ନୂଆଦିଲ୍ଲୀ,୮।୧୧: ଇସ୍ରାଏଲ ଏବଂ ହମାସ ମଧ୍ୟରେ ବିବାଦ ଏକ ମାସରୁ ଅଧିକ ସମୟ ବିତିଗଲାଣି। ଅକ୍ଟୋବର ୭ ରେ ହମାସ ଦ୍ୱାରା ହୋଇଥିବା ଆକ୍ରମଣରେ ୧୪୦୦ ରୁ ଅଧିକ ଇସ୍ରାଏଲ ନାଗରିକ ପ୍ରାଣ ହରାଇଛନ୍ତି। ହଜାର ହଜାର ଲୋକ ଆହତ ହୋଇଥିବାବେଳେ ୨୦୦ ରୁ ଅଧିକ ଇସ୍ରାଏଲ ନାଗରିକ ହାମାସ ଦ୍ୱାରା ବନ୍ଧକ ହୋଇଛନ୍ତି। ଇସ୍ରାଏଲ ନିଜର ନାଗରିକମାନଙ୍କୁ ମୁକ୍ତ କରିବା ପାଇଁ ଗାଜା ଷ୍ଟ୍ରିପରେ ହମାସର ଆଡ୍ଡା ଉପରେ ଆକ୍ରମଣ ଜାରି ରଖିଛି। ଏହି ସମୟରେ, ଖବର ଅଛି ଯେ ଅକ୍ଟୋବର ୭ରେ ଗାଜା ପଟୁ ଇସ୍ରାଏଲ ଉପରେ ରାତାରାତି କ୍ଷେପଣାସ୍ତ୍ର ଆକ୍ରମଣ ଯୋଜନା କରିଥିବା ହାମାସ ଆତଙ୍କବାଦୀଙ୍କୁ ହତ୍ୟା କରିଛି।
ଇସ୍ରାଏଲ ସେନା ଏକ ବୟାନରେ କହିଛି ,ହମାସର ଅସ୍ତ୍ର ଉତ୍ପାଦନ ସମ୍ଭାଗର ପ୍ରମୁଖ ମହସିନ୍ ଅବୁ ଜିନ୍ନାକୁ ମାରିବାରେ ସଫଳ ହୋଇଛୁ। କୁହାଯାଉଛି ଯେ, ଜିନା ହମାସ ପାଇଁ କୁଟନୈତିକ ରକେଟ୍ ଓ ଅସ୍ତ୍ରର ଉତ୍ପାଦନର ମାଷ୍ଟରମାଇଣ୍ଡ ଥିଲା। ଆଇଡିଏଫ୍ କହିଛି, ଆମ ସୈନିକ ଗାଜା ପଟି ଭିତରେ ପଶି ଆକ୍ରମଣ କରୁଛନ୍ତି, ଯେଉଁଥିରେ ଆତଙ୍କବାଦୀଙ୍କୁ ମାରି ଦିଆଯାଇଛି। ଏହା ସହିତ ଆତଙ୍କବାଦୀ ଢାଞ୍ଚାକୁ ମଧ୍ୟ ବିମାନ ଆକ୍ରମଣରେ ଧ୍ବଂସ କରି ଦିଆଯାଉଛି। ଏଭଳି ସ୍ଥିତିରେ ଏକ ଆକ୍ରମଣରେ ଅବୁ ଜିନ୍ନାକୁ ମାରି ଦିଆଯାଇଛି। ଆଇଡିଏଫ୍ ଅଫିସର ରାତିରେ ଏକ ଆତଙ୍କବାଦୀ ଗୋଷ୍ଠୀର ବିଷୟରେ ଜାଣିଥିଲା। ଯାହାକି ଇସ୍ରାଏଲି ସୁରକ୍ଷାବଳ ଉପରେ ଆଣ୍ଟି ଟ୍ୟାଙ୍କ ମିଶାଇଲ୍ ଉପରେ ଆକ୍ରମଣ କରିବାର ଥିଲେ। ଏହାପରେ ଏହି ଆତଙ୍କବାଦୀକୁ ମାରିବାରେ ସଫଳ ହୋଇଛନ୍ତି।
ଇସ୍ରାଏଲୀ ସେନା କହିଛନ୍ତି, ତାର ବହୁ ଏୟାରକ୍ରାଫ୍ଟକୁ ଇସ୍ରାଏଲ ଉପରେ ରକେଟ ଆକ୍ରମଣ ପାଇଁ ଦାୟୀ ଆତଙ୍କୀ ଗୋଷ୍ଠୀକୁ ମାରିବାକୁ ପଠାଯାଇଥିଲା। ଏଥିରେ ବହୁ ଆତଙ୍କବାଦୀ ନିହତ ହୋଇଥିଲେ। ଏହା ପୂର୍ବରୁ ଇସ୍ରାଏଲ ପକ୍ଷରୁ ଏକ ଭିଡିଓ ସେୟାର କରାଯାଇଥିଲା, ଯେଉଁଥିରେ ହମାସ ପକ୍ଷରୁ ବ୍ୟବହାର କରାଯାଇଥିବା ଅସ୍ତ୍ର, ଗ୍ରେନେଡ୍, ରକେଟ ଓ ବିସ୍ଫୋରକ ବେଲ୍ଟ ଦେଖାଯାଇଥିଲା।