ନୂଆଦିଲ୍ଲୀ,୨୬/୦୧: ଭାରତ ଓ ଇଂଲଣ୍ଡ ମଧ୍ୟରେ ପ୍ରଥମ ମ୍ୟାଚ୍ ହାଇଦ୍ରାବାଦର ରାଜୀବ ଗାନ୍ଧୀ ଆନ୍ତର୍ଜାତୀୟ ଷ୍ଟାଡିୟମରେ ଖେଳାଯାଉଛି। ମ୍ୟାଚ୍ର ପ୍ରାରମ୍ଭିକ ଦୁଇ ଦିନ ଭାରତ ନାଁରେ ରହିଛି। ପ୍ରଥମ ଦିନ ଭାରତର ବୋଲର ଇଂଲଣ୍ଡକୁ ୨୪୬ ରନ୍ରେ ଅଟକାଇଥିବା ବେଳେ ମ୍ୟାଚ୍ର ଦ୍ବିତୀୟ ଦିନ ଟିମ୍ ଇଣ୍ଡିଆ ପ୍ରଥମ ଇନିଂସରେ ୭ ଓ୍ବିକେଟ ହରାଇ ୪୨୧ ରନ୍ରେ ପହଞ୍ଚିଛି। ଭାରତ ୧୭୫ ରନ୍ରେ ଅଗ୍ରଣୀ ରହିଛି। ଦ୍ବିତୀୟ ଦିନର ଖେଳ ଶେଷ ହେବା ସୁଦ୍ଧା ରବିନ୍ଦ୍ର ଜାଡ଼େଜା ଅପରାଜିତ ୮୧ ଏବଂ ଅଟକ୍ଷର ପଟେଲ ଅପରାଜିତ ୩୫ ରନ୍ କରିଛନ୍ତି। ଇଂଲଣ୍ଡ ପକ୍ଷରୁ ଟମ୍ ହର୍ଟଲି ଏବଂ ରଟ୍ ଦୁଇଟି ଲେଖାଏଁ ଓ୍ବିକେଟ କରିଥିଲେ।
ଗୋଟିଏ ଓ୍ବିକେଟ ହରାଇ ୧୧୯ ରନ୍ରେ ସକାଳେ ମଇଦାନକୁ ଓହ୍ଲାଇଥିବା ଭାରତ ପ୍ରଥମ, ଦ୍ବିତୀୟ ଓ ତୃତୀୟ ଇନିଂସରେ ଦୁଇଟି ଲେଖାଏଁ ଓ୍ବିକେଟ ହରାଇଥିଲା। ଦିନର ଆରମ୍ଭ ଭାରତ ପାଇଁ ଶୁଭଙ୍କର ନଥିଲା। ଦିନର ପ୍ରଥମ ଓଭରରୁ ହିଁ ବିସ୍ଫୋରକ ବ୍ୟାଟର ଯଶସ୍ବୀ ଜୟସଓ୍ବାଲ ୮୦ ରନ୍ରେ ପାଭିଲିୟନ ହରାଇଥିବା ବେଳେ ଶୁବମନ ଗିଲ୍ ୨୩ରେ ଆଉଟ୍ ହୋଇଥିଲେ। ୬୩ ବଲ୍ରେ ଶ୍ରେୟସ୍ ଆୟର ୩୫ ରନ୍, କେ.ଏଲ୍ ରାହୁଲ୍ ୮୬ ଏବଂ ତୃତୀୟ ଇନିଂସରେ କେଏସ୍ ଭରତ ୪୧ ଓ ଅଶ୍ବିନୀ ୧ ରନ୍ କରି ପାଭିଲିୟନ ଫେରିଥିଲେ।
