ପ୍ରମୁଖ ଖବର
  • ଭୁବନେଶ୍ଵର : ଲୁମ୍ବିନୀ ବିହାର ମା' ମଙ୍ଗଳା ବସ୍ତିରେ ବିଲ୍ ଗେଟ୍‌ସ, ଲୋକମାନଙ୍କୁ ଭେଟି ବିଭିନ୍ନ ମୌଳିକ ସୁବିଧା ସମ୍ପର୍କରେ ପଚାରି ବୁଝିଲେ
  • ||
  • ଭୁବନେଶ୍ଵର : ଓଡ଼ିଶା ଆସୁଛନ୍ତି ମହାମହିମ, ମା' କିଚକେଶ୍ଵରୀଙ୍କ ଦର୍ଶନ ସହ ବିଭିନ୍ନ କାର୍ଯ୍ୟକ୍ରମରେ ଦେବେ ଯୋଗ
  • ||

ଦିଲ୍ଲୀ ବାସଭବନରେ ନାହାନ୍ତି ଝାଡ଼ଖଣ୍ଡ ମୁଖ୍ୟମନ୍ତ୍ରୀ ହେମନ୍ତ ସୋରେନ୍, ୩୧ରେ ଇଡିରେ ହାଜରେ ହେବା ସୂଚନା

ନୂଆଦିଲ୍ଲୀ, ୨୯/୦୧: ସୋମବାର ଝାଡ଼ଖଣ୍ଡ ମୁଖ୍ୟମନ୍ତ୍ରୀଙ୍କ ଦିଲ୍ଲୀ ସ୍ଥିତ ବାସଭବନରେ ପହଞ୍ଚିଥିଲା ଇଡି । ଜମି ଦୁର୍ନୀତି ମାମଲାରେ ହେମନ୍ତ ସୋରେନଙ୍କୁ ଇଡି ଜେରା କରିଥାନ୍ତା । ତେବେ ଦିଲ୍ଲୀ ବାସଭବନରେ ସୋରେନ ନଥିବା ଜଣାପଡ଼ିଛି । କୁହାଯାଉଛି, ବିଳମ୍ବିତ ରାତିରେ ଦିଲ୍ଲୀ ଛାଡ଼ି ପଳାଇଛନ୍ତି ହେମନ୍ତ ସୋରେନ । ତେବେ ସୋରେନ ଏବେ କେଉଁଠି ଅଛନ୍ତି ସେ ନେଇ ଇଡି ପାଖରେ ବର୍ତ୍ତମାନ କୌଣସି ସୂଚନା ନାହିଁ ।

ସକାଳ ପ୍ରାୟ ୭ଟା ସମୟରେ ସୋରେନଙ୍କ ଦିଲ୍ଲୀସ୍ଥିତ ବାସଭବନରେ ପହଞ୍ଚିଥିଲା ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି)ର ଟିମ୍ । ସୋରେନଙ୍କ ବାସଭବନକୁ ବି ଦିଲ୍ଲୀ ପୋଲିସ ଘେରି ଯାଇଥିଲା । ଚର୍ଚ୍ଚା ହେଉଥିଲା ପୂର୍ବରୁ ୯ ଥର ସମନ ସତ୍ତ୍ୱେ ଇଡିରେ ହାଜର ହୋଇ ନଥିବା ଝାଡ଼ଖଣ୍ଡ ମୁଖ୍ୟମନ୍ତ୍ରୀ ହେମନ୍ତ୍ର ସୋରେନ ଗିରଫ ହୋଇ ପାରନ୍ତି ।

ତେବେ ଦିଲ୍ଲୀ ବାସଭବନରେ ସୋରେନ ନଥିବା ଇଡି ପକ୍ଷରୁ ସୂଚନା ଦିଆ ଯାଇଛି । ବିଳମ୍ବିତ ରାତିରେ ହେମନ୍ତ୍ର ସୋରେନ ଦିଲ୍ଲୀ ଛାଡ଼ି ପଳାଇ ଯାଇଛନ୍ତି । ସେ ଏବେ କେଉଁଠି ଅଛନ୍ତି ଲୋକେସନ୍ ଟ୍ରେସ୍ କରୁଛି ଇଡି । ଜାନୁଆରୀ ୨୭ରେ ଇଡି ଜମି ଦୁର୍ନୀତି ମାମଲାରେ ସୋରେନଙ୍କୁ ୧୦ମ ସମନ ଜାରି କରିଥିଲା । ଯେଉଁଥିରେ ଜାନୁଆରୀ ୨୯ କିମ୍ବା ୩୧ରେ ପଚରାଉଚରା ପାଇଁ ଉପସ୍ଥିତ ରହିବା ନେଇ ନିଶ୍ଚିତ କରିବାକୁ କୁହା ଯାଇଥିଲା ।

ତେବେ ସୋରନ ଇଡିକୁ ଉପସ୍ଥିତ ରହିବା ନେଇ ନିଶ୍ଚିତ କରି ନଥିଲେ । ଝାଡ଼ଖଣ୍ଡ ସିଏମଓ ଅଫିସର ସୂତ୍ର ମୁତାବକ, ଜାନୁଆରୀ ୩୧ରେ ପଚରାଉଚରା ଲାଗି ସୋରେନ ଇଡକୁ ସମୟ ଦେବେ । ଏନେଇ ଇଡିକୁ ଇମେଲ୍ ମାଧ୍ୟମରେ ଅବଗତ କରାଇଥିବା କୁହା ଯାଉଛି । 

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.