ପ୍ରମୁଖ ଖବର
  • ଇଓଡବ୍ଲ୍ୟୁ ପଞ୍ଝାରେ ୨ କୁଖ୍ୟାତ କ୍ରିପ୍ଟୋ ଠକ, ୧୫ କୋଟି ଟଙ୍କାର ଠକେଇ ଅଭିଯୋଗ
  • ||
  • ସ୍ଵାମୀ ସରୋଜଙ୍କ ସହ ବିଜେପିରେ ମିଶିଲେ ଜ୍ୟୋତି ପାଣିଗ୍ରାହୀ, ବିଜେଡିରୁ ଦେଇଥିଲେ ଇସ୍ତଫା
  • ||
  • ମେ ୩୧ରେ ଆସିବ ‘ମିଷ୍ଟର ଆଣ୍ଡ ମିସେସ୍‌ ମାହି’, ଦେଖିବାକୁ ମିଳିବ ରାଜକୁମାର-ଜାହ୍ନବୀଙ୍କ ଜବରଦସ୍ତ କେମେଷ୍ଟ୍ରି
  • ||
  • ଖାଉଟିଙ୍କ ପକେଟକୁ ମହଙ୍ଗା ମାଡ଼: ଟ୍ୱିନ୍‌ ସିଟିରେ ଆଳୁ କିଲୋ ୩୦ ଟଙ୍କା, ସପ୍ତାହକରେ ୮ ଟଙ୍କା ବଢ଼ିଲାଣି
  • ||
  • ପ୍ଲାଷ୍ଟିକ ବଜାରକୁ ନେଇ ବିବାଦ: ଆଜି ୧୨ ସଂଘ-ବିଏମ୍‌ସି ବୈଠକ
  • ||
  • ସୋମବାର ଶ୍ରୀଲିଙ୍ଗରାଜଙ୍କ ରୁକୁଣା ରଥ ପ୍ରତିଷ୍ଠା ଉତ୍ସବ, ମଙ୍ଗଳବାର ଶ୍ରୀଜିଉଙ୍କ ରଥଯାତ୍ରା
  • ||
  • ପାରାଦୀପରେ ୬୧ ଦିନ ଯାଏଁ ମାଛଧରା ବନ୍ଦ, ମାଛ ସଂରକ୍ଷଣକୁ ଦୃଷ୍ଟିରେ ରଖି ମତ୍ସ୍ୟ ବିଭାଗ ପକ୍ଷରୁ ନିର୍ଦ୍ଦେଶ
  • ||
  • ଓଡ଼ିଶାରେ ମୋଦି ନୁହେଁ, ‘ନବୀନ ଗ୍ୟାରେଣ୍ଟି’: ଚାଲିଛି ମତାମତ ସଂଗ୍ରହ, ଖୁବ୍‌ଶୀଘ୍ର ବିଜେଡିର ଇସ୍ତାହାର
  • ||
  • IPL 2024: ବେଙ୍ଗାଲୁରୁ-ହାଇଦ୍ରାବାଦ ମଧ୍ୟରେ ଟକ୍କର, ରୟାଲର କ୍ଲାସେନ ଭୟ
  • ||
  • ରାଜ୍ୟରେ ପୁଣି ପ୍ରଚଣ୍ଡ ତାତି, ଆହୁରି ୪ରୁ ୬ ଡିଗ୍ରୀ ବଢ଼ିବ ପାରଦ: ୧୮ ଯାଏ ଭୀଷଣ ଗ୍ରୀଷ୍ମପ୍ରବାହ
  • ||

୧୦ ବର୍ଷରେ ପ୍ରତି ବ୍ୟକ୍ତି ପିଛା ମାସିକ ଖର୍ଚ୍ଚ ଅଢ଼େଇ ଗୁଣା ବୃଦ୍ଧି, ଟିଭି-ଫ୍ରିଜ୍ କିଣାରେ ଖର୍ଚ୍ଚ କରୁଛନ୍ତି ଅଧିକ

