ବାରାଣାସୀ : ଜ୍ଞାନବ୍ୟାପୀ ପରିସରରେ ସର୍ଭେ କରୁଥିବା ଏଏସଆଇ ଶନିବାର କୋର୍ଟରେ ପହଞ୍ଚିଛି। ସର୍ଭେ ରିପୋର୍ଟ ପ୍ରଦାନକୁ ନେଇ ଏଏସଆଇ କୋର୍ଟରୁ ଆଉ ୮ ସପ୍ତାହର ସମୟ ମାଗିଛନ୍ତି, ଆଉ ସେପର୍ଯ୍ୟନ୍ତ ସର୍ଭେ ଜାରି ରଖିବା କଥା କହିଛି। ଏଏସଆଇର ଅଧିବକ୍ତାଙ୍କ ପକ୍ଷରୁ ଶନିବାର ଜିଲ୍ଲା ଜଜ୍ ଡା. ଅଜୟ କୃଷ୍ଣ ବିଶ୍ୱେଶଙ୍କର କୋର୍ଟରେ ଏହି ସମ୍ୱନ୍ଧରେ ଏକ ପ୍ରାର୍ଥନା ପତ୍ର ଦିଆଯାଇଛି। କୋର୍ଟ ଖାଲି ହେବା ଯୋଗୁଁ ମାମଲାର ଶୁଣାଣି ଏଡିଜେ ପ୍ରଥମଙ୍କ କୋର୍ଟରେ ହୋଇଛି। କୋର୍ଟ ଉଭୟ ପକ୍ଷଙ୍କୁ ଶୁଣିବା ପରେ ଆଦେଶକୁ ସୁରକ୍ଷିତ ରଖି ଥିଲେ। ଏହି ସମୟରେ କୋର୍ଟ ଆଦେଶ ଦେଇଛନ୍ତି କି, ଜିଲ୍ଲା ଜଜ୍ ଯେଉଁ ଦିନ ବସୁଛି , ସେହିଦିନ ତାଙ୍କ ସମ୍ମୁଖରେ ପତ୍ରାବଳୀ ଉପସ୍ଥାପିତ କରାଯାଉ। ଏଏସଆଇର ପ୍ରାର୍ଥନା ପତ୍ରରେ ୮ ସେପ୍ଟେମ୍ୱରରେ କୋର୍ଟ ପୁଣି ଥରେ ଶୁଣାଣି କରିବ। ସେପର୍ଯ୍ୟନ୍ତ ଏଏସଆଇ ପକ୍ଷରୁ ସର୍ଭେକ୍ଷଣ ଜାରି ରହିବ ।
ଜ୍ଞାନବ୍ୟାପୀର ଏଏସଆଇ ସର୍ଭେର ମିଡ଼ିଆ କଭରେଜ ଉପରେ ରୋକ୍ , ବାରଣାସୀ କୋର୍ଟଙ୍କ ଆସିଲା ଆଦେଶ
ଆଜି ଏଏସଆଇକୁ ଦେବାର ଥିଲା ସର୍ଭେ ରିପୋର୍ଟ –
ଜ୍ଞାନବ୍ୟାପୀ କେସ୍ରେ ଏଏସଆଇକୁ ଶନିବାର ସର୍ଭେର ରିପୋର୍ଟ କୋର୍ଟରେ ପ୍ରଦାନ କରିବାର ଥିଲା , କିନ୍ତୁ ଏମିତି ହୋଇ ପାରିନାହିଁ । କୋର୍ଟ ଗତ ୪ଅଗଷ୍ଟରେ ସର୍ଭେର ଆଦେଶ ଦେଇଥିଲେ। ଏଏସଆଇ ଠାରୁ ୨ ସେପ୍ଟେମ୍ୱର ସୁଦ୍ଧା ସର୍ଭେ ରିପୋର୍ଟ ମାଗିଥିଲେ। ପ୍ରଥମେ ହିଁ ସମ୍ଭାବନା କରାଯାଉଥିଲା କି ଶୁଣାଣି ବେଳେ ଏଏସଆଇ ପକ୍ଷରୁ ସର୍ଭେର ସମୟ ବଢାଇବାକୁ ଏକ ପ୍ରାର୍ଥନାପତ୍ରର ଦାଖଲ କରାଯାଇ ପାରେ ଏବଂ ଏମିତି ବି ହେଲା ।
