ଜେରୁସାଲେମ: ଗାଜାରେ ଆକ୍ରମଣ ଜାରି ରଖିଥିବା ବେଳେ ଏବେ ସେଠାକାର ସାମ୍ବାଦିକଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରିଛି ଇସ୍ରାଏଲ । ଅକ୍ଟୋବର ୭ରେ ହମାସ ଆକ୍ରମଣ ସମୟରେ ଖବର ସଂଗ୍ରହ କରିଥିବା ସାମ୍ବାଦିକଙ୍କ ଉପରେ ଖପ୍ପା ହୋଇଛି ଇସ୍ରାଏଲ । ସୀମାରେ ହମାସ ଆତଙ୍କବାଦୀଙ୍କ ଆକ୍ରମଣ ସମୟରେ ଗାଜାର ସାମ୍ବାଦିକମାନେ ଫଟୋ ଉଠାଇବା ସହ ଖବର ସଂଗ୍ରହ କରିଥିବା ନେଇ ଇସ୍ରାଏଲର ଗଣମାଧ୍ୟମ ‘ହନେଷ୍ଟ ରିପୋର୍ଟିଂ’ରେ ଖବର ପ୍ରକାଶ ପାଇବା ପରେ ନେତାନ୍ୟାହୁ ସରକାର ତତ୍ପରତା ପ୍ରକାଶ କରିଛନ୍ତି ।
ଇସ୍ରାଏଲକୁ ମିଳିବ ସ୍ପାଇସ୍ ବମ୍, ବାଲାକୋଟ ଏୟାର ଷ୍ଟ୍ରାଇକରେ ବ୍ୟବହାର କରିଥିଲା ଭାରତ...
ଏପରିକି ଅକ୍ଟୋବର ୭ରେ ହୋଇଥିବା ଆକ୍ରମଣ ସଂପର୍କରେ ସେମାନେ ଆଗରୁ ଜାଣିଥିଲେ ବୋଲି ଅଭିଯୋଗ ମଧ୍ୟ ହୋଇଛି । ଗାଜା ପଟ୍ଟି ନିକଟବର୍ତ୍ତୀ ଇସ୍ରାଏଲ ସୀମାରେ ଯେଉଁ ଆକ୍ରମଣ ହୋଇଥିଲା ସେନେଇ ଗାଜାର ସାମ୍ବାଦିକମାନେ ଅନ୍ତ୍ରର୍ଜାତୀୟ ମିଡିଆ ସହ ମିଳିତ ଭାବେ ଖବର ସଂଗ୍ରହ କରିଥିଲେ ବୋଲି ପ୍ରଧାନମନ୍ତ୍ରୀ କାର୍ଯ୍ୟାଳୟ ପକ୍ଷରୁ ଜୋର ଦେଇ କୁହାଯାଇଛି । ମାନବତା ପ୍ରତି ହୋଇଥିବା ଅପରାଧରେ ଗାଜା ସାମ୍ବାଦିକମାନେ ସଂଶ୍ଳିଷ୍ଟ ଥିବା ନେଇ ମଧ୍ୟ ଇସ୍ରାଏଲ ଅଭିଯୋଗ କରିଛି ।
ଏହା ସହ ସାମ୍ବାଦିକମାନଙ୍କର ଏଭଳି କାର୍ଯ୍ୟ ବୃତ୍ତିଗତ ନିୟମରୁ ବାହାରେ ବୋଲି କହିଛି ଇସ୍ରାଏଲ । ଇସ୍ରାଏଲର ସରକାରୀ ପ୍ରେସ୍ କାର୍ଯ୍ୟାଳୟ ପକ୍ଷରୁ ଗାଜାର ସାମ୍ବାଦିକଙ୍କୁ ନିଯୁକ୍ତି ଦେଇଥିବା ମିଡିଆ ସଂସ୍ଥାକୁ ଚିଠି ଦିଆଯାଇଛି । ଏଥିରେ ସଂପୃକ୍ତ ସାମ୍ବାଦିକଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ନେବାକୁ ଦାବି କରିଛି ଇସ୍ରାଏଲ । ସେପଟେ ‘ହନେଷ୍ଟ ରିପୋର୍ଟିଂ’ ୬ ଜଣ ଫ୍ରିଲାନ୍ସ ସାମ୍ବାଦିକ, ହାସନ ଏସଲାହିଆ, ୟୋସୁଫ ମାସୁଦ, ଅଲି ମହମୁଦ, ହାତେମ ଅଲି,ମହମ୍ମଦ ଫାଏକ ଅବୁ ମୁସ୍ତାଫା ଏବଂ ୟାଶିର କୁଦିଙ୍କ ନାଁ ସାମିଲ କରିଛି । ସେମାନେ ଅକ୍ଟୋବର ୭ରେ ହୋଇଥିବା ଆକ୍ରମଣ ସମୟରେ ଉପସ୍ଥିତ ଥିଲେ ବୋଲି ଅଭିଯୋଗ ହୋଇଛି ।
ୟୁକ୍ରେନ୍ ପରେ ଜର୍ଜିଆ ସହ ମୁହାଁମୁହିଁ ହୋଇପାରେ ରୁଷ୍, ବିବାଦୀୟ ଅଞ୍ଚଳରେ ଲୋକଙ୍କୁ ହତ୍ୟା କଲା ରୁଷ୍ ସେନା
ସେମାନେ ରୟଟର୍ସ, ଏପି ଏବଂ ନ୍ୟୁୟର୍କ ଟାଇମ୍ସ ପାଇଁ କାମ କରୁଥିବା ବେଳେ ଇସ୍ରାଏଲ ଟ୍ୟାଙ୍କ ଜଳୁଥିବାର ଫଟୋ ଉତ୍ତୋଳନ କରିଥିଲେ । ଏହା ସହ ହମାସ ଆତଙ୍କବାଦୀ ଇସ୍ରାଏଲ ନାଗରିକଙ୍କୁ ଅପହରଣ କରିନେଉଥିବାର ଫଟୋ ଏବଂ ଭିଡିଓ ମଧ୍ୟ ସେମାନେ ଉଠାଇଥିବା ନେଇ ଦାବି ହୋଇଛି । ଏହି ସାମ୍ବାଦିକମାନେ ଉଠାଇଥିବା ଫଟୋରେ ଜର୍ମାନୀର ମହିଳା ଶାନି ଲୌକ ମଧ୍ୟ ଥିଲେ ।
ସେପଟେ ଆକ୍ରମଣ ନେଇ ଆଗୁଆ ସୂଚନା ନଥିଲା ବୋଲି ରୟଟର୍ସ ପକ୍ଷରୁ ସ୍ପଷ୍ଟୀକରଣ ଦିଆଯାଇଛି । ହମାସ ଆକ୍ରମଣର ଦୁଇ ଘଣ୍ଟା ପରେ ଫଟୋ ସବୁ ଉଠାଯାଇଥିବା ବେଳେ ବନ୍ଧୁକଧାରୀମାନେ ଇସ୍ରାଏଲରେ ପ୍ରବେଶ କରିଥିବା ନେଇ ଖବର ପ୍ରାୟ ୪୫ ମିନିଟ ପରେ ଦିଆଯାଇଥିଲା ବୋଲି ନ୍ୟୁଜ ଏଜେନ୍ସି ରୟଟର୍ସ ପକ୍ଷରୁ କୁହାଯାଇଛି ।
