ପ୍ରମୁଖ ଖବର
  • ଭୁବନେଶ୍ବର : ରାଜ୍ୟର ଉର୍ଦ୍ଦୁ ଶିକ୍ଷକଙ୍କ ମାସିକ ପାରିଶ୍ରମିକ ୭,୪୦୦ ରୁ ୧୫,୦୦୦ ଟଙ୍କାକୁ ବୃଦ୍ଧି
  • ||
  • ଭଦ୍ରକ : ସାଲାଇନ ନଦେବାରୁ ଫାର୍ମାସିଷ୍ଟଙ୍କୁ ନିସ୍ତୁକ ମାଡ଼, ଜଣେ ଅଟକ
  • ||
  • ବଲାଙ୍ଗୀର : ଭିଜିଲାନ୍ସ ଜାଲରେ ଆଗଲପୁର ଅମିନ, ଲାଞ୍ଚ ନେବା ବେଳେ ଧରାପଡ଼ିଲେ
  • ||
  • ଦ୍ୱାରାଶୁଣି ଘାଟିରେ ଖସିଲା ପିଆଜ ବୋଝଇ ଟ୍ରକ,ଅଳ୍ପକେ ବର୍ତ୍ତିଲେ ଡ୍ରାଇଭର
  • ||
  • କଟକ: ଶେଷ ହେଲା ଚଳିତ ବର୍ଷର ମାଟ୍ରିକ୍ ପରୀକ୍ଷା, ଏବେ ରେଜଲ୍ଟକୁ ଅପେକ୍ଷା
  • ||
  • ବିଜେପିରେ ମିଶିଲେ ପୂର୍ବତନ ବିଧାୟକ ନବୀନ, ଓ ଶତାଧିକ ବିଜେଡି ଓ କଂଗ୍ରେସ କର୍ମୀ
  • ||
  • କଟକ-ବାରବାଟୀ ନିର୍ବାଚନୀ ଅନିୟମିତତା ମାମଲା, ମହମ୍ମଦ ମୋକିମଙ୍କ ନିର୍ବାଚନକୁ ଅସିଦ୍ଧ ଘୋଷଣା କଲେ ହାଇକୋର୍ଟ
  • ||
  • ଯାନ୍ତ୍ରିକ ତ୍ରୁଟି ଯୋଗୁଁ ଚିଲିକାରେ ପୁଣି ଫସିଲା ଯାତ୍ରୀବାହୀ ଡଙ୍ଗା, ଦୀର୍ଘ ଏକଘଣ୍ଟା ପରେ ଉଦ୍ଧାର ହେଲେ ୩୦ ଯାତ୍ରୀ
  • ||
  • ମଙ୍ଗଳବାର ଓଡ଼ିଶା ଆସିବେ ପ୍ରଧାନମନ୍ତ୍ରୀ, ରାଜ୍ୟବାସୀଙ୍କୁ ଦେବେ ୧୯,୬୦୦ କୋଟିର ପ୍ରକଳ୍ପ ଭେଟି
  • ||
  • ପୁଲିସକୁ ଢେଲାମାରି ହତ୍ୟା ଉଦ୍ୟମ ଅଭିଯୋଗ: ଦୁର୍ଦ୍ଦାନ୍ତ ପାକା ଗିରଫ, ଭାଇ ଫେରାର
  • ||
  • ଆଜି ସରିବ ମାଟ୍ରିକ୍‌ ପରୀକ୍ଷା: ଭାଇରାଲ୍‌ ଓ ଲିକ୍‌ ଗୁଜବର ଘଟୁନି ଅନ୍ତ, କ୍ରାଇମ୍‌ବ୍ରାଞ୍ଚ୍‌ରେ ବୋର୍ଡ ଏତଲାର ଫଳ ଶୂନ୍ୟ
  • ||
  • WPL-2024: ଦିଲ୍ଲୀ କ୍ୟାପିଟାଲ୍ସର ଦମଦାର ପ୍ରଦର୍ଶନ, ଗୁଜରାଟକୁ ୨୫ରନ୍‌ରେ ହରାଇଲା
  • ||
  • କଳାହାଣ୍ଡିରେ ଇନ୍ଦ୍ରାବତୀ ଦକ୍ଷିଣ କେନାଲରେ ୨୦ ଫୁଟ୍‌ର ଘାଇ, ଦେପୁରରେ କୃତ୍ରିମ ବନ୍ୟା
  • ||
  • ରାଜ୍ୟରେ ବଦଳିବ ପାଣିପାଗ ମିଜାଜ: ଆଜିଠୁ କମିବ ତାତି, ୭ ଜିଲ୍ଲାରେ ବର୍ଷା ସମ୍ଭାବନା
  • ||