ନୂଆଦିଲ୍ଲୀ, ୨୬/୦୨ : ଗତ ୧୧ ବର୍ଷରେ ପ୍ରତି ବ୍ୟକ୍ତି ପିଛା ମାସିକ ଖର୍ଚ୍ଚ ଅଢ଼େଇ ଗୁଣ ବୃଦ୍ଧି ହୋଇଛି । ବିଭିନ୍ନ ସାମଗ୍ରୀ ଓ ସେବାରେ ଲୋକଙ୍କ ଖର୍ଚ୍ଚରେ ଢ଼େର ପରିମାଣର ବୃଦ୍ଧି ଦେଖାଯାଇଛି । ମୋଟ ଖର୍ଚ୍ଚରେ ଖାଦ୍ୟ ପାନୀୟ ଖର୍ଚ୍ଚ ଅଂଶ ପୂର୍ବାପେକ୍ଷା କମିଥିବା ବେଳେ ଯାତ୍ରା ଓ ଅନ୍ୟ କ୍ଷେତ୍ରରେ ଖର୍ଚ୍ଚ ବୃଦ୍ଧି ହୋଇଛି । ଲୋକେ ଖାଇବା ପିଇବା ସାମଗ୍ରୀ ଉପରେ କମ୍‌ ଖର୍ଚ୍ଚ କରୁଥିବା ପୋଷାକ, ଟିଭି, ଫ୍ରିଜ, ମନୋରଞ୍ଜନ ଭଳି କ୍ଷେତ୍ରରେ ଅଧିକ ଖର୍ଚ୍ଚ କରୁଥିବା କେନ୍ଦ୍ର ସରକାରଙ୍କ ପକ୍ଷରୁ ହୋଇଥିବା ପରିବାରଗୁଡିକର ଖର୍ଚ୍ଚ ସମ୍ପର୍କିତ ସର୍ଭେରୁ ଜଣାପଡିଛି । ଲୋକେ ଗହମ, ଚାଉଳ, ଡାଲିରେ କମ୍‌ ଖର୍ଚ୍ଚ କରୁଥିବା ବେଳେ ମୃଦୁପାନୀୟ, ରିଫ୍ରେସମେଣ୍ଟ ଏବଂ ପ୍ୟାକେଟ ଖାଦ୍ୟରେ ଅଧିକ ଖର୍ଚ୍ଚ କରୁଛନ୍ତି । 

ସେହିଭଳି ଗ୍ରାମାଞ୍ଚଳ ଏବଂ ସହରାଞ୍ଚଳରେ ଖର୍ଚ୍ଚର ତାରତମ୍ୟ କମିଛି । ୨୦୧୨-୧୨ରେ ଗ୍ରାମାଞ୍ଚଳରେ ଖାଦ୍ୟରେ ୫୩% ଖର୍ଚ୍ଚ ହେଉଥିବା ବେଳେ ଏହା ଏବେ ୪୬.୬%କୁ ଖସିଛି । ସେହିଭଳି ଅନ୍ୟାନ୍ୟ ଖର୍ଚ୍ଚ ପୂର୍ବରୁ ୪୭% ଥିବା ବେଳେ ଏହା ଏବେ ୫୩.୬%କୁ ବୃଦ୍ଧି ହୋଇଛି । ସହରାଞ୍ଚଳରେ ପୂର୍ବରୁ ଲୋକମାନେ ଖାଦ୍ୟ ବାବଦକୁ ସେମାନଙ୍କ ମାସିକ ଖର୍ଚ୍ଚର ୪୨.୬% ଖର୍ଚ୍ଚ କରୁଥିବା ବେଳେ ଏହା ଏବେ ୩୯.୨%କୁ ଖସିଛି। ଅନ୍ୟ ସାମଗ୍ରୀ ଖର୍ଚ୍ଚ ୫୭.୪%ରୁ ୬୦.୮%କୁ ବୃଦ୍ଧି ହୋଇଛି । ୨୦୧୧-୧୨ରେ ଗ୍ରାମାଞ୍ଚଳରେ ବ୍ୟକ୍ତିପିଛା ଖର୍ଚ୍ଚ ମାସିକ ୧୪୩୦ ଟଙ୍କା ଥିବା ବେଳେ ଏବେ ଏହା ୩୩୭୩ ଟଙ୍କାକୁ ବଢ଼ିଛି । ସମାନ ଅବଧିରେ ସହରାଞ୍ଚଳରେ ଏହି ଖର୍ଚ୍ଚ ଯଥାକ୍ରମେ ୨୬୩୦ ଟଙ୍କା ଓ ୬୪୫୯ ଟଙ୍କା ରହିଛି । ମୂଲ୍ୟବୃଦ୍ଧି କାରଣରୁ ଏଫ୍‌ଏମ୍‌ସିଜି ଉତ୍ପାଦ ଉପରେ ଅଧିକ ଚାପ ପଡିଛି । 

