ଭୁବନେଶ୍ୱର,୦୪/୧୧: ଅନ୍ତର୍ଜାତୀୟ ଖ୍ୟାତି ସମ୍ପନ୍ନ ଜୟଆଲୁକାସ ଗ୍ରୁପର ସଫଳତା ପଛରେ ଥିବା ଦୂରଦୃଷ୍ଟି ସମ୍ପନ୍ନ ଉଦ୍ୟୋଗୀ ଜୟଆଲୁକାସଙ୍କ ଆତ୍ମଜୀବନୀ ‘ବ୍ୟାପ୍ତ ଆନନ୍ଦ’ ନଭେମ୍ବର ୫ରେ ଉନ୍ମୋଚିତ ହେବ । ନଭେମ୍ବର ୫ ସଂଧ୍ୟାରେ ଶାରଜା ଅନ୍ତର୍ଜାତୀୟ ପୁସ୍ତକ ମେଳାରେ ଏହାର ଉନ୍ମୋଚନ ନେଇ କାର୍ଯ୍ୟକ୍ରମ  ସ୍ଥିର ହୋଇଛି । କାର୍ଯ୍ୟକ୍ରମରେ ଜୟ ଆଲୁକାସର ଗ୍ଲୋବାଲ ବ୍ରାଣ୍ଡ୍‌ ଆମ୍ବାସଡର ତଥା ବଲିଉଡ  ଅଭିନେତ୍ରୀ କାଜୋଲ ସମ୍ମାନିତ ଅତିଥି ଭାବେ  ଯୋଗ ଦେବେ । 

ଜୟ ଆଲୁକାସଙ୍କ ଆତ୍ମ ଜୀବନୀ  ନେତୃତ୍ୱ, ବ୍ରାଣ୍ଡ୍‌ ବିଲ୍ଡିଂ ଓ ସ୍ଥିରତା, ସତ୍ୟନିଷ୍ଠ ଓ  ନିଷ୍ଠା ମାଧ୍ୟମରେ ଲକ୍ଷ୍ୟ ପ୍ରତି ଏକାଗ୍ରତା ଏବଂ ଦୃଢ଼ ଚିତ୍ତରେ ଅନୁସରଣ ସମ୍ପର୍କରେ  ମୂଲ୍ୟବାନ ଜ୍ଞାନ ପ୍ରଦାନ କରେ । ବିଶ୍ୱ ପ୍ରସିଦ୍ଧ ପ୍ରକାଶକ ହାର୍ପର କୋଲିନ୍ସଙ୍କ ଦ୍ୱାରା ପ୍ରକାଶିତ  ଏହି ଜୀବନୀ ମାଲାୟାଲାମ ଏବଂ ଆରବୀରେ ଅନୁବାଦ ଚାଲିଛି । ଏହା ପ୍ରମୁଖ ଇ-କମର୍ସ  ସାଇଟରେ ଉପଲବ୍ଧ । ଏହି ଅବସରରେ ଜୟ ଆଲୁକାସ କହିଛନ୍ତି, ଜୟଆଲୁକାସର  ସଫଳତାର କାହାଣୀ ଗୋଟିଏ ରାତିରେ ଲେଖାଯାଇ ନ ଥିଲା । ୧୯୫୬ରେ ମୋ ପିତା  ଆଲୁକା ଜୋଶେଫ ଭର୍ଗେସଙ୍କ ଦ୍ୱାରା ଆରମ୍ଭ ଏହି ବ୍ରାଣ୍ଡ ଉତ୍ତରାଧିକାରୀ ବଂଶ କ୍ରମ ଓ  ସୁଦୃଢ଼ ପ୍ରଭାବ ଛାଡିବାର ୩୫ ବର୍ଷର ଉତ୍ସବକୁ ପାଳନ କରେ ।