ପ୍ରମୂଖ ଖବର
  • ଟି-ଟ୍ୱେଣ୍ଟି ବିଶ୍ୱକପ୍‌ରେ ସୁପର-୮ ରାଉଣ୍ଡ ଚୂଡ଼ାନ୍ତ, ଅଷ୍ଟ୍ରେଲିଆ, ଆଫଗାନିସ୍ତାନ, ବାଂଲାଦେଶକୁ ଭେଟିବ ଭାରତ
  • ||
  • କନିଷ୍ଠ ଶିକ୍ଷକ ଚୟନ ଅନିୟମିତତା ମାମଲା, ଓସେପା ମେରିଟ୍ ଲିଷ୍ଟ କାଏମ ରଖିଲେ ହାଇକୋର୍ଟ
  • ||
  • ବାଲେଶ୍ୱର: ଆଇନ ଶୃଙ୍ଖଳା ମାନିବା ସହ ଶାନ୍ତି ବଜାୟ ରଖିବାକୁ ଏସପି ସାଗରିକା ନାଥଙ୍କ ଅନୁରୋଧ
  • ||
  • ଭୁବନେଶ୍ୱର: ପଥରବନ୍ଦ ବସ୍ତିରେ ଗୋଷ୍ଠୀ ସଂଘର୍ଷ, ଘଟଣାସ୍ଥଳରେ ପୋଲିସ ମୁତୟନ
  • ||
  • ଜୁନ୍‌ ୨୦ରେ ବାଚସ୍ପତି ନିର୍ବାଚନ, ଖୁବ୍‌ଶୀଘ୍ର କଂଗ୍ରେସ ବିଧାୟକ ଦଳ ନେତା ଘୋଷଣା
  • ||
  • ଅସଲି ପୋଲିସ ହାତରେ ଧରାପଡ଼ିଲା ନକଲି ସିବିଆଇ ପୋଲିସ, ଲୋକଙ୍କଠୁ ଲୁଟୁଥିଲା ଲକ୍ଷାଧିକ ଟଙ୍କା
  • ||
  • ଖୋଲିଲା ସ୍କୁଲ, ଅଧା ଜିଲ୍ଲାରେ ସକାଳୁ କ୍ଲାସ ଆରମ୍ଭ, ୧୧ ଜିଲ୍ଲାରେ ୨୦ ଯାଏ ସ୍କୁଲ ବନ୍ଦ
  • ||
  • ମଙ୍ଗଳବାର, ବୁଧବାର ନବନିର୍ବାଚିତ ବିଧାୟକଙ୍କୁ ଶପଥ ପାଠ କରାଇବେ କାମଚଳା ବାସ୍ପପତି, ୨୦ ନୂଆ ବାଚସ୍ପତି ନିର୍ବାଚନ
  • ||
  • ଅଶାନ୍ତ ବାଲେଶ୍ୱର: ଗୋଷ୍ଠୀ ସଂଘର୍ଷ ପାଇଁ କର୍ଫ୍ୟୁ, ୨୪ ଘଣ୍ଟା ବନ୍ଦ ରହିବ ଦୋକାନ ବଜାର
  • ||
  • ରାଜ୍ୟରେ ୪୨% ନିଅଣ୍ଟିଆ ବର୍ଷା, ୩ ଜିଲ୍ଲାରେ ସ୍ୱାଭାବିକ, ୨୬ ଜିଲ୍ଲାରେ ନିଅଣ୍ଟିଆ: ୪ ଦିନ ଭିତରେ ମୌସୁମୀ ଅଗ୍ରସର ହେବ
  • ||

ଅଲଗା ହେଲେ ଗୁଗୁଲ୍‌ର ସହ-ପ୍ରତିଷ୍ଠାତା ସର୍ଜି ବ୍ରିନ୍‌ ଓ ପତ୍ନୀ ନିକୋଲ୍‌ ଶାନାହନ୍‌, ଏଲନ୍‌ ମସ୍କ ହେଲେ କାରଣ

