ବିଶାଖାପାଟନମ୍,୦୨/୦୨: ଭାରତ ଓ ଇଂଲଣ୍ଡ ମଧ୍ୟରେ ଚାଲିଥିବା ୫ ମ୍ୟାଚ୍ ବିଶିଷ୍ଟ ଦ୍ବିତୀୟ ସିରିଜ୍ର ପ୍ରଥମ ମୁକାବିଲା ବିଶାଖାପାଟନମ୍ରେ ଖେଳାଯାଇଛି। ଶୁକ୍ରବାର ମୁକାବିଲାର ପ୍ରଥମ ମ୍ୟାଚ୍ ଥିବା ବେଳେ ପ୍ରଥମରୁ ଭାରତ ଡ୍ରାଇଭିଂ ସିଟ୍ରେ ଅଛି। ଟସ୍ ଜିତି ଭାରତ ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲା ଏବଂ ପଥମ ଦିନର ଷ୍ଟମ୍ପ ଅପସାରଣ ସୁଦ୍ଧା ୯୩ ଓଭରରେ ୬ ଓ୍ବିକେଟ ହରାଇ ୩୩୬ ରନ୍ କରିଛି ଭାରତ। ବର୍ଷିଆନ ବ୍ୟାଟର ଯଶସ୍ବୀ ଜୟସଓ୍ବାଲ ଦ୍ବିତୀୟ ଶତକ ଲକ୍ଷ୍ୟରେ ଅଛନ୍ତି। ସେ ୨୫୭ ବଲ୍ରେ ୧୭ ଚୌକା ଏବଂ ୫ ଛକ୍କା ସାହାଯ୍ୟରେ ୧୭୯ ରନ୍ କରି କ୍ରିଜ୍ରେ ଅଛନ୍ତି। ଯଶସ୍ବୀ ଓ ରବିଚନ୍ଦ୍ରନ ଅଶ୍ବିନୀ ଉଭୟ ଦ୍ବିତୀୟ ଦିନ ମ୍ୟାଚ୍ ଆରମ୍ଭ କରିବେ।
ଭାରତ ପ୍ରଥମ ଇନିଂସରେ ତିନି ଓ୍ବିକେଟ ହରାଇ ୧୧୧ ରନ୍ କରିଥିଲା। ନବାଗତ ରଜିତ ପଟିଦାର (୩୨) ଏବଂ ଅଲରାଉଣ୍ଡର ଅକ୍ଷର ପଟେଲ (୨୭) ରନ୍ କରିଥିଲେ। ଓ୍ବିକେଟକିପର କେଏସ୍ ଭରତଙ୍କ ବ୍ୟାଟରୁ ୧୭ ରନ୍ ବାହାରିଥିଲା। ଟି ବ୍ରେକ୍ ପର୍ଯ୍ୟନ୍ତ ଟିମ୍ ଇଣ୍ଡିଆ ତିନି ଓ୍ବିକେଟ ହରାଇ ବୋର୍ଟରେ ୨୨୫ ରନ୍ ସାମିଲ କରିଥିଲା। ଯଶସ୍ବୀ ଜୟସଓ୍ବାଲଙ୍କ ଦମଦାର ଶତକ ବଳରେ ଦଳ ଏହି ସ୍କୋର କରବାରେ ସଫଳ ହୋଇଥିଲା। ଏଥିସହିତ ଭାରତ ଦ୍ବିତୀୟ ଇନିଂସରେ ଗୋଟିଏ ଓ୍ବିକେଟ ହରାଇ ୧୨୨ ରନ୍ କରିଥିଲା। ତେବେ ରୋହିତ ଶର୍ମା ୧୪ ରନ୍ କରି ଶୋଏବ୍ ବସିର୍ଙ୍କ ଦ୍ବାରା, ଶୁୂବମନ୍ ଗିଲ୍ ୩୪ ରନ୍ କରି ଜେମ୍ସ ଆଣ୍ଡ୍ରସନ୍ ଓ ଶ୍ରେୟସ୍ ଆୟର ୨୭ ରନ୍ କରି ଟମ୍ ହର୍ଟଲିଙ୍କ ଦ୍ବାରା ଆଉଟ୍ ହୋଇ ପାଭିଲିୟନ ଫେରିଥିଲେ।
