ଜେରୁଜେଲମ୍, ୧୩/୧୧: ଇସ୍ରାଏଲ୍-ହମାସ୍ ଯୁଦ୍ଧ ପୂରା ଦୁନିଆକୁ ଚିନ୍ତାରେ ପକାଇଛି । ଯୁଦ୍ଧ ବନ୍ଦ ପାଇଁ ଅନେକ ରାଷ୍ଟ୍ର ପ୍ରୟାସ କରୁଛନ୍ତି । ତେବେ ଏହାର କୌଣସି ପ୍ରଭାବ ପଡ଼ୁ ନଥିବା ଦେଖା ଯାଉଛି । ଦିନ ଗଡ଼ିବା ସହ ଯୁଦ୍ଧ ବ୍ୟାପକ ହେଉଛି । ରିପୋର୍ଟ ଅନୁସାରେ, ରବିବାର ଉତ୍ତର ଗାଜାରେ ଥିବା ୨ଟି ପ୍ରମୁଖ ହସ୍ପିଟାଲକୁ ରୋଗୀଙ୍କ ପାଇଁ ବନ୍ଦ କରି ଦିଆଯାଇଛି ।

ହସ୍ପିଟାଲ୍ କର୍ମଚାରୀଙ୍କ ଅନୁସାରେ, ଇସ୍ରାଏଲର ବୋମାମାଡ଼ ଏବଂ ତେଲ, ଔଷଧ ଅଭାବରୁ ଚିକିତ୍ସାଧୀନ ରୋଗୀଙ୍କ ମୃତ୍ୟୁ ହୋଇପାରେ । ଫିଲିସ୍ତିନର ଉତ୍ତର କ୍ଷେତ୍ରରେ ହସ୍ପିଟାଲ୍ ସେବାରେ ଇସ୍ରାଏଲ୍ ବାଧକ ସାଜୁଥିବା କହିଛନ୍ତି କର୍ମଚାରୀ । ଫଳରେ ରୋଗୀଙ୍କ ଚିକିତ୍ସା ହୋଇ ପାରୁ ନଥିବା କୁହାଯାଇଛି ।

୨୪ ଘଣ୍ଟା ପରେ ବି ଉତ୍ତରକାଶୀ ଟନେଲରେ ଫସି ରହିଛନ୍ତି ୪୦ ଶ୍ରମିକ, ଓଡ଼ିଶାରୁ ଅଛନ୍ତି ୫ ଜଣ

ଅନ୍ୟପଟେ ଇସ୍ରାଏଲ୍ ଡିଫେନ୍ସ ଫୋର୍ସ କହିଛି, ହସ୍ପିଟାଲ୍ ଗୁଡ଼ିକରେ ହମାସ୍ ଆତଙ୍କବାଦୀଙ୍କୁ ଆଶ୍ରୟ ଦିଆ ଯାଇଛି । ସେ ସବୁକୁ ଖାଲି କରାଯିବା ଦରକାର । ଫଳରେ ଗାଜାର ସବୁଠୁ ବଡ଼ ହସ୍ପିଟାଲ୍ ଅଲ୍ ଶିଫା ଓ ଅଲ୍-କୁଦସ୍ ରବିବାର ହସ୍ପିଟାଲ୍ ବନ୍ଦ ପାଇଁ ନିଷ୍ପତ୍ତି ନେଇଛନ୍ତି ।

ଗାଜାରେ ପ୍ରତିଦିନ ଶତାଧିକ ଲୋକଙ୍କ ମୃତ୍ୟୁ ହେଉଛି । ଅନେକ ଆହତ ହେଉଥିବାରୁ ହସ୍ପିଟାଲ୍ ଗୁଡ଼ିକ ଉପରେ ଚାପ ବି ପଡ଼ୁଛି । ନବଜାତକଙ୍କ ଚିକିତ୍ସା ବେଶ୍ କଠିନ ହେଉଛି । କାରଣ ଇସ୍ରାଏଲର ଆକ୍ରମଣରେ ଅନେକ ହସ୍ପିଟାଲର ଭିତ୍ତିଭୂମି ନଷ୍ଟ ହୋଇଛି । ହସ୍ପିଟାଲରେ ଡର ଓ ଭୟ ଭିତରେ କାର୍ଯ୍ୟ କରୁଛନ୍ତି ସ୍ୱାସ୍ଥ୍ୟ କର୍ମୀ ।

ସୁପ୍ରିମକୋର୍ଟଙ୍କ ବାଣ ବ୍ୟାନ୍ ନିର୍ଦ୍ଦେଶକୁ ଦୀପାବଳିରେ ଧୂଆଁରେ ଉଡ଼େଇ ଦେଲେ ଲୋକ, ଦିଲ୍ଲୀରେ ପୁଣି ବଢ଼ିଲା ପ୍ରଦୂଷଣ

ଇସ୍ରାଏଲ୍ ଅନୁସାରେ, ହସ୍ପିଟାଲର ଗ୍ରାଉଣ୍ଡରେ ଓ ନିକଟରେ ହମାସ୍ କମାଣ୍ଡ ସେଣ୍ଟର କରିଛି । ତେବେ ଇସ୍ରାଏଲର ଏଭଳି ଅଭିଯୋଗକୁ ଅଗ୍ରାହ୍ୟ କରିଛି ହମାସ୍ । ସେପଟେ ଗାଜାର ଶିଫା ହସ୍ପିଟାଲ୍ ସହ ବିଶ୍ୱା ସ୍ୱାସ୍ଥ୍ୟ ସଂଗଠନର ସମ୍ପର୍କ ବିଚ୍ଛିନ୍ନ ହୋଇଛି ।