ଭୁବନେଶ୍ୱର, ୯।୦୨: ମିଠା ଅଧିକ ଖାଇବାକୁ ସମସ୍ତେ ମନା କରନ୍ତି । ମିଠା ଅଧିକ ଖାଇବା ଦ୍ୱାରା ଅଧିକ ସ୍ୱାସ୍ଥ୍ୟ ସମସ୍ୟା ଦେଖାଯିବାର ସମ୍ଭାବନା ରହିଛି । ସେହିପରି ମିଠାଠାରୁ ଦୂରରେ ରହିଲେ ଆମର ଅନେକ ପ୍ରକାର ଫାଇଦା ହୋଇଥାଏ । ଆସନ୍ତୁ, ଜାଣିବା ସେ ସବୁ ଫାଇଦା ବିଷୟରେ । 

ଓଜନ ହ୍ରାସ : 

ଅଧିକ ଚିନି ଖାଇଲେ ଏହାର ସିଧା ପ୍ରଭାବ ଆମ ଓଜନ ଉପରେ ପଡ଼ିଥାଏ । କମ୍ ଚିନି ଖାଇଲେ ଏହା ଓଜନ ହ୍ରାସ ହେବାରେ ସହାୟ ହୋଇଥାଏ । ତେଣୁ ଯଦି ଆପଣ ସୁଗାର ଫ୍ରି ଡାଏଟ୍ ଖାଉଛନ୍ତି, ତେବେ ଆପଣ ମେଦ ବହୁଳତାରୁ ବହୁତ ଦୂରରେ ରହିବେ । 

ହାଇ ଏନର୍ଜି ଲେବଲ :

ଅଧିକ ମିଠା ଖାଇଲେ ଏନର୍ଜି ଲେବଲ୍ ଅଧିକ ରହିଥାଏ ହେଲେ, ଏହା ଖୁବ୍ ଶ୍ରୀଘ୍ର ଆପଣଙ୍କୁ ଥକ୍କାପଣ ଅନୁଭବ କରାଏ । ତେଣୁ ଏକ ନିର୍ଦ୍ଧାରିତ ଏନର୍ଜି ଲେବଲ ପାଇଁ ସୁଗାର ଫ୍ରି ଡାଏଟ୍ ଫଲୋ କରନ୍ତୁ । ଏହା ଆପଣଙ୍କୁ ଦିନସାରା ଏନର୍ଜେଟିକ୍ ରଖିବ । 

ହେଲଦି ସ୍କିନ୍ :

ଯଦି ଆପଣଙ୍କ ସ୍କିନ୍‌ରେ ସବୁବେଳେ ବ୍ରଣ, ଦାଗ ଆଦି ସମସ୍ୟା ଦେଖିବାକୁ ମିଳୁଛି, ତେବେ ନିଜର ମିଠା ଖାଇବାର ପରିମାଣ କମାନ୍ତୁ । ଅଧିକ ମିଠା ଖାଇବା ଦ୍ୱାରା ସ୍କିନ୍ ଡଲ୍ ହେବା ସହ ବ୍ରଣ ହେବାର ସମ୍ଭାବନା ରହିଥାଏ । ତେଣୁ ସୁଗାର ଫ୍ରି ଡାଏଟ୍ ତ୍ୱଚାକୁ ସୁନ୍ଦର କରିବା ସହିତ ଉଜ୍ୱଳ ମଧ୍ୟ କରିଥାଏ ।