ପ୍ରମୁଖ ଖବର
  • WPL-2024: ଦିଲ୍ଲୀ କ୍ୟାପିଟାଲ୍ସର ଦମଦାର ପ୍ରଦର୍ଶନ, ଗୁଜରାଟକୁ ୨୫ରନ୍‌ରେ ହରାଇଲା
  • ||
  • କଳାହାଣ୍ଡିରେ ଇନ୍ଦ୍ରାବତୀ ଦକ୍ଷିଣ କେନାଲରେ ୨୦ ଫୁଟ୍‌ର ଘାଇ, ଦେପୁରରେ କୃତ୍ରିମ ବନ୍ୟା
  • ||
  • ରାଜ୍ୟରେ ବଦଳିବ ପାଣିପାଗ ମିଜାଜ: ଆଜିଠୁ କମିବ ତାତି, ୭ ଜିଲ୍ଲାରେ ବର୍ଷା ସମ୍ଭାବନା
  • ||

ସୁନାବେଡ଼ା ଅଭୟାରଣ୍ୟରେ ସିଆରପିଏଫ୍- ମାଓବାଦୀଙ୍କ ମଧ୍ୟରେ ଗୁଳି ବିନିମୟ, ଛତ୍ରଭଙ୍ଗ ଦେଲେ ମାଓବାଦୀ

ନୂଆପଡ଼ା, ୯।୨ : ନୂଆପଡ଼ା ଜିଲ୍ଲା କୋମନା ଥାନା ସୁନାବେଡ଼ା ଅଭୟାରଣ୍ୟ ତଳି ବରକୋଟ ଘାଟି ନିକଟରେ ସିଆରପିଏଫ ଓ ମାଓବାଦୀଙ୍କ ମଧ୍ୟରେ ଗୁଳି ବିନିମୟ ହୋଇଛି। ତେବେ ଯବାନଙ୍କୁ ସାମ୍ନା କରିନପାରି ମାଓବାଦୀମାନେ ଛତ୍ରଭଙ୍ଗ ଦେଇଛନ୍ତି । ଏବେ ସର୍ଚ୍ଚ ଅପରେସନ ଜାରି ରହିଛି।

ସୂଚନାନୁଯାୟୀ, ଗୁରୁବାର ରାତିରେ ସିଆରପିଏଫ-୨୧୬ ବାଟଲିୟନ ବରକୋଟ କ୍ୟାମ୍ପର ଯବାନମାନେ ସୁନାବେଡା ଅଭୟାରଣ୍ୟ ଭିତରକୁ କମ୍ବିଂ ଅପରେସନରେ ଯାଇଥିଲେ । ଶୁକ୍ରବାର ଭୋର ସକାଳୁ ସିଆରପିଏଫ ଯବାନମାନେ ଅପରେସନ ସାରି ବରକୋଟ କ୍ୟାମ୍ପକୁ ଫେରିବା ବେଳେ ବରକୋଟ ଓ ଚେରେଚୁଆଁ ମଧ୍ୟସ୍ଥ ଘାଟିର ଡାହାଣ ପାର୍ଶ୍ଵରେ ମାଓବାଦୀଙ୍କ ସହ ମୁହାଁମୁହିଁ ହୋଇଥିଲେ। ପ୍ରଥମେ ମାଓବାଦୀମାନେ ୫ ରାଉଣ୍ଡ ଗୁଳି ଚାଳନା କରିଥିଲେ । ଯବାନମାନେ ଏହାର ପାଲଟା ଜବାବ ଦେଇ ଗୁଳି ଚାଳନା କରିଥିଲେ। ଶେଷରେ ମାଓବାଦୀମାନେ ଯବାନଙ୍କ ଗୁଳିକୁ ସାମ୍ନା କରିନପାରି ଛତ୍ରଭଙ୍ଗ ଦେଇଥିଲେ । ଏବେ ଘଟଣାସ୍ଥଳରେ ସର୍ଚ୍ଚ ଅପରେଶନ ଜାରି ରହିଛି। ବରକୋଟ ସିଆରପିଏଫ କ୍ୟାମ୍ପ ଠାରୁ ପ୍ରାୟ ଅଢେଇ କିମି ଦୂର ଓ ବରକୋଟ ଗାଁ ମୁଣ୍ଡରେ ମାଓବାଦୀମାନେ ସକ୍ରିୟ ରହିବା ସହ ଯବାନଙ୍କ ଉପରେ ଗୁଳି ଚାଳନା କରିବା ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ଏବେ ସୁନାବେଡା ଅଭୟାରଣ୍ୟ ତଳି ଅଞ୍ଚଳରେ ମାଓ ଭୟ ଖେଳି ଯାଇଛି ।

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.