‘ଆସ ଦେଖିଯିବ ଆମ ଦୁର୍ଦ୍ଦଶା’: ଇସ୍ରାଏଲ ଗସ୍ତ କରିବା ପରେ ଗାଜାକୁ ଯିବାକୁ ଏଲନ ମସ୍କଙ୍କୁ ଆମନ୍ତ୍ରଣ କଲା ହମାସ

Image Courtesy: businesstoday

 ନୂଆଦିଲ୍ଲୀ: ଯୁଦ୍ଧ ମଧ୍ୟରେ ଇସ୍ରାଏଲ ଗସ୍ତ କରିଥିବା ବିଶ୍ବର ସବୁଠାରୁ ଧନୀ ବ୍ୟକ୍ତି ଏଲନ ମସ୍କଙ୍କୁ ହମାସ ମଧ୍ୟ ନିମନ୍ତ୍ରଣ ପଠାଇଛି । ହମାସର ଜଣେ ବରିଷ୍ଠ ନେତା ଏଲନ ମସ୍କଙ୍କୁ ଗାଜା ଆସିବାକୁ ଆମନ୍ତ୍ରଣ କରିଥିବା ଜଣାପଡ଼ିଛି । ଇସ୍ରାଏଲ ଆକ୍ରମଣରେ ଗାଜା ପଟ୍ଟିର ଅବସ୍ଥା କିଭଳି ହୋଇଛି ତାହା ଦେଖାଇବାକୁ ମସ୍କଙ୍କୁ ଡାକିଛନ୍ତି ବୋଲି କହିଛନ୍ତି ହମାସ ନେତା ଓସାମା ହମଦାନ । ଗାଜାରେ ଇସ୍ରାଏଲ କିଭଳି ନରସଂହାର କରିଛି ଏବଂ ଧ୍ବଂସର ତାଣ୍ଡବ ରଚିଛି ତାହା ଆସି ଦେଖିଯିବାକୁ ଏଲନ ମସ୍କଙ୍କୁ ନିମନ୍ତ୍ରଣ କରିଛୁ ବୋଲି ସେ କହିଛନ୍ତି । 

ସୋମବାର ଦିନ ଇହୁଦୀ ବିରୋଧୀ ପୋଷ୍ଟକୁ ସମର୍ଥନ କରି ସମାଲୋଚନାର ଶିକାର ହୋଇଥିବା ମିଡିଆ ମୋଗଲ ଏଲନ ମସ୍କ ହମାସ ଆକ୍ରମଣ କରିଥିବା ସ୍ଥାନକୁ ଗସ୍ତ କରିଛନ୍ତି । ଏହା ସହ ପ୍ରସାର ହେଉଥିବା ଘୃଣାକୁ କମ୍‌ କରିବା ଲାଗି ଯାହା ଦରକାର ସେ କରିବେ ବୋଲି ପ୍ରତିଶ୍ରୁତି ଦେଇଛନ୍ତି । ସେପଟେ ଇସ୍ରାଏଲ ଏବଂ ହମାସ ମଧ୍ୟରେ ଆଉ ୨ ଦିନ ଅସ୍ତ୍ରବିରତି ବଢ଼ିବା ପରେ ହମଦାନଙ୍କ ଏହି ମନ୍ତବ୍ୟ ସାମ୍ନାକୁ ଆସିଛି ।