କୋର୍ଟ ଦେଇଥିଲେ ଏଏସଆଇକୁ ସର୍ଭେ ଆଦେଶ –
ଜିଲ୍ଲା ଜଜ୍ ୪ ହିନ୍ଦୁ ମହିଳାଙ୍କ ଆବେଦନର ୨୧ ଜୁଲାଇରେ ଜ୍ଞାନବ୍ୟାପୀ ପରିସରର ବୈଜ୍ଞାନିକ ସର୍ବେକ୍ଷଣର ଆଦେଶ ଏଏସଆଇକୁ ଦେଇଥିଲେ । ଏଏସଆଇ ଠାରୁ ୪ ଅଗଷ୍ଟ ସୁଦ୍ଧା ରିପୋର୍ଟ ଦେବାକୁ କହିଥିଲେ । ଏଏସଆଇ ୨୪ ଜୁଲାଇରେ ସାଢେ ଚାରି ଘଣ୍ଟାରୁ ଅଧିକ ସମୟ ଯାଏ ସର୍ବେକ୍ଷଣ କରିଥିଲେ । ସେହି ଦିନ ଅଞ୍ଜୁମନ ଇନ୍ତେଜାମିଆ ମସାଜିଦ କମିଟିର ଜରୁରୀ ଆବେଦନରେ ସୁପ୍ରିମକୋର୍ଟ ୨୬ ଜୁଲାଇ ସୁଦ୍ଧା ସର୍ଭେକ୍ଷଣ ଉପରେ ରୋକ୍ ଲଗେଇ ଥିଲେ। କମିଟିକୁ ଆଲ୍ଲାହବାଦ ହାଇକୋର୍ଟଙ୍କ ଦ୍ୱାରସ୍ଥ ହେବାକୁ କହିଥିଲେ । କମିଟି ୨୫ ଜୁଲାଇରେ ହାଇକୋର୍ଟ ଶରଣ ନେଇଥିଲା । ହାଇକୋର୍ଟ ଶୁଣାଣି ଆରମ୍ଭ କରି ସର୍ଭେକ୍ଷଣ ଉପରେ ରୋକ୍ ଲଗେଇ ଦେଇଥିଲେ । ୩ଦିନର ଶୁଣାଣି ପରେ ହାଇକୋର୍ଟ ୩ ଅଗଷ୍ଟରେ ନିଜର ନିଷ୍ପତ୍ତିରେ ସର୍ଭେ ଜାରି ରଖିବାକୁ ଆଦେଶ ଦେଇଥିଲେ । ଅଞ୍ଜୁମନ ସମିତି ସୁପ୍ରିମକୋର୍ଟରେ ନିଷ୍ପତ୍ତିକୁ ପୁଣି ଚ୍ୟାଲେଞ୍ଜ ଦେଇଥିଲେ , ହେଲେ ଉଚ୍ଚ ଅଦାଲତ ସର୍ଭେକ୍ଷଣ ଉପରେ ରୋକ୍ ଲଗେଇବାକୁ ମନା କରିଦେଇ ଥିଲେ ।
ଜ୍ଞାନବାପି ମସଜିଦ ମାମଲା:ମୁସଲିମ୍ ପକ୍ଷକୁ ଝଟକା,ଏଏସ୍ଆଇ ସର୍ଭେକୁ ହାଇକୋର୍ଟଙ୍କ ସବୁଜ ସଙ୍କେତ
