କ୍ୟାରେଟ୍ ସୁନା ଦର ୬୪,୨୦୦ ଟଙ୍କା ଛୁଇଁଥିବାବେଳେ ୨୨ କ୍ୟାରେଟ୍ ଦାମ ୫୮,୮୫୦ ଟଙ୍କା ରହିଛି । ସେହିଭଳି କିଲୋଗ୍ରାମ ପିଛା ରୁପା ୮୩,୫୦୦ ଟଙ୍କାରେ ପହଞ୍ଚିଛି ।
ଏଚ୍ଡିଏଫ୍ସି ସିକ୍ୟୁରିଟିଜ୍ର କମୋଡିଟି ଏବଂ କରେନ୍ସି ମୁଖ୍ୟ ଅନୁଜ ଗୁପ୍ତା କହିଛନ୍ତି ଯେ, ବିବାହ ଋତୁ ଆରମ୍ଭ ହୋଇଗଲାଣି । ତେଣୁ ସୁନା ଚାହିଦା ବଡ଼ ଆକାରରେ ବଢ଼ିଛି । ଏହାସହିତ ଚୀନ୍ରେ ଅଜଣା ରୋଗ ଯୋଗୁ ଆଶଙ୍କାରେ ଲୋକେ ସୁନାରେ ନିବେଶ କରିବାକୁ ସୁରକ୍ଷିତ ମଣୁଛନ୍ତି । ଆଗାମୀ ବର୍ଷକ ମଧ୍ୟରେ ୧୦ ଗ୍ରାମ ପିଛା ସୁନା ୬୭ ହଜାର ଟଙ୍କା ପାର୍ କରିପାରେ ।
ବଜାର ବିଶେଷଜ୍ଞଙ୍କ କହିବାନୁସାରେ, ୨୦୨୪ରେ ବିଶ୍ୱରେ ମାନ୍ଦାବସ୍ଥା ଦେଖାଦେବାର ଆଶଙ୍କା ରହିଛି । ଚୀନ୍ରେ ଅଜଣା ରୋଗ ଲୋକଙ୍କୁ ଭୟଭୀତ କରୁଛି । ଏହାସହିତ ବିବାହ ଋତୁ ଜନିତ ଚାହିଦା ବଢ଼ିଛି । ଡଲାର ସୂୂଚକାଙ୍କ ଖସିଛି । ବିଶ୍ୱବ୍ୟାପୀ କେନ୍ଦ୍ରୀୟ ବ୍ୟାଙ୍କଗୁଡ଼ିକ ପ୍ରଚୁର ମାତ୍ରାରେ ସୁନା କିଣୁଛନ୍ତି । ଏସବୁ କାରଣ ଯୋଗୁ ସୁନା ଦରରେ ବୃଦ୍ଧି ଘଟୁଛି ।
Also Read :-
ବିବାହ ପ୍ରତିଶ୍ରୁତି ଦେଇ ଯୁବତୀଙ୍କୁ ଦୁଷ୍କର୍ମ ମାମଲା: ସୌରିନ୍ଙ୍କ ନାଁରେ ଏନ୍ବିଡବ୍ଲୁ ଜାରି