ଏହା ସହ ସେ ଆହୁରି କହିଛନ୍ତି ଯେ, ୫୦ ଦିନ ଭିତରେ ଗାଜା ଉପରେ ୪୦ ହଜାର ଟନରୁ ଅଧିକ ବିସ୍ଫୋଟକ ପକାଇସାରିଲାଣି ଇସ୍ରାଏଲ । ତେଣୁ ଆମେରିକା ରାଷ୍ଟ୍ରପତି ଜୋ ବାଇଡେନଙ୍କୁ ଇସ୍ରାଏଲ ସହ ଥିବା ସଂପର୍କର ସମୀକ୍ଷା କରିବାକୁ କହିବା ସହ ଯୁଦ୍ଧାସ୍ତ୍ର ଯୋଗାଣ ବନ୍ଦ କରିବାକୁ ଅପିଲ କରିଛି ବୋଲି ହମଦାନ କହିଛନ୍ତି । 

ଅନ୍ୟପଟେ ଗାଜାରେ ଧ୍ବଂସାବଶେଷ ତଳେ ଏବେ ବି ଚାପି ରହିଥିବା ଲୋକମାନଙ୍କୁ ବାହାର କରିବା ଲାଗି ସ୍ବତନ୍ତ୍ର ସୈନିକଙ୍କୁ ପଠାଇବା ଲାଗି ସେ ବିଶ୍ବ ସମୂହଙ୍କୁ ଅନୁରୋଧ କରିଛନ୍ତି । ପାଲେଷ୍ଟାଇନର ବୈଦେଶିକ ମନ୍ତ୍ରାଳୟ ଅନୁସାରେ, ଏବେ ଭଗ୍ନାବଶେଷ ତଳେ ହଜାର ହଜାର ଲୋକ ଚାପି ହୋଇ ରହିଛନ୍ତି ।

୭ ସପ୍ତାହ ପରେ ପ୍ରଥମ ଥର ପାଇଁ ୪ ଦିନ ଲାଗି ଅସ୍ତବିରତି ନେଇ ସହମତି ହୋଇଥିଲା । ଏବଂ ପରେ ଏହି ଡିଲକୁ ଆଉ ଦୁଇ ଦିନ ବଢ଼ାଇ ଦିଆଯାଇଛି। ଅକ୍ଟୋବର ୭ରେ ହମାସ ଆତଙ୍କବାଦୀ ଇସ୍ରାଏଲ ଉପରେ ଆକ୍ରମଣ କରି ଏହାର ୧୨୦୦ ଲୋକଙ୍କୁ ମାରିବା ସହ ୨୪୦ ଜଣଙ୍କୁ ବନ୍ଧକ ବନାଇଥିଲେ । ସେପଟେ ପ୍ରତିଆକ୍ରମଣ କରି ପ୍ରାୟ ୧୬ ହଜାର ପାଲେଷ୍ଟାଇନ୍‌ ଲୋକଙ୍କୁ ମାରିସାରିଛି ଇସ୍ରାଏଲ । ଏନେଇ ପାଲେଷ୍ଟାଇନ୍‌ର ସ୍ବାସ୍ଥ୍ୟ ମନ୍ତ୍ରାଳୟ ପକ୍ଷରୁ ସୂଚନା ଦିଆଯାଇଛି।  ତେବେ ୬ ଦିନର ଏହି ଅସ୍ତ୍ରବିରତିରେ ଉଭୟ ଇସ୍ରାଏଲ ଏବଂ ହମାସ ବନ୍ଦୀମାନଙ୍କୁ ମୁକ୍ତ କରିଛନ୍ତି । ଏହା ସହ ଗାଜାକୁ ମାନବୀୟ ସହାୟତା ପଠାଯାଉଛି । 

  • Elon Musk
  • Israel Hamas war
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.