ନୂଆଦିଲ୍ଲୀ, ୦୯/୦୯: ଏସିଆ କପ୍ ୨୦୨୩ରେ ଆସନ୍ତାକାଲି ହେବାକୁ ଥିବା ମ୍ୟାଚ୍ କ୍ରିକେଟ ପ୍ରେମୀଙ୍କ ପାଇଁ ଖୁବ ଖାସ । କାରଣ ଆସନ୍ତାକାଲି କଲମ୍ବୋରେ ମୁହାଁମୁହିଁ ହେବେ ଭାରତ ଏବଂ ପାକିସ୍ତାନ । କାଲି ମ୍ୟାଚ୍ ହେବାକୁ ଥିବା ବେଳେ ପାକିସ୍ତାନ କ୍ରିକେଟ ବୋର୍ଡ ନିଜର ଟିମ୍ ଘୋଷଣା କରିସାରିଛି । ହେଲେ ଟିମ୍ ଇଣ୍ଡିଆରେ କଣ ପରିବର୍ତ୍ତନ ହେବ ସେନେଇ ଭିନ୍ନ ଭିନ୍ନ ଚର୍ଚ୍ଚା ଲାଗିରହିଛି । ତେବେ ଅଧିନାୟକ ରୋହିତ ଶର୍ମା ଟିମରେ ୩ଟି ବଡ଼ ପରିବର୍ତ୍ତନ କରିପାରନ୍ତି ବୋଲି କୁହାଯାଉଛି ।
ଦିନିକିଆ ବିଶ୍ୱକପ୍ ପାଇଁ ମ୍ୟାଚ୍ ଅଫିସିଆଲ୍ ଘୋଷଣା:୧୬ ଅମ୍ପାୟାର ଓ ୪ ମ୍ୟାଚ୍ ରେଫରୀ ସାମିଲ
ଦ୍ରୁତ ବୋଲର ଜସପ୍ରୀତ ବୁମରା ଟିମ୍ରେ ସାମିଲ ହୋଇସାରିଛନ୍ତି । ପାରିବାରିକ କାରଣ ଯୋଗୁଁ ସେ ନେପାଳ ବିପକ୍ଷ ମ୍ୟାଚରେ ସାମିଲ ହୋଇପାରିନଥିଲେ । ବୁମରାଙ୍କ ସ୍ଥାନରେ ମହମ୍ମଦ ଶାମୀ ଖେଳିଥିଲେ। ଏବେ ବୁମରା ଫେରିଆସିଥିବା ବେଳେ ଶାମୀ କିମ୍ବା ମହମ୍ମଦ ସିରାଜଙ୍କ ମଧ୍ୟରୁ ଜଣେ ଟିମ୍ରୁ ବାଦ ପଡ଼ିପାରନ୍ତି । ବାମହାତି ବ୍ୟାଟ୍ସମ୍ୟାନ୍ ଇଶାନ କିଶନ୍ ପାକିସ୍ତାନ ବିପକ୍ଷରେ ଗ୍ରୁପ୍ ମ୍ୟାଚ୍ରେ ଭଲ ପ୍ରଦର୍ଶନ କରିଥିଲେ ଏବଂ ଅର୍ଦ୍ଧଶତକ କରିଥିଲେ । ଏମିତିରେ ୪ ନମ୍ବରରେ ବ୍ୟାଟିଂ କରୁଥିବା ଶ୍ରେୟସ ଆୟରଙ୍କ ମୁଣ୍ଡ ଉପରେ ଖଣ୍ଡା ଝୁଲୁଛି ।
ପାକିସ୍ତାନ ବିପକ୍ଷରେ ଶ୍ରେୟସ ଆୟାର ଖାସ ପ୍ରଦର୍ଶନ କରିପାରିନଥିଲେ । ଏହା ବ୍ୟତୀତ ଟିମ୍ ମ୍ୟାନେଜମେଣ୍ଟ ଏହି ବ୍ୟାଟ୍ସମ୍ୟାନଙ୍କୁ ଆଉ ଗୋଟିଏ ସୁଯୋଗ ଦେବାକୁ ଚାହିଁବ । ଯଦି ଶ୍ରେୟସ ଆୟରଙ୍କୁ ସୁଯୋଗ ମିଳେ ତେବେ କେଏଲ ରାହୁଲ ଟିମ୍ରୁ ବାଦ ପଡ଼ିପାରନ୍ତି । ଭାରତୀୟ ଟିମ୍ ପ୍ରଥମ ଦୁଇଟି ମ୍ୟାଚରେ ଶାର୍ଦ୍ଦୁଲ ଠାକୁରଙ୍କୁ ଖେଳାଇଥିଲା । ହେଲେ ସେ ବ୍ୟାଟିଂରେ ଭଲ ପ୍ରଦର୍ଶନ କରିପାରିନଥିଲେ। ଏହାକୁ ନଜରରେ ରଖି ତାଙ୍କ ସ୍ଥାନରେ ସ୍ପିନ୍ ବୋଲର ଅଲରାଉଣ୍ଡର ଅକ୍ଷର ପଟ୍ଟେଲଙ୍କୁ ସୁଯୋଗ ମିଳିପାରେ ।
ଯଦି ଏମିତି ହେଲା, ତେବେ ଟିମ୍ରେ ବୁମରାଙ୍କ ସହିତ ସିରାଜ କିମ୍ବା ଶାମୀ ଫ୍ରଣ୍ଟଲାଇନ୍ ପେସର ରହିବେ । ହାର୍ଦ୍ଦିକ ପାଣ୍ଡ୍ୟା ତୃତୀୟ ନମ୍ବର ପେସର ଭୂମିକା ନିଭାଇବେ । କୁଲଦୀପ ଯାଦବ, ରବୀନ୍ଦ୍ର ଜାଡେଜା ଏବଂ ଅକ୍ଷର ପଟ୍ଟେଲ ସ୍ପିନ୍ ବୋଲିଂ ସମ୍ଭାଳିବେ ।
ପାକିସ୍ତାନ ବିପକ୍ଷରେ ସମ୍ଭାବ୍ୟ ଭାରତୀୟ ଟିମ୍-
ରୋହିତ ଶର୍ମା (ଅଧିନାୟକ), ଶୁଭମନ ଗିଲ୍, ବିରାଟ କୋହଲି, ଶ୍ରେୟସ ଆୟର, କେଏଲ ରାହୁଲ/ଇଶାନ କିଶନ (ଓ୍ବିକେଟ କିପର), ହାର୍ଦ୍ଦିକ ପାଣ୍ଡ୍ୟା, ରବୀନ୍ଦ୍ର ଜାଡେଜା, ଶାର୍ଦ୍ଦୁଳ ଠାକୁର/ଅକ୍ଷର ପଟ୍ଟେଲ, କୁଲଦୀପ ଯାଦବ, ଜସପ୍ରୀତ ବୁମରା, ମହମ୍ମଦ ଶାମୀ/ ମହମ୍ମଦ ସିରାଜ୍ ।
ବିଶ୍ୱକପ୍-2023: ସଚିନଙ୍କୁ ଗୋଲ୍ଡେନ ଟିକେଟ୍ ପ୍ରଦାନ କଲେ ବିସିସିଆଇ ସମ୍ପାଦକ ଜୟ ଶାହ
