ପ୍ରମୂଖ ଖବର
  • ବଜେଟ୍ ୨୦୨୪: ସଂସଦରେ ଜାମ୍ମୁ-କାଶ୍ମୀର ବଜେଟ୍ ଉପସ୍ଥାପିତ
  • ||
  • ବଜେଟ ୨୦୨୪: ଓଡ଼ିଶା ପର୍ଯ୍ୟଟନର ବିକାଶ ପାଇଁ ବଡ଼ ଘୋଷଣା, ପର୍ଯ୍ୟଟନର ବିକାଶ ପାଇଁ ମିଳିବ ଆର୍ଥିକ ସହାୟତା
  • ||
  • ବଜେଟ୍ ୨୦୨୪: ସରକାରୀ ସହାୟତାରେ ଛାତ ଉପରେ ଲାଗିବ ସୋଲାର ପ୍ୟାନେଲ, ପ୍ରତି ଘରୁ ମାସିକ ୩ଶହ ୟୁନିଟ ବିଜୁଳି ଉତ୍ପାଦନ ଲକ୍ଷ୍ୟ
  • ||
  • ବଜେଟ ୨୦୨୪:୧ କୋଟି ଘରକୁ ମାଗଣା ବିଜୁଳି ଯୋଗାଣ ହେବ,ପ୍ରଧାନମନ୍ତ୍ରୀ ସୂର୍ଯ୍ୟଘର ମୁକ୍ତ ବିଜୁଳି ଯୋଜନାରେ ମିଳିବ ସୁବିଧା
  • ||
  • ବଜେଟ୍୨୦୨୪: ବନ୍ୟା ମୁକାବିଲା ପାଇଁ ବିହାରକୁ ୧୧, ୫୦୦ କୋଟିର ସହାୟତା,ଆସାମ, ହିମାଚଳ ପ୍ରଦେଶ, ଉତ୍ତରାଖଣ୍ଡ, ସିକିମ୍‌କୁ ମିଳିବ ସହାୟତା
  • ||
  • ବଜେଟ ୨୦୨୪: ବନ୍ୟା ନିୟନ୍ତ୍ରଣ ପାଇଁ ସହାୟତା ଘୋଷଣା,ବନ୍ୟା କ୍ଷତିଗ୍ରସ୍ତ ୫ଟି ରାଜ୍ୟକୁ ସ୍ୱତନ୍ତ୍ର ସହାୟତାର ଘୋଷଣା
  • ||
  • ବଜେଟ ୨୦୨୪: ଜମିବାଡ଼ି ସୁବ୍ୟବସ୍ଥିତ କରିବାକୁ ଆରମ୍ଭ ହେବ ଭୂ-ଆଧାର, ଭୂ-ଆଧାର ଜରିଆରେ ଜମିବାଡ଼ି ଡିଜିଟାଇଜେସନ ହେବ
  • ||
  • ବଜେଟ୍ ୨୦୨୪: ମୁଦ୍ରା ଲୋନ୍‌ ୨୦ ଲକ୍ଷକୁ ବୃଦ୍ଧି ଘୋଷଣା କଲେ ଅର୍ଥମନ୍ତ୍ରୀ,ଧାର୍ଯ୍ୟ ସମୟରେ ପୈଠ କରିଥିବା ବ୍ୟକ୍ତି ଲୋନ୍‌ ପାଇପାରିବେ
  • ||
  • ବିଜେଟ୍ ୨୦୨୪-୨୫: ଗୟାରେ ହେବ ଇଣ୍ଡଷ୍ଟିଆଲ୍ କରିଡ଼ିର, ୧ ହଜାର ଆଇଟିଆଇକୁ ଅପଗ୍ରେଡ୍ କରାଯିବ
  • ||
  • ବିହାର, ଆନ୍ଧ୍ରପ୍ରଦେଶ ପାଇଁ ବଡ଼ ଘୋଷଣା କଲେ ଅର୍ଥମନ୍ତ୍ରୀ, ପୋଲାଭରମ ପ୍ରକଳ୍ପ ଶୀଘ୍ର ସମାପ୍ତ ହେବ, ବିହାରରେ ଏୟାରପୋର୍ଟ, ମେଡିକାଲ କଲେଜ ବିକାଶ
  • ||
  • ସପ୍ତମ ଥର ପାଇଁ ବଜେଟ ଉପସ୍ଥାପନ କଲେ ଅର୍ଥମନ୍ତ୍ରୀ ନିର୍ମଳା ସୀତାରମଣ
  • ||
  • ବିଧାନସଭା ଅଧିବେଶନର ଦ୍ବିତୀୟ ଦିନ, ୪ଟା ଯାଏଁ ଗୃହ ମୁଲତବି
  • ||

ଲସ୍କର-ଏ ତୋଇବାକୁ ଆତଙ୍କୀ ସଂଗଠନ ଭାବେ ତାଲିକାଭୁକ୍ତ କଲା ଇସ୍ରାଏଲ, ହମାସ ସହ ଯୁଦ୍ଧ ମଧ୍ୟରେ କାହିଁକି ନେଲା ନିଷ୍ପତ୍ତି ?