ନୂଆଦିଲ୍ଲୀ ୧୭/୦୯: ଅଲଗା ହୋଇଯାଇଛନ୍ତି ଗୁଗୁଲ୍‌ର ସହ-ପ୍ରତିଷ୍ଠାତା ସର୍ଜି ବ୍ରିନ୍‌ ଏବଂ ପତ୍ନୀ ନିକୋଲ୍‌ ଶାନାହନ୍‌ । ଟେସ୍‌ଲା ମୁଖ୍ୟ ଏଲନ୍‌ ମସ୍କଙ୍କ ସହ ନିକୋଲ୍‌ଙ୍କ ସମ୍ପର୍କ ଯୋଗୁ ଉଭୟଙ୍କ ମଧ୍ୟରେ ଛାଡ଼ପତ୍ର ହୋଇଥିବା ୱାଲ୍‌ ଷ୍ଟ୍ରିଟ୍‌ ଜର୍ଣ୍ଣାଲ ପକ୍ଷରୁ ପ୍ରକାଶିତ ଏକ ରିପୋର୍ଟରୁ ଜଣାପଡ଼ିଛି । ଚଳିତବର୍ଷ ମେ’ ୨୬ରେ ଉଭୟଙ୍କ ଛାଡ଼ପତ୍ରରେ ବିଚାରପତି ମୋହର ଲଗାଇଛନ୍ତି । ସୂଚନାଯୋଗ୍ୟ, ସର୍ଜି ବ୍ରିନ୍‌ ଗତ ବର୍ଷ ଜାନୁଆରୀରେ ଛାଡ଼ପତ୍ର ଆବେଦନ କରିଥିଲେ । ରିପୋର୍ଟ ଅନୁସାରେ, ୩ ବର୍ଷର ବିବାହ ସମ୍ପର୍କରେ ଫାଟ ଆସିବାର ପ୍ରମୁଖ କାରଣ ଟେସ୍‌ଲା ମୁଖ୍ୟ ଏଲନ୍‌ ମସ୍କ । ମସ୍କଙ୍କ ସହ ପତ୍ନୀ ନିକୋଲ୍‌ଙ୍କ ସମ୍ପର୍କ ଯୋଗୁ ପତିପତ୍ନୀଙ୍କ ମଧ୍ୟରେ ବିବାଦ ଦେଖାଦେଇଥିଲା ବୋଲି ଏକ ସୂତ୍ରରୁ ଜଣାପଡ଼ିଛି ।

ପ୍ରକାଶଯୋଗ୍ୟ, ମସ୍କଙ୍କ ସହ ଗୁଗୁଲ ପ୍ରତିଷ୍ଠାତା ସର୍ଜି ବ୍ରିନ୍‌ଙ୍କର ବର୍ଷ ବର୍ଷ ଧରି ବନ୍ଧୁତା ରହିଥିଲା । ଯେତେବେଳେ ମସ୍କଙ୍କ କମ୍ପାନି ଟେସ୍‌ଲା ସଂକଟରେ ଥିଲା ଉକ୍ତ ସମୟରେ ବ୍ରିନ୍‌ ଏବଂ ଗୁଗୁଲ୍‌ର ଅନ୍ୟତମ ସହ-ପ୍ରତିଷ୍ଠାତା ଲ୍ୟାରି ପେଜ୍‌ ତାଙ୍କ କମ୍ପାନିରେ ନିବେଶ କରିଥିଲେ । ୨୦୧୮ ନଭେମ୍ବର ୧୧ରେ ସର୍ଜି ବ୍ରିନ୍‌ ନିକୋଲ୍‌ଙ୍କୁ ବିବାହ କରିଥିଲେ । ବିବାହର ଦୁଇ ସପ୍ତାହ ପରେ ଉଭୟ କନ୍ୟା ସନ୍ତାନର ମାତାପିତା ହୋଇଥିଲେ । ରିପୋର୍ଟ ଅନୁସାରେ, ୪ ବର୍ଷର କନ୍ୟା ସନ୍ତାନର କଷ୍ଟଡି ପାଇଁ ଏବେ ଉଭୟ ମାମଲା ଲଢ଼ିବେ ।

ନିକୋଲ୍‌ ପେସାରେ ଜଣେ ଓକିଲ । ସେ ନନ୍‌-ପ୍ରଫିଟ୍‌ ଅର୍ଗାନାଇଜେଶନ୍‌ ବାୟା-ଇକୋ ଫାଉଣ୍ଡେସନ୍‌ର ପ୍ରତିଷ୍ଠାତା । ୨୦୨୧ରୁ ମସ୍କଙ୍କ ସହ ନିକୋଲଙ୍କ ସମ୍ପର୍କ ରହିଥିବା କୁହାଯାଇଛି । ତେବେ ମସ୍କ ବ୍ରିନ୍‌ଙ୍କ ପୂର୍ବ ପତ୍ନୀ ନିକୋଲ୍‌ଙ୍କ ସହ ସମ୍ପର୍କକୁ ପ୍ରତ୍ୟାଖ୍ୟାନ କରିଛନ୍ତି । ଏହା ସମ୍ପୂର୍ଣ୍ଣ ରୂପେ ଗୁଜବ ବୋଲି ସେ ନିଜ ‘ଏକ୍ସ’(ଟୁଇଟର)ଆକାଉଣ୍ଟରେ ଲେଖିଛନ୍ତି । ମସ୍କ ଜୁଲାଇରେ ନିଜ ଟୁଇଟର ପୋଷ୍ଟରେ ଲେଖିଥିଲେ ଯେ, ଏହା ଏକ ଗୁଜବ । ଏଥିରେ କୌଣସି ସତ୍ୟତା ନାହିଁ । ସର୍ଜି ଏବଂ ମୁଁ ବନ୍ଧୁ ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.