ନୂଆଦିଲ୍ଲୀ ୧୭/୦୯: ଅଷ୍ଟ୍ରେଲିଆର ତାସ୍‌ମାନିୟାରେ ଏକ ବିଚିତ୍ର ମାଛ ଠାବ କରାଯାଇଛି । ଏହା ଏକ ହ୍ୟାଣ୍ଡଫିଶ୍‌ । ଚାଲିବା ପାଇଁ ଏହା ନିଜ ହାତ ବ୍ୟବହାର କରେ । କୁହାଯାଏ, ଏହି ପ୍ରଜାତି ଲୋପ ପାଇସାରିଛି । ପ୍ରାୟ ୨୦ ବର୍ଷ ତଳେ ଏହାକୁ ଦେଖାଯାଇଥଲା । କମନ୍‌ୱେଲ୍‌ଥ ସାଇଣ୍ଟିଫିକ୍‌ ଓ ଇଣ୍ଡଷ୍ଟ୍ରିଆଲ୍‌ ରିସର୍ଚ୍ଚ ଅର୍ଗାନାଇଜେସନ୍‌ (ସିଏସ୍‌ଆଇଆର୍‌ଓ) ଏହି ଲୁପ୍ତପ୍ରାୟ ମାଛର ଏକ ଭିଡିଓ ଟ୍ୱିଟ୍‌ କରିଛି, ଯାହାକୁ ଦେଖି ୟୁଜର୍‌ ଅଦ୍ଭୁତ ବୋଲି କହୁଛନ୍ତି । 

Spotted: a handfish! 👀

Last weekend, a runner found a critically endangered spotted handfish (Brachionichthys hirsutus) in Tasmania. Unfortunately the fish was dead, but it's exciting evidence of life of a population we'd thought was locally extinct since 2005. pic.twitter.com/UzYHVZeTcO

— CSIRO (@CSIRO) September 10, 2023

କେରି ୟାରେ ନାମ୍ନୀ ଜଣେ ମହିଳା ଏହି ମାଛ ଚିହ୍ନଟ କରିଛନ୍ତି । ପ୍ରିମ୍‌ରୋଜ ସ୍ୟାଣ୍ଡ୍‌ସ ଟାଉନ୍‌ ସ୍ଥିତ ସମୁଦ୍ର ତଟରେ ବାଲିର ଗୋଟିଏ ପରସ୍ତ ତଳେ ଛୋଟ ଛୋଟ ହାତ ସାହାଯ୍ୟରେ ଏହା ଚାଲୁଥିବା ନଜର ଆସିଥିଲା । ପଙ୍ଖ ବଦଳରେ ହାତରେ ଚାଲୁଥିବା ଏହି ମାଛକୁ ଦେଖି ସେ ଚକିତ ହୋଇଥିଲେ । ବିଶ୍ୱରେ ମାତ୍ର ୨ ହଜାର ହ୍ୟାଣ୍ଡ୍‌ଫିଶ୍‌ ପ୍ରଜାତି ବଞ୍ଚିଥିଲେ ବୋଲି ସିଏସ୍‌ଆଇଆର୍‌ଓର କାର୍ଲି ଡିଭାଇନ୍‌ କହିଛନ୍ତି । ପ୍ରାଇମ୍‌ରୋଜ୍‌ ସ୍ୟାଣ୍ଡ୍‌ସରେ ଏହି ଚିହ୍ନଯୁକ୍ତ ହ୍ୟାଣ୍ଡ୍‌ଫିଶ୍‌ ଲୋପ ପାଇଯାଇଛନ୍ତି ବୋଲି ସେମାନେ ଅନୁମାନ କରୁଥିଲେ । କିଛି ବର୍ଷ ତଳେ ସେମାନେ ଏହାକୁ ଖୋଜିବାକୁ ଖୁବ୍‌ ଚେଷ୍ଟା କରିଥିଲେ । କିନ୍ତୁ ସଦ୍ୟ ଆବିଷ୍କାର ପରେ ଏହି ପ୍ରଜାତିର ଅନ୍ୱେଷଣର ପୁଣି ମାର୍ଗ ଖୋଲିଛି ବୋଲି କାର୍ଲି କହିଛନ୍ତି।