ନୂଆଦିଲ୍ଲୀ,୦୧/୦୩: ବିସିସିଆଇର  କଠୋର କାର୍ଯ୍ୟାନୁଷ୍ଠାନ ପରେ କେନ୍ଦ୍ରୀୟ ଚୁକ୍ତିରେ ଥିବା ଖେଳାଳିଙ୍କ ମଧ୍ୟରେ ଭୟ ସଂଚାର ହୋଇଛି । ଗତ ଦିନିକିଆ ବିଶ୍ୱକପ୍‌ ଅଧାରୁ ହାର୍ଦ୍ଦିକ ପାଣ୍ଡ୍ୟା ଅନ୍ତର୍ଜାତୀୟ କ୍ରିକେଟ୍‌କୁ ଫେରି  ନାହାନ୍ତି । ତେବେ ସେ ଇତିମଧ୍ୟରେ ସୁସ୍ଥ ହୋଇ ଖେଳିବା ଆରମ୍ଭ କଲେଣି । ବିସିସିଆଇ ତାଙ୍କୁ କେନ୍ଦ୍ରୀୟ ଚୁକ୍ତିରେ ସ୍ଥାନ ଦେଇଛି ।

 ଏହାର  ଅର୍ଥ ହେଉଛି, ସେ ଅନ୍ତର୍ଜାତୀୟ ମ୍ୟାଚ୍‌ ଖେଳୁ  ନଥିଲେ ଘରୋଇ କ୍ରିକେଟ୍‌ ଖେଳିବା ଆବଶ୍ୟକ । ଇଣ୍ଡିଆନ ଏକ୍ସପ୍ରେସର ରିପୋର୍ଟ ଅନୁସାରେ,  ପାଣ୍ଡ୍ୟା ବିସିସିଆଇକୁ ପ୍ରତିଶ୍ରୁତି ଦେଇ କହିଛନ୍ତି  ଯେ ଯଦି ଅନ୍ତର୍ଜାତୀୟ ମ୍ୟାଚ୍‌ ନଥାଏ ତେବେ  ଘରୋଇ ଦିନିକିଆ କ୍ରିକେଟ୍‌ ଖେଳିବି ।’  ଆୟର ଓ କିଷନଙ୍କ ଉପରେ କାର୍ଯ୍ୟାନୁଷ୍ଠାନ  ହେବା ପରେ ଇରର୍ଫାନ ପଠାନ ଅଲରାଉଣ୍ଡର  ପାଣ୍ଡ୍ୟାଙ୍କ ଉପରକୁ ଅଙ୍ଗୁଳି ନିର୍ଦ୍ଦେଶ କରିଛନ୍ତି ।