କଲମ୍ବୋ, ୧୦/୦୯: କଲମ୍ବୋରେ ଭୀଷଣ ବର୍ଷା । ଭାରତ ବନାମ ପାକିସ୍ତାନ ମ୍ୟାଚ୍ ବାଧାପ୍ରାପ୍ତ ହୋଇଛି । ପ୍ରଥମେ ବ୍ୟାଟିଂ କରୁଥିଲା ଭାରତୀୟ ଟିମ୍ । ୨୪.୧ ଓଭର ବେଳକୁ ଭୀଷଣ ବର୍ଷା ଖେଳରେ ବାଧକ ସାଜିଛି । ପୂର୍ବରୁ ବର୍ଷା ହେବା ନେଇ ଯେଉଁ ପୂର୍ବାନୁମାନ କରାଯାଉଥିଲା ତାହା ସଠିକ୍ ସାବ୍ୟସ୍ତ ହୋଇଛି । ରୋମାଞ୍ଚକର ମୋଡରେ ସୁପର-୪ର ଏହି ହାଇଭୋଲଟେଜ୍ ମ୍ୟାଚ୍ ବାଧାପ୍ରାପ୍ତ ହୋଇଛି । ଯାହାକୁ ନେଇ ଖେଳପ୍ରେମୀଙ୍କ ଗହଣରେ ଅସ୍ତନ୍ତୋଷ ପ୍ରକାଶ ପାଇଛି।
‘India ନାଁ ପରିବର୍ତ୍ତନ କରି ଭାରତ ରଖାଯିବ, ବିରୋଧ କରୁଥିବା ଲୋକେ ଦେଶ ଛାଡ଼’
ବର୍ଷା ଯୋଗୁଁ ଖେଳ ବନ୍ଦ ହେବା ବେଳକୁ ଭାରତୀୟ ଟିମ୍ ୧୪୭ ରନ୍ ସଂଗ୍ରହ କରିସାରିଥିଲେ । ପଡ଼ିଆରେ ବ୍ୟାଟିଂ କରୁଥିଲେ ବିରାଟ କୋହଲି ଏବଂ କେଏଲ ରାହୁଲ । ଦୁଇଟି ମୂଲ୍ୟବାନ ଓ୍ବିକେଟ ହରାଇସାରିଥିଲା ଭାରତୀୟ ଟିମ୍ । ରୋହିତ ଶର୍ମା ଏବଂ ଶୁଭମନ ଗିଲ୍ ଆଉଟ୍ ହୋଇ ପାଭିଲିୟନ ଫେରିସାରିଥିଲେ । ତାଙ୍କ ପରେ କୋହଲି ଏବଂ ରାହୁଲ ଯଥାକ୍ରମେ ୧୭ ରନ୍ ଏବଂ ୮ ରନ୍ କରିସାରିଥିଲେ । ଦୁଇ ବ୍ୟାଟ୍ସମ୍ୟାନଙ୍କ ମିଳିତ ସ୍କୋର ୩୮ ବଲ୍ରେ ୨୪ ରନ୍ ହୋଇଥିଲା । ଯଦି ବର୍ଷା ଯୋଗୁଁ ଆଜି ମ୍ୟାଚ୍ ହୋଇନପାରେ ତେବେ ଆସନ୍ତାକାଲି ପୁଣି ଥରେ ୨୪.୧ ଓଭରରୁ ହିଁ ଖେଳ ଆରମ୍ଭ ହେବ ।
ଆଜି ଖେଳ ଆରମ୍ଭରୁ ରୋହିତ ଶର୍ମା ଏବଂ ଶୁଭମନ ଗିଲ୍ଙ୍କ ଧୂଆଁଧାର ବ୍ୟାଟିଂ ଦେଖିବାକୁ ମିଳିଥିଲା । ଦୁଇ ବ୍ୟାଟ୍ସମ୍ୟାନ୍ ମିଳିତଭାବେ ୧୨୧ ରନ୍ କରିଥିଲେ ।ଏହି ଯୋଡିକୁ ଭାଙ୍ଗିଥିଲେ ଶଦାବ ଖାନ । ସେ ଅଧିନାୟକ ରୋହିତ ଶର୍ମାଙ୍କୁ ଆଉଟ କରିଥିଲେ । ଅର୍ଦ୍ଧଶତକ ପୁରା କରି ପାଭିଲିୟନ ଫେରିଥିଲେ ରୋହିତ । ସେହିଭଳି ଶୁଭମନ ଗିଲ୍ ୫୮ ରନ୍ କରି କ୍ୟାଚ୍ ଆଉଟ୍ ହୋଇଥିଲେ । ପ୍ରେମଦାସା ଷ୍ଟାଡିୟମ୍ରେ କେତେବେଳେ ଖେଳ ଆରମ୍ଭ ହେବ ତା ଉପରେ ଏବେ ସମସ୍ତଙ୍କ ନଜର ରହିଛି ।
You can also read: ରାସ୍ତାରୁ ଉଠାଇ ନେଇ ମହିଳାଙ୍କୁ ଗଣଦୁଷ୍କର୍ମ, ଜୀବନ ବଞ୍ଚାଇବାକୁ ନିର୍ବସ୍ତ୍ର ହୋଇ ଦୌଡ଼ିଲେ ପୀଡ଼ିତା
