କଲମ୍ବୋ, ୧୧/୦୯: ଏସିଆ କପର ସୁପର୍-୪ ମୁକାବିଲା ଖେଳା ଯାଉଛି । ରବିବାର କଲମ୍ବୋରେ ପାକିସ୍ତାନ ବିପକ୍ଷ ଭାରତ ମ୍ୟାଚରେ ବର୍ଷା ଭାଦକ ସୃଷ୍ଟି କରିଥିଲା । ଫଳରେ ଭାରତ ପ୍ରଥମେ ବ୍ୟାଟିଂ କରି ୨୪ ଓଭର ଗୋଟିଏ ବଲରେ ୨ ୱିକେଟ୍ ହରାଇ ୧୪୭ ରନ୍ କରିଥିବା ବେଳେ ଖେଳ ବନ୍ଦ ରହିଥିଲା । ଆଜି ସୋମବାର ରିଜର୍ଭ ଡେରେ ଅପରାହ୍ଣ ୩ଟାରୁ ପୁଣି ମ୍ୟାଚ୍ ଖେଳାଯିବ ।
ଆଜିର ମ୍ୟାଚ୍ ପରେ ଭାରତୀୟ ଦଳ ଆଉ ଏକ ମ୍ୟାଚ୍ ଖେଳିବ । ଫଳରେ ଭାରତୀୟ କ୍ରିକେଟ୍ ଦଳର ଖେଳାଳି ଲଗାତାର ୩ ଦିନ ଧରି ଖେଳିବା ସହ ଆରାମ ନେଇ ପାରିବେ ନାହିଁ । ଫଳରେ ଦଳ ଉପରେ ଚାପ ବଢ଼ିପାରେ । ଏହା ପୂର୍ବରୁ ଭାରତ ୨୦୧୯ ବିଶ୍ୱକପ୍ ବେଳେ ରିଜର୍ଭ ଡେରେ ସେମିଫାଇନାଲରେ ନ୍ୟୁଜିଲାଣ୍ଡ ବିପକ୍ଷରେ ଖେଳିଥିବା ବେଳେ ହାରିଥିଲା ।
ନିରାଶ କଲା ବର୍ଷା, ରିଜର୍ଭ ଡେ’ରେ ପୁଣି ଭାରତ-ପାକିସ୍ତାନ ମୁକାବିଲା
ଏବେ ପାକିସ୍ତାନ ବିପକ୍ଷ ମ୍ୟାଚ୍ ରବିବାର ଅଧୁରା ରହିଥିବା ବେଳେ ଆଜି ରିଜର୍ଭ ଡେରେ ମ୍ୟାଚ୍ ଖେଳାଯିବ । ଆଜି ପାକିସ୍ତାନ ସହ ଭାରତ ଖେଳିବାକୁ ଥିବାବେଳେ ଆସନ୍ତାକାଲି ମଙ୍ଗଳବାର ଶ୍ରୀଲଙ୍କା ସହ ମୁହାଁମୁହିଁ ହେବ । ଭାରତ-ଶ୍ରୀଲଙ୍କା ମ୍ୟାଚ୍ ମଧ୍ୟ କଲମ୍ବୋରେ ଖେଳାଯିବ । ଭାରତୀୟ ୩ ଦିନ ଲଗାତାର ମ୍ୟାଚ୍ ଖେଳୁଥିବାରୁ ଚାପ ବଢ଼ିପାରେ ।
ମ୍ୟାଚ୍ ପରେ ଖେଳାଳି ଯଥେଷ୍ଟ ଆରାମ ପାଇବେ ନାହିଁ । ଏଥିପାଇଁ ଆହତ ହେବାର ଆଶଙ୍କା ରହିଛି । ଯେତେବେଳେ ଖେଳାଳି ସମ୍ପୂର୍ଣ୍ଣ ଆରାମ ନେଇ ପାରନ୍ତି ନାହିଁ ତ ଆହତ ଆଶଙ୍କା ବଢ଼ି ଯାଇଥାଏ । ଯଦି ଖେଳାଳି ସମ୍ପୂର୍ଣ୍ଣ ଭାବେ ସୁସ୍ଥ ନ ରହିବେ ତ ଦଳ ଉପରେ ଚାପ ପଡ଼ିବ । ଏସିଆ କପରେ ଦଳ ବିଶ୍ୱକପ୍ ଖେଳିବ । ଏହା ପୂର୍ବରୁ କୌଣସି ଖେଳାଳି ଆହତ ହେଲେ ଦଳ ପାଇଁ ସମସ୍ୟା ବଢ଼ିଯିବ ।
ବର୍ଷା ବିଗାଡ଼ିଲା ଖେଳ, ଭାରତ-ପାକିସ୍ତାନ ମ୍ୟାଚ୍ ବାଧାପ୍ରାପ୍ତ
ଗତକାଲି ସୁପର୍-୪ ମୁକାବିଲାରେ ପ୍ରଥମେ ପାକିସ୍ତାନ ଟସ୍ ଜିତି ବ୍ୟାଟିଂ ପାଇଁ ଭାରତକୁ ଆମନ୍ତ୍ରଣ କରିଥିଲା । ୨୪.୧ ଓଭରରେ ଭାରତୀୟ ଦଳ ୨ ୱିକେଟ୍ ହରାଇ ୧୪୭ ରନ୍ କରିଛି । ଆଜି ପୁଣି ଥରେ ମ୍ୟାଚ୍ ଖେଳାଯିବ । ରୋହିତ ଶର୍ମା ୫୬ ରନ୍ ଓ ଶୁଭମନ ଗିଲ୍ ୫୮ ରନ୍ କରି ଆଉଟ୍ ହୋଇଥିବା ବେଳେ ବିରାଟ କୋହଲି ଓ କେଏଲ୍ ରାହୁଲ୍ ବ୍ୟାଟିଂ କରିବେ ।
