ହାଇଦ୍ରାବାଦ : ଆଇପିଏଲ ୨୦୨୪ ସଂସ୍କରଣରେ ପୁଣି ଥରେ ବର୍ଷା ସାଜିଲା ବାଧକ। ଗୁରୁବାର ( ୧୬ ମେ )ରେ ସନରାଇଜର୍ସ ହାଇଦ୍ରାବାଦ(ଏସଆରଏଚ) ଓ ଗୁଜରାଟ ଟାଇଟନ୍ସ (ଜିଟି) ମଧ୍ୟରେ ମୁକାବିଲା ହେବାର ଥିଲା, ଯାହା ବର୍ଷା କାରଣରୁ ବିନା ଟସ୍ରେ ରଦ୍ଦ ହୋଇ ଯାଇଛି। ଏଥିପାଇଁ ଦୁଇ ଟିମ୍କୁ ୧-୧ ଅଙ୍କ ମିଳିଛି।
ଆଇପିଏଲ୍ -୨୦୨୪ : ହାଇଦ୍ରାବାଦରେ ପ୍ରବଳ ବର୍ଷା ... ମ୍ୟାଚ୍ ଟସ୍ରେ ହେଉଛି ବିଳମ୍ୱ
ଏହିପରି ଏହି ବର୍ଷା ପ୍ୟାଟ୍ କମିନ୍ସଙ୍କ ଅଧିନାୟକତ୍ୱରେ ହାଇଦ୍ରାବାଦ ଟିମ୍ ପାଇଁ ବରଦାନ ସାବ୍ୟସ୍ତ ହୋଇଛି। ମ୍ୟାଚ୍ ଧୋଇ ଯିବା କ୍ଷଣି ଏସଆରଏଚ ଟିମ୍ର ପ୍ଲେଅଫ୍ରେ ଏଣ୍ଟ୍ରି ହୋଇ ଯାଇଛି। ଯାହାକି ଫଳାଫଳ ଆସିବା ପରେ ଖରାପ ନେଟ୍ ରନରେଟ୍ କାରଣରୁ ଦିଲ୍ଲୀ କ୍ୟାପିଟଲ୍ସ (ଡିସି) ପ୍ଲେଅଫ୍ର ରେସ୍ରୁ ବାହାର ହୋଇ ଯାଇଛି।
ଲକ୍ଷ୍ନୌ ସୁପର ଜଏଣ୍ଟସ (ଏଲଏସଜି)ର ଏବେ ଶେଷ ମୁକାବିଲା ବାକି ଅଛି। ତାକୁ ପ୍ଲେଅଫ୍ର ରେସ୍ରେ ରହିବାର ଅଛି, ତ ନିଜର ଶେଷ ମ୍ୟାଚ୍ ମୁମ୍ୱାଇ ଇଣ୍ଡିଆନ୍ସ (ଏମଆଇ) ବିରୋଧରେ ଖୁବ୍ ବଡ଼ ମାର୍ଜିନ୍ରେ ଜିତିବାକୁ ହେବ। ହେଲେ ଏହା ସମ୍ଭବ ନୁହେଁ । ଏହି କ୍ରମରେ ଲକ୍ଷ୍ନୌକୁ ମଧ୍ୟ ବାହାର ହୋଇପାରେ । ଏବେ ୪ର୍ଥ ଟିମ୍ର ଦାବିଦାରରେ ଚେନ୍ନାଇ ସୁପର କିଙ୍ଗସ (ସିଏସକେ) ଓ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ (ଆରସିବି) ହିଁ ଦୃଢ ଦାବିଦାର।
ଶୁଭମନ ଗିଲଙ୍କ ଅଧିନାୟକତ୍ୱର ଗୁଜରାଟ ଟିମ୍ ପ୍ଲେଅଫ୍ରୁ ବାହାର ହୋଇ ସାରିଛି। ଗୁଜରାଟ ଟିମ୍ର ଏହା ଲଗାତାର ୨ୟ ମୁକାବିଲା ବର୍ଷାରେ ଧୋଇ ଯାଇଛି। ଏହି ମ୍ୟାଚ୍ ହାଇଦ୍ରାବାଦର ରାଜୀବ ଗାନ୍ଧୀ ଇଣ୍ଟରନ୍ୟାସନାଲ ଷ୍ଟାଡିୟମରେ ହେବାର ଥିଲା। କିନ୍ତୁ ପ୍ରବଳ ବର୍ଷା କାରଣରୁ ବିନା ଟସ୍ରେ ରଦ୍ଦ ହୋଇ ଯାଇଛି।