ନୂଆଦିଲ୍ଲୀ: ମୁମ୍ବାଇ ଆତଙ୍କବାଦୀ ଆକ୍ରମଣକୁ ୧୫ ବର୍ଷ ପୂରଣ ହେବାକୁ ଯାଉଛି  । ଏହାକୁ ମାତ୍ର ୫ ଦିନ ବାକି ଥିବା ବେଳେ ଆକ୍ରମଣ ପାଇଁ ଦାୟୀ ଲସ୍କର-ଏ-ତୋଇବା (ଏଲଇଟି) କୁ ଆତଙ୍କବାଦୀ ସଂଗଠନ ଭାବରେ ତାଲିକାଭୁକ୍ତ କରିଛନ୍ତି ଇସ୍ରାଏଲ୍ ସରକାର ।

ଦିଲ୍ଲୀର ଇସ୍ରାଏଲ୍ ଦୂତାବାସ ଏକ ବିବୃତ୍ତିରେ କହିଛି ଯେ, ମୁମ୍ବାଇ ଆତଙ୍କବାଦୀ ଆକ୍ରମଣର ସ୍ମୃତିଚାରଣର ୧୫ ତମ ବର୍ଷକୁ ନଜରରେ ରଖି ଇସ୍ରାଏଲ୍ ଲସ୍କର-ଏ-ତୋଇବାକୁ ଆତଙ୍କବାଦୀ ସଂଗଠନ ଭାବରେ ତାଲିକାଭୁକ୍ତ କରିଛି । ଏହା ସହିତ ଦୂତାବାସ ପକ୍ଷରୁ କୁହାଯାଇଛି ଯେ, ଏପରି କରିବାକୁ ଭାରତ ସରକାରଙ୍କ ପକ୍ଷରୁ କୁହାଯାଇ ନଥିଲେ ସୁଦ୍ଧା ନିୟମ ଅନୁଯାୟୀ ଏହି କାର୍ଯ୍ୟ କରିବା ପୂର୍ବରୁ ଇସ୍ରାଏଲ ପକ୍ଷରୁ ଆବଶ୍ୟକ ସମସ୍ତ ପଦକ୍ଷେପ ନିଆଯାଇଛି । ଇସ୍ରାଏଲ ପକ୍ଷରୁ ତାଲିକାଭୁକ୍ତ କରାଯାଇଥିବା ଆତଙ୍କବାଦୀ ସଂଗଠନ ଗୁଡିକ ମଧ୍ୟରୁ ଲଶ୍କର-ଏ-ତୋଇବା ହେଉଛି ଏକ ସକ୍ରିୟ ସଂଗଠନ । 

ସୂଚନାଯୋଗ୍ୟ, ୨୦୦୮ରେ ୧୦ ଜଣ କୁଖ୍ୟାତ ଆତଙ୍କବାଦୀଙ୍କୁ ଆରବ ସାଗର ଦେଇ ମୁମ୍ବାଇ ପଠାଇଥିଲା ଲସ୍କର-ଏ-ତୋଇବା । ୨୦୦୮ରେ ନଭେମ୍ବର ୨୬ରେ ଏହି ଆତଙ୍କବାଦୀମାନେ ରେଳ ଷ୍ଟେସନ ଏବଂ ତାଜ ହୋଟେଲ ସମେତ ଅନେକ ସର୍ବସାଧାରଣ ସ୍ଥାନରେ ଗୁଳିମାଡ କରିଥିଲେ । ଆତଙ୍କବାଦୀଙ୍କ ଆତଙ୍କ ମୁମ୍ବାଇରେ ଚାରି ଦିନ ଧରି ଚାଲିଥିଲା । ଏହି ଆକ୍ରମଣରେ ସମଗ୍ର ଦେଶକୁ ସ୍ତବ୍ଧ କରିଦେଇଥିଲା । 

ଲସ୍କର-ଏ-ତୋଇବା ଆତଙ୍କବାଦୀମାନେ ପ୍ରାୟ ୧୬୦ ଜଣଙ୍କୁ ହତ୍ୟା କରିଥିଲେ । ନିହତମାନଙ୍କ ମଧ୍ୟରେ ଅନେକ ବିଦେଶୀ ନାଗରିକ ମଧ୍ୟ ଥିଲେ । ଆକ୍ରମଣ ମଧ୍ୟରେ ମୁମ୍ବାଇର ନରିମାନ ହାଉସରେ କାନ୍ଦୁଥିବା ଇସ୍ରାଏଲ ଶିଶୁର ଫଟୋ ସମସ୍ତଙ୍କୁ ମର୍ମାହତ କରିଥିଲା । ଏହି ଶିଶୁର ନାମ ମୋଶେ ହୋଲଟବର୍ଗ ଥିବା ବେଳେ ତାର ପିତାମାତାଙ୍କୁ ଆତଙ୍କବାଦୀମାଦନେ ଗୁଳି କରି ହତ୍ୟା କରିଥିଲେ ।

ଅନ୍ୟପଟେ, ହମାସ ସହ ଯୁଦ୍ଧ ମଧ୍ୟରେ ଇସ୍ରାଏଲ କାହିଁକି ଏଭଳି ନିଷ୍ପତ୍ତି ନେଲା ତାକୁ ନେଇ ଚର୍ଚ୍ଚା ଆରମ୍ଭ ହୋଇଯାଇଛି । ଏହି ଯୁଦ୍ଧରେ ଭାରତର ସମର୍ଥନ ପାଇବା ଲାଗି ଇସ୍ରାଏଲ ଏଭଳି କରିଥାଇପାରେ ବୋଲି କୁହାଯାଉଛି । କାରଣ ହମାସ-ଇସ୍ରାଏଲ ଯୁଦ୍ଧରେ ଭାରତ ନିରପେକ୍ଷ ରହିଆସିଛି । ଇସ୍ରାଏଲ ଉପରେ ପ୍ରଥମେ ହୋଇଥିବା ଆକ୍ରମଣକୁ ଭାରତ ନିନ୍ଦା କରିଥିବା ବେଳେ ପାଲେଷ୍ଟାଇନ୍‌କୁ ମାନବୀୟ ସହାୟତା ପଠାଇଛି ।  

  • Israel Hamas war
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.