୨୦୨୩ରେ ଭାରତୀୟ ପରିବାରଗୁଡିକ ବିସ୍କୁଟ, ସାବୁନ, ସାମ୍ପୋ, ଜାମ ଏବଂ ଫର୍ସ କ୍ଲିନର ଭଳି ସାମଗ୍ରୀଗୁଡିକରେ ୫.୪ ଲକ୍ଷ କୋଟି ଟଙ୍କା ଖର୍ଚ୍ଚ କରିଛନ୍ତି । ୨୦୧୯ ପରେ ଏହି ଖର୍ଚ୍ଚରେ ୪୫% ବୃଦ୍ଧି ହୋଇଛି । ରାଜ୍ୟଗୁଡିକ କଥା ବିଚାରକୁ ନେଲେ ସିକିମର ଉଭୟ ସହର ଏବଂ ଗ୍ରାମାଞ୍ଚଳ ଲୋକମାନେ ସବୁଠାରୁ ଅଧିକ ଖର୍ଚ୍ଚ କରିଛନ୍ତି । ଏଠାରେ ଗ୍ରାମାଞ୍ଚଳରେ ଜଣେ ବ୍ୟକ୍ତି ମାସିକ ୭୭୩୧ ଟଙ୍କା ଏବଂ ସହରାଞ୍ଚଳରେ ୧୨,୧୦୫ ଟଙ୍କା ଖର୍ଚ୍ଚ କରିଛନ୍ତି । ସେହିଭଳି ଛତିଶଗଡର ଗ୍ରାମାଞ୍ଚଳରେ ଜଣେ ବ୍ୟକ୍ତି ମାସିକ ୨୪୬୬ ଟଙ୍କା ଏବଂ ସହରାଞ୍ଚଳରେ ମାସିକ ୪୪୮୩ ଟଙ୍କା ଖର୍ଚ୍ଚ କରିଛନ୍ତି । ଯାହା ସବୁଠାରୁ କମ୍‌ । ସେହିଭଳି ଏଠାରେ ଖାଦ୍ୟ ସାମଗ୍ରୀରେ ଗ୍ରାମାଞ୍ଚଳରେ ଖର୍ଚ୍ଚ ୧୭୫୦ ଥିବା ବେଳେ ସହରାଞ୍ଚଳରେ ୨୫୩୦ ଟଙ୍କା ରହିଛି । ପରିସଂଖ୍ୟାନ ଏବଂ କାର୍ଯ୍ୟକ୍ରମ ରୁପାୟନ ମନ୍ତ୍ରଣାଳୟ ଅଧିନ ଜାତୀୟ ସାମ୍ପୁଲ ସର୍ଭେ କାର୍ଯ୍ୟାଳୟ ପକ୍ଷରୁ ୨୦୨୨ ଅଗଷ୍ଟରୁ ୨୦୨୩ ଜୁଲାଇ ମଧ୍ୟରେ ଏହି ସର୍ଭେ କରାଯାଇଛି । ପ୍ରତି ୫ ବର୍ଷରେ ଏଭଳି ସର୍ଭେ ହୋଇଥାଏ । ଖାଉଟି ମୂଲ୍ୟ ସୂଚକାଙ୍କର ନୂଆ ସିରିଜକୁ ଜାରି କରିବାରେ ଏହା ସହାୟକ ହେବ ।